ಸೀಸನ್ 2 ಮೂಲಕ ವಾಪಾಸ್‌ ಬಂದ ಪಾಪಾ ಪಾಂಡು

ಚಿದಾನಂದ್‌ ಮತ್ತು ಶಾಲಿನಿ ನಟನೆಯ ಪಾಪಾ ಪಾಂಡು ಸೀರಿಯಲ್‌ ಈಗ ಮತ್ತೆ ಮನೆ ಮನೆಗೆ ಬರಲು ವೇದಿಕೆ ಸಿದ್ಧವಾಗಿದೆ. ಹದಿನೈದು ವರ್ಷಗಳ ಹಿಂದೆ ಜನಪ್ರಿಯತೆ ಗಳಿಸಿ ಸಾಕಷ್ಟು ಮಂದಿಯನ್ನು ಟಿವಿ ಮುಂದೆ ಕೂರಿಸಿದ್ದ ಪಾಪಾ ಪಾಂಡು ಮತ್ತೊಮ್ಮೆ ಮೋಡಿ ಮಾಡಲು ಬರುತ್ತಿದೆ. ಪ್ರತಿ ದಿನ ಒಂದೊಂದು ವಿಶೇಷವಾದ ಸಬ್ಜೆಕ್ಟ್‌ನೊಂದಿಗೆ ಜನರನ್ನು ನಗಿಸುತ್ತಿತ್ತು ಈ ಸೀರಿಯಲ್‌. ಈ ಧಾರಾವಾಹಿಯನ್ನು ನೋಡದವರೆ ಇಲ್ಲ ಎಂಬಷ್ಟರ ಮಟ್ಟಿಗೆ ಇದರ ಜನಪ್ರಿಯತೆ ಇತ್ತು.

ಪಾಪ ಪಾಂಡು ಧಾರಾವಾಹಿಯನ್ನು ಸಿಹಿಕಹಿ ಚಂದ್ರು ನಿರ್ಮಾಣ ಮಾಡಿ ನಿರ್ದೇಶನ ಮಾಡುತ್ತಿದ್ದರು. ಇದು ಪಾಪಾ ಪಾಂಡು ಸೀಸನ್‌-2 ಎಂದು ಹೇಳಬಹುದು. 15 ವರ್ಷದ ನಂತರ ಆ ಧಾರಾವಾಹಿ ಏನಾಗುತ್ತದೆ ಎನ್ನುವುದೇ ಈಗಿನ ಸಬ್ಜೆಕ್ಟ್ ಅಂತೆ.

ಈ ಸೀರಿಯಲ್‌ನಲ್ಲಿ ನಟಿಸುತ್ತಿದ್ದ ಎಲ್ಲ ಕಲಾವಿದರೂ ಇಂದು ಚಿತ್ರರಂಗದಲ್ಲಿ ಬಿಝಿಯಾಗಿದ್ದಾರೆ. ಪಾಪ ಪಾಂಡು ಆಗಿ ಚಿದಾನಂದ್‌ ಹಾಗೂ ಅವರ ಶ್ರೀಮತಿ ಆಗಿ ಶಾಲಿನಿ ಕಾಣಿಸಿಕೊಂಡಿದ್ದರು. ಹೊಸ ಪಾಂಡುವಿನಲ್ಲಿ ಯಾರಾರ‍ಯರು ಇರುತ್ತಾರೆ ಎಂಬುದಿನ್ನು ಬಹಿರಂಗಗೊಂಡಿಲ್ಲ. ವಿಶೇಷವಾಗಿ ನಕ್ಕು ನಗಿಸುತ್ತಿದ್ದ ಈ ಸೀರಿಯಲ್‌ ಹೊಸ ಅವತಾರದಲ್ಲಿ ಏನೇನು ಮೋಡಿ ಮಾಡಲಿದೆಯೋ ಕಾದು ನೋಡಬೇಕಿದೆ.