ನಟನೆಯಿಂದ ದೂರಸರಿದ 'ಮಿಲನ' ಧಾರಾವಾಹಿ ನಟಿ ವಿನುತಾ ಈಗ ಏನು ಮಾಡ್ತಿದ್ದಾರೆ?

'ಮಿಲನ' ಧಾರಾವಾಗಿ ಅಂತ್ಯವಾಗಿ ಬಹಳ ಕಾಲ ಆಯ್ತು. ಆದರೆ ಇದರ ಪಾತ್ರಧಾರಿಗಳನ್ನು ಜನರು ಇನ್ನೂ ಮರೆತಿಲ್ಲ. ಈ ಸೀರಿಯಲ್‌ನಲ್ಲಿ ಪ್ರಾರ್ಥನಾ ಪಾತ್ರದಲ್ಲಿ ಹಲವು ದಿನಗಳ ಕಾಲ ಕಾಣಿಸಿಕೊಂಡಿದ್ದ ನಟಿ ವಿನುತಾ ಈಗ ನಟಿಸುತ್ತಿಲ್ಲ. ಧಾರಾವಾಹಿಯನ್ನು ಅವರು ಅರ್ಧದಲ್ಲಿಯೇ ಬಿಟ್ಟು ಹೋದರು.

ಮದುವೆಯಾದ ನಂತರ ವಿನುತಾ ನಟನೆ!
ಮದುವೆಯಾದ ನಂತರ ವಿನುತಾ ಕ್ಯಾಮರಾ ಎದುರಿಸಿದ್ದರು. ನಟಿಯಾಗಬೇಕು ಎಂದುಕೊಂಡಿದ್ದ ವಿನುತಾ ಆಸೆಯನ್ನು ಅವರ ಪಾಲಕರು ಆರಂಭದಲ್ಲಿ ಒಪ್ಪಿರಲಿಲ್ಲವಂತೆ. ನಟಿಯಾಗಿದ್ದ ವಿನುತಾ ತಾಯಿ ಇದಕ್ಕೆ ಬೆಂಬಲ ನೀಡಿದ್ದರೂ ಕೂಡ, ತಂದೆ ಬಿಲ್‌ಕುಲ್ ಒಪ್ಪಿರಲಿಲ್ಲ. ಆಮೇಲೆ ಮಗಳ ಆಸೆಗೆ ಮಣಿದು ಓಕೆ ಎಂದುಬಿಟ್ಟರು. ಸಿನಿಮಾಗಳಿಂದ ಸಾಕಷ್ಟು ಆಫರ್ ಬಂದಿದ್ದರೂ ಕೂಡ ಪಾಲಕರ ಕಾರಣದಿಂದ ವಿನುತಾ ಒಪ್ಪಿರಲಿಲ್ಲ. ಮದುವೆಯಾದ ನಂತರದಲ್ಲಿ ನಿನ್ನ ಗಂಡ ಒಪ್ಪಿದರೆ ನಟಿಸು ಅಂತ ಅಪ್ಪ-ಅಮ್ಮ ವಿನುತಾಗೆ ಹೇಳಿದ್ದರಂತೆ. ಆಮೇಲೆ ಗಂಡನ ಅನುಮತಿ ಪಡೆದು ವಿನುತಾ ಕಿರುತೆರೆಗೆ ಕಾಲಿಟ್ಟಿದ್ದರು. 3 ತಿಂಗಳ ನಟನಾ ತರಬೇತಿ ಪಡೆದಿದ್ದ ವಿನುತಾ ಎಂದೂ ನಾಟಕ ಮಾಡಿರಲಿಲ್ಲ. ನಾಚಿಕೆ ಸ್ವಭಾವ ಇದ್ದಿದ್ದರಿಂದ ಪಾತ್ರ ದಕ್ಕಿಸಿಕೊಳ್ಳೋದು, ಒಪ್ಪೋದು ವಿನುತಾಗೆ ಅಷ್ಟು ಸುಲಭವಾಗಿರಲಿಲ್ಲ.

