ನಿಂತೇ ಹೋಗತ್ತೆ ಚುಕ್ಕಿ ಎಡವಟ್ಟು, ಓಂಕಾರ್ ಸಿಟ್ಟು; ನಿಜಕ್ಕೂ ಮುಗಿಯಲಿದೆಯಾ ರಾಜಾ ರಾಣಿ ?

ಇತ್ತೀಚೆಗೆ ಖಾಸಗಿ ವಾಹಿನಿಯೊಂದರ ಧಾರಾವಾಹಿಗಳು ಮುಗಿಯುತ್ತಿವೆ. 'ರಾಧಾ ರಮಣ' ಧಾರಾವಾಹಿ ಇನ್ನೇನು ಮುಗಿಯಲಿದೆಯಂತೆ. 'ಇಷ್ಟದೇವತೆ' ಧಾರಾವಾಹಿ ಕೂಡ ಮುಗಿಯಲಿದೆ ಎಂಬ ಸುದ್ದಿಯಿದೆ, ಆದರೆ ಅಧಿಕೃತ ಹೇಳಿಕೆ ಹೊರಬಂದಿಲ್ಲ. ಹಾಗಾದ್ರೆ ಇನ್ನೊಂದು ಧಾರಾವಾಹಿ ಮುಗಿಯಲಿದೆಯಂತೆ, ಯಾವುದು ಆ ಧಾರಾವಾಹಿ?

ಖಾಸಗಿ ವಾಹಿನಿಯೊಂದರಲ್ಲಿ ಪ್ರಸಾರವಾಗುತ್ತಿದ್ದ 'ರಾಜಾ ರಾಣಿ' ಧಾರಾವಾಹಿಯ ಕೊನೆಯ ಎಪಿಸೋಡ್ ಅಕ್ಟೋಬರ್ 12ರಂದು ಅಂತ್ಯವಾಗಲಿದೆ. ಈ ಧಾರಾವಾಹಿಯಲ್ಲಿ ತಾರಕ್ ಪೊನ್ನಪ್ಪ ಮತ್ತು ಚಂದನಾ, ಶಶಿ ಹೆಗಡೆ, ಶಿಲ್ಪಾ ಶೆಟ್ಟಿ, ಮಂಜು ಭಾಷಿಣಿ ಮುಖ್ಯಭೂಮಿಕೆಯಲ್ಲಿ ನಟಿಸಿದ್ದರು. 357 ಎಪಿಸೋಡ್‌ಗಳನ್ನು ಇಂದಿಗೆ ಈ ಧಾರಾವಾಹಿ ಪೂರೈಸಿದೆ. ಕಥೆ ಮುಗಿಯಿತು ಎಂಬ ಕಾರಣಕ್ಕೆ ಈ ಧಾರಾವಾಹಿ ಮುಕ್ತಾಯವಾಗುತ್ತಿದೆಯಂತೆ.
ರಾಧಾ ರಮಣ ಧಾರಾವಾಹಿಯ ಓಟಕ್ಕೆ ಬಿತ್ತು ದೊಡ್ಡ ಬ್ರೇಕ್; ಕಾರಣ?

ಕಥೆ ಏನು?
ಅಕ್ಕನನ್ನು ಮದುವೆಯಾಗಬೇಕಾದ ಹುಡುಗ ಓಂಕಾರ್‌ನನ್ನು ಅನಿವಾರ್ಯವಾಗಿ ಚುಕ್ಕಿ ಮದುವೆಯಾಗುತ್ತಾಳೆ. ಓಂಕಾರ್ ಮತ್ತು ಚುಕ್ಕಿಗೆ ವಯಸ್ಸಿನ ಅಂತರವಿದ್ದು, ಚುಕ್ಕಿ ಯಾವಾಗಲೂ ಒಂದಲ್ಲ ಒಂದು ಎಡವಟ್ಟು ಮಾಡುತ್ತಿರುತ್ತಾಳೆ. ಸೈನಿಕನಾಗಿದ್ದ ಓಂಕಾರ್ ಸಿಕ್ಕಾಪಟ್ಟೆ ಗಂಭೀರ ವ್ಯಕ್ತಿತ್ವ ಉಳ್ಳವನು. ಚುಕ್ಕಿ ಸದಾ ಪಟಪಟನೆ ಮಾತಾಡುತ್ತಿರುತ್ತಾಳೆ. ಅಷ್ಟೇ ಅಲ್ಲದೆ ಮನೆಯೊಳಗಿರುವ ಓಂಕಾರ್ ಚಿಕ್ಕಮ್ಮ ಮಾಡುತ್ತಿರುವ ಮೋಸ ಮೊದಲಿಗೆ ಯಾರಿಗೂ ತಿಳಿದಿರೋದಿಲ್ಲ. ಈ ಸತ್ಯ ಅರಿತ ಚುಕ್ಕಿ ಹೇಗೆ ಮನೆ, ಮನೆಯವರನ್ನು ಕಾಪಾಡಿಕೊಳ್ಳುತ್ತಾಳೆ? ಅವಳ ಮತ್ತು ಓಂಕಾರ್ ಪ್ರೇಮಕಥೆಯ ಸಾರವೇ 'ರಾಜಾ ರಾಣಿ' ಧಾರಾವಾಹಿ.

