Lock Upp ರಿಯಾಲಿಟಿ ಶೋನಲ್ಲಿ ಫೈನಲಿಸ್ಟ್: ಹೊಸ ಇತಿಹಾಸ ಸೃಷ್ಟಿಸುತ್ತಾರಾ ಪ್ರಿನ್ಸ್ ನರುಲಾ?

ಹಿಂದಿ ರಿಯಾಲಿಟಿ ಶೋಗಳನ್ನು ಬಿಡದೆ ವೀಕ್ಷಿಸುವವರಿಗೆ ಪ್ರಿನ್ಸ್ ನರುಲಾ ಪರಿಚಯ ಇದ್ದೇ ಇರುತ್ತದೆ. ರಿಯಾಲಿಟಿ ಶೋಗಳಲ್ಲಿ ತಮ್ಮ ಜಬರ್‌ದಸ್ತ್ ಪರ್ಫಾಮೆನ್ಸ್ ಮೂಲಕವೇ ದೊಡ್ಡ ಅಭಿಮಾನಿ ಬಳಗ ಹೊಂದಿರುವವರು ಪ್ರಿನ್ಸ್ ನರುಲಾ. ಬ್ಯಾಕ್ ಟು ಬ್ಯಾಕ್ 4 ರಿಯಾಲಿಟಿ ಶೋಗಳಲ್ಲಿ ವಿಜೇತರಾಗಿರುವ ಪ್ರಿನ್ಸ್ ನರುಲಾ ಇದೀಗ ‘ಲಾಕ್ ಅಪ್’ ರಿಯಾಲಿಟಿ ಶೋನಲ್ಲಿ ಎರಡನೇ ಫೈನಲಿಸ್ಟ್ ಆಗಿದ್ದಾರೆ. ‘ಲಾಕ್ ಅಪ್’ ರಿಯಾಲಿಟಿ ಶೋನಲ್ಲೂ ಪ್ರಿನ್ಸ್ ನರುಲಾ ಗೆಲುವಿನ ನಗೆ ಬೀರುತ್ತಾರಾ?ಈವರೆಗೂ ಪ್ರಿನ್ಸ್ ನರುಲಾ ಸ್ಪರ್ಧಿಸಿರುವ ಎಲ್ಲಾ 4 ಶೋಗಳಲ್ಲೂ ವಿನ್ನರ್ ಟ್ರೋಫಿ ಎತ್ತಿ ಹಿಡಿದಿದ್ದಾರೆ. ಇದೀಗ ‘ಲಾಕ್ ಅಪ್’ ರಿಯಾಲಿಟಿ ಶೋನಲ್ಲೂ ಪ್ರಿನ್ಸ್ ನರುಲಾ ಸ್ಪರ್ಧಿಸುತ್ತಿದ್ದು, 5ನೇ ಬಾರಿಗೆ ವಿಜೇತರಾಗಿ ಹೊರಹೊಮ್ಮಿ ಕಿರುತೆರೆ ಇತಿಹಾಸದಲ್ಲೇ ಹೊಸ ದಾಖಲೆ ನಿರ್ಮಿಸುತ್ತಾರಾ ಎಂಬ ಕುತೂಹಲ ವೀಕ್ಷಕರಿಗೆ ಕಾಡುತ್ತಿದೆ.

ಫಿಲ್ಮೀ ಸ್ಟೈಲ್‌ನಲ್ಲಿ ಹುಟ್ಟುಹಬ್ಬ ಆಚರಿಸಿಕೊಂಡ ಬಿಗ್ ಬಾಸ್ ಸ್ಪರ್ಧಿ ಯುವಿಕಾ ಚೌಧರಿ!
ಪ್ರಿನ್ಸ್ ನರುಲಾ ಗೆಲುವಿನ ಪಯಣ
2014ರಲ್ಲಿ ಮಾಡೆಲಿಂಗ್ ಕಾನ್ಟೆಸ್ಟ್‌ನಲ್ಲಿ ಪ್ರಿನ್ಸ್ ನರುಲಾ ಸ್ಪರ್ಧಿಸಿದ್ದರು. ಈ ಸ್ಪರ್ಧೆಯಲ್ಲಿ ಎರಡನೇ ರನ್ನರ್ ಅಪ್‌ ಆಗಿ ಪ್ರಿನ್ಸ್ ನರುಲಾ ಹೊರಹೊಮ್ಮಿದರು. ಇಲ್ಲಿಂದಲೇ ಅವರ ಗೆಲುವಿನ ಪಯಣ ಆರಂಭವಾಯಿತು.