ನೆಗೆಟಿವ್, ಗ್ಲಾಮರ್ ಪಾತ್ರ ಮಾಡಲ್ಲ ಎಂದಿದ್ದ ವಿನುತಾ
ಮಿಲನ ಧಾರಾವಾಹಿಯ ಆಡಿಶನ್‌ನಲ್ಲಿ ಪ್ರಾರ್ಥನಾ ಪಾತ್ರಕ್ಕೆ ವಿನುತಾ ಆಯ್ಕೆಯಾದರು. ಯಾವಾಗಲೂ ದೇವರು, ಹರಕೆ ಎನ್ನುತ್ತ ಸಾಂಪ್ರದಾಯಿಕ ಹುಡುಗಿ ಪ್ರಾರ್ಥನಾ ಪಾತ್ರ ವಿನುತಾಗೆ ಸಿಕ್ಕಿತ್ತು. ವಿನುತಾ ವ್ಯಕ್ತಿತ್ವವು 70% ಪ್ರಾರ್ಥನಾಗೆ ಹೋಲುತ್ತಿತ್ತು. ಗ್ಲಾಮರಸ್ ಪಾತ್ರಗಳನ್ನು ವಿನುತಾ ಇಷ್ಟಪಟ್ಟಿರಲಿಲ್ಲ. ಅದರಲ್ಲೂ ಸಿನಿಮಾಕ್ಕೆ ಹೀರೋಯಿನ್ ಆಗುವ ಅವಕಾಶ ಸಿಕ್ಕರೂ ನಾನು ಒಪ್ಪೋದಿಲ್ಲ ಅಂತ ಈ ಹಿಂದೆ ನೀಡಿದ್ದ ಸಂದರ್ಶನದಲ್ಲಿ ವಿನುತಾ ಹೇಳಿದ್ದರು. 'ಹೀರೋ ತಂಗಿ ಅಥವಾ ಇನ್ನುಳಿದ ಪೋಷಕ ಪಾತ್ರಗಳನ್ನು ಮಾಡಲು ನಾನು ಇಷ್ಟಪಡುತ್ತೇನೆ. ನನಗೆ ನೆಗೆಟಿವ್ ಪಾತ್ರಗಳನ್ನು ಮಾಡಲು ಅಷ್ಟು ಸರಿ ಎನಿಸಲ್ಲ. ಕಾಮಿಡಿ ಪಾತ್ರಗಳನ್ನು ಬೇಕಿದ್ದರೂ ಮಾಡುವೆ, ಆದರೆ ನೆಗೆಟಿವ್ ಸಾಧ್ಯವಿಲ್ಲ' ಅಂತ ಈ ಹಿಂದೆಯೇ ವಿನುತಾ ಹೇಳಿದ್ದರು.

Also Read-ಆ ಒಂದು ಫೋನ್‌ಕಾಲ್‌ನಿಂದಾಗಿ ಚಿತ್ರರಂಗಕ್ಕೆ ಗುಡ್‌ಬೈ ಹೇಳಿದ 'ಮಿಲನ' ಧಾರಾವಾಹಿ ನಟಿ!

ಮಿಲನ ಧಾರಾವಾಹಿ ನಟರು ಈಗ ಏನು ಮಾಡ್ತಾರೆ?
ಪ್ರಸ್ತುತ ವಿನುತಾ ಸೋಶಿಯಲ್ ಮೀಡಿಯಾದಲ್ಲಿ ಕೂಡ ಪತ್ತೆ ಇಲ್ಲ. ಈ ಸೀರಿಯಲ್ ಮುಗಿದು ಕೆಲ ವರ್ಷಗಳೇ ಉರುಳಿದರೂ ಕೂಡ ಇದರ ಅಭಿಮಾನಿಗಳು ಈ ಧಾರಾವಾಹಿಗೆ ಸಂಬಂಧಪಟ್ಟ ಫೋಟೋ, ವಿಡಿಯೋಗಳನ್ನು ಸೋಶಿಯಲ್ ಮೀಡಿಯಾ ಖಾತೆಯಲ್ಲಿ ಅಪ್‌ಲೋಡ್ ಮಾಡುತ್ತಿರುತ್ತಾರೆ. ಈ ಧಾರಾವಾಹಿಯಲ್ಲಿ ನಟಿಸಿದ್ದ ನಟ ಪ್ರಶಾಂತ್ ಭಾರದ್ವಾಜ್, ನಿರಂಜನ್ ದೇಶಪಾಂಡೆ, ರಕ್ಷಾ ಹೊಳ್ಳ ಈಗ ಬೇರೆ ಬೇರೆ ಪ್ರಾಜೆಕ್ಟ್‌ಗಳಲ್ಲಿ ಬ್ಯುಸಿಯಿದ್ದಾರೆ.

Also Read-ಚಿತ್ರರಂಗದಿಂದ ಬೇಸತ್ತು ನಟನೆಗೆ ಗುಡ್‌ಬೈ ಹೇಳಿದ್ದ 'ಮಿಲನ' ಧಾರಾವಾಹಿ ನಟಿ ಸೌಮ್ಯಾ ಈಗ ಕಂಪನಿಯೊಂದರ ಮಾಲಕಿ!