'ಪುಟ್ಟಗೌರಿ' ಖ್ಯಾತಿಯ ರಂಜನಿ ರಾಘವನ್ 'ಇಷ್ಟದೇವತೆ' ಶೀಘ್ರವೇ ಅಂತ್ಯ? ಯಾಕೆ ಇಷ್ಟು ಬೇಗ?

ಓಂಕಾರ್ ಹೇಳಿದ್ದೇನು?
ವಿಜಯ ಕರ್ನಾಟಕ ವೆಬ್‌ಸೈಟ್ ಜೊತೆ ಮಾತನಾಡಿರುವ ಓಂಕಾರ್ ಪಾತ್ರಧಾರಿ ತಾರಕ್ ಪೊನ್ನಪ್ಪ "ಈ ಧಾರಾವಾಹಿಯಲ್ಲಿ ನಟಿಸಿದ್ದು ತುಂಬ ಖುಷಿ ಕೊಟ್ಟಿತು. ಅದೃಷ್ಟವಶಾತ್ ಒಳ್ಳೆಯ ತಂಡ ನನಗೆ ಸಿಕ್ಕಿತು. ಪ್ರತಿಯೊಬ್ಬರೂ ಉತ್ತಮ ಪ್ರೋತ್ಸಾಹ-ಸಹಕಾರ ನೀಡಿದ್ದಾರೆ. ಧಾರಾವಾಹಿಯಾಗಲಿ ಅಥವಾ ಸಿನಿಮಾವಾಗಲೀ ಕಲಿಯಲು ಒಂದು ಒಳ್ಳೆಯ ಅವಕಾಶ. ಧಾರಾವಾಹಿಗಳಲ್ಲಿ ಇಂದು ತಪ್ಪು ಮಾಡಿದ್ದರೆ ನಾಳೆ ಅದನ್ನು ಸರಿಪಡಿಸಿಕೊಳ್ಳಬಹುದು. ರೋಮ್ಯಾಂಟಿಕ್‌ ಸೀನ್‌ಗಳಲ್ಲಿ ನಟಿಸುವಾಗ ಈಗ ಅಂಥ ಕಷ್ಟ ಎಂದೆನಿಸೋದಿಲ್ಲ ನನಗೆ. ತಂಡದಲ್ಲಿದ್ದವರೆಲ್ಲರೂ ತುಂಬ ಸಪೋರ್ಟ್ ಮಾಡಿದ್ದಾರೆ. ಅವರಿಗೆಲ್ಲ ನನ್ನ ಧನ್ಯವಾದಗಳು " ಎಂದಿದ್ದಾರೆ.

ರಂಜನಿ ರಾಘವನ್ ಕುರಿತಂತೆ ನಡೆಯುತ್ತಿದೆ ಬಿಸಿ ಬಿಸಿ ಚರ್ಚೆ ; ಏನು ವಿಷಯ?
ಓಂಕಾರ್ ಕೈಯಲ್ಲಿ ಹಲವು ಆಫರ್
ತಾರಕ್ ಅಭಿನಯದ 'ಅಧ್ಯಕ್ಷ ಇನ್ ಅಮೆರಿಕ' ಸಿನಿಮಾ ಇಂದು ಬಿಡುಗಡೆಯಾಗಿದೆ. ನಾಯಕ ನಟನಾಗಿ ತಾರಕ್ 'ಅಮೃತ್ ಅಪಾರ್ಟ್‌ಮೆಂಟ್' ಎಂಬ ಸಿನಿಮಾದಲ್ಲಿ ನಟಿಸುತ್ತಿದ್ದಾರೆ. ಮೂಲತಃ ಮಾಡೆಲ್ ಆಗಿರುವ ತಾರಕ್ ಅವರಿಗೆ ಈಗಾಗಲೇ ಸಾಕಷ್ಟು ಆಫರ್‌ಗಳು ಅರಸಿ ಬರುತ್ತಿವೆ. ಚುಕ್ಕಿ ಪಾತ್ರಧಾರಿ ಚಂದನಾ ಮತ್ತು ಕೆಜಿಎಫ್ ಸಿನಿಮಾದಲ್ಲೂ ನಟಿಸಿದ್ದ ತಾರಕ್‌ಗೆ ಸಾಕಷ್ಟು ಅಭಿಮಾನಿಗಳಿದ್ದಾರೆ, ಫ್ಯಾನ್ಸ್ ಪೇಜ್‌ಗಳಿವೆ.