2015ರಲ್ಲಿ ರೋಡೀಸ್ X2 ರಿಯಾಲಿಟಿ ಶೋನಲ್ಲಿ ಪ್ರಿನ್ಸ್ ನರುಲಾ ಸ್ಪರ್ಧಿಸಿದ್ದರು. ಈ ಕಾರ್ಯಕ್ರಮದಲ್ಲಿ ಪ್ರಿನ್ಸ್ ನರುಲಾ ವಿನ್ನರ್ ಆದರು.

‘ರೋಡೀಸ್’ ಗೆದ್ದ ಬಳಿಕ ‘ಸ್ಪ್ಲಿಟ್ಸ್‌ವಿಲ್ಲಾ 8’ ಕಾರ್ಯಕ್ರಮಕ್ಕೆ ಪ್ರಿನ್ಸ್ ನರುಲಾ ಆಯ್ಕೆ ಆದರು. ‘ಸ್ಪ್ಲಿಟ್ಸ್‌ವಿಲ್ಲಾ 8’ ಡೇಟಿಂಗ್ ರಿಯಾಲಿಟಿ ಶೋನಲ್ಲಿ ಅನೂಕಿ ಜೊತೆ ಪ್ರಿನ್ಸ್ ನರುಲಾ ಗೆದ್ದರು. ಈ ಎರಡೂ ರಿಯಾಲಿಟಿ ಶೋಗಳಿಂದ ಹೆಚ್ಚು ಅಭಿಮಾನಿ ಬಳಗವನ್ನು ಪಡೆದ ಪ್ರಿನ್ಸ್ ನರುಲಾ ‘ಬಿಗ್ ಬಾಸ್’ ಮನೆಗೂ ಕಾಲಿಟ್ಟರು.

ಜಾತಿ ನಿಂದನೆ ಮಾಡಿದ್ದ 'ಮಳೆಯಲಿ ಜೊತೆಯಲಿ' ನಟಿ ಯುವಿಕಾ ಚೌಧರಿಗೆ ಮಧ್ಯಂತರ ಜಾಮೀನು
‘ಬಿಗ್ ಬಾಸ್ 9’ ರಿಯಾಲಿಟಿ ಶೋನಲ್ಲಿ ಎಲ್ಲಾ ಚಾಲೆಂಜಸ್ ಫೇಸ್ ಮಾಡಿದ ಪ್ರಿನ್ಸ್ ನರುಲಾ ವೀಕ್ಷಕರ ಮನ ಗೆದ್ದರು. ಅತಿ ಹೆಚ್ಚು ವೋಟ್ ಪಡೆದ ಪ್ರಿನ್ಸ್ ನರುಲಾ ‘ಬಿಗ್ ಬಾಸ್’ ವಿನ್ನರ್ ಟ್ರೋಫಿ ಎತ್ತಿ ಹಿಡಿದರು. ಆ ಮೂಲಕ ಬ್ಯಾಕ್ ಟು ಬ್ಯಾಕ್ 3 ರಿಯಾಲಿಟಿ ಶೋಗಳನ್ನು ಗೆದ್ದು ಪ್ರಿನ್ಸ್ ನರುಲಾ ಹ್ಯಾಟ್ರಿಕ್ ಬಾರಿಸಿದ್ದರು.

ಗ್ಯಾಂಗ್ ಲೀಡರ್
ರಿಯಾಲಿಟಿ ಶೋನಲ್ಲಿ ಹ್ಯಾಟ್ರಿಕ್ ಗೆಲುವು ಸಾಧಿಸಿದ ಪ್ರಿನ್ಸ್ ನರುಲಾ ‘ರೋಡೀಸ್’ ರಿಯಾಲಿಟಿ ಶೋನಲ್ಲಿ ಗ್ಯಾಂಗ್ ಲೀಡರ್ ಪಟ್ಟಕೇರಿದರು.

ತಪ್ಪಾಗಿದೆ, ಕ್ಷಮೆ ಕೇಳಿದೆ, ಮತ್ತೆ ಯಾಕೆ ಅದನ್ನೇ ಎಳಿತಿದ್ದೀರಿ? ನಟಿ ಯುವಿಕಾ ಚೌಧರಿ ಬೇಸರ!
ಪತ್ನಿ ಜೊತೆಗೂ ಗೆಲುವು
ಸೆಲೆಬ್ರಿಟಿ ಕಪಲ್ ಡ್ಯಾನ್ಸ್ ರಿಯಾಲಿಟಿ ಶೋ ‘ನಚ್ ಬಲಿಯೇ 9’ನಲ್ಲಿ ಪತ್ನಿ ಯುವಿಕಾ ಚೌಧರಿ ಜೊತೆಗೆ ಪ್ರಿನ್ಸ್ ನರುಲಾ ಸ್ಪರ್ಧಿಸಿದ್ದರು. ಈ ಕಾರ್ಯಕ್ರಮದಲ್ಲಿ ಅದ್ಭುತ ಪರ್ಫಾಮೆನ್ಸ್ ನೀಡಿದ ದಂಪತಿ ಗೆಲುವಿನ ಟ್ರೋಫಿಗೆ ಮುತ್ತಿಟ್ಟರು.

ಲಾಕ್ ಅಪ್ ರಿಯಾಲಿಟಿ ಶೋ
ಫಿನಾಲೆಗೆ 20 ದಿನಗಳು ಇರುವಾಗಲೇ ‘ಟ್ರಬಲ್ ಮೇಕರ್’ ಆಗಿ ‘ಲಾಕ್ ಅಪ್’ ರಿಯಾಲಿಟಿ ಶೋಗೆ ಪ್ರಿನ್ಸ್ ನರುಲಾ ಎಂಟ್ರಿಕೊಟ್ಟರು. ಅಲ್ಲಿದ್ದ ಪ್ರತಿ ಸ್ಪರ್ಧಿಗೂ ಚಾಲೆಂಜ್ ಮಾಡಿ, ಟಾಸ್ಕ್‌ಗಳಲ್ಲಿ ಗೆದ್ದರು. ಉಳಿದ ಸ್ಪರ್ಧಿಗಳನ್ನು ಪ್ರಿನ್ಸ್ ನರುಲಾ ಜೈಲಿಗಟ್ಟಿದರು. ‘ಲಾಕ್ ಅಪ್’ ಟಾಸ್ಕ್ ಮೂಲಕವೂ ಪ್ರಿನ್ಸ್ ನರುಲಾ ಜನರ ಮನ ಗೆದ್ದಿದ್ದಾರೆ. ಸದ್ಯಕ್ಕೆ ‘ಲಾಕ್ ಅಪ್’ ರಿಯಾಲಿಟಿ ಶೋನಲ್ಲಿ ಸೆಕೆಂಡ್ ಫೈನಲಿಸ್ಟ್ ಆಗಿ ಪ್ರಿನ್ಸ್ ನರುಲಾ ಎಂಟ್ರಿ ಪಡೆದಿದ್ದಾರೆ. ಹಾಗಾದ್ರೆ, ‘ಲಾಕ್ ಅಪ್’ ರಿಯಾಲಿಟಿ ಶೋವನ್ನೂ ಪ್ರಿನ್ಸ್ ನರುಲಾ ಗೆಲ್ಲುತ್ತಾರಾ?

ಒಂದ್ವೇಳೆ, ಪ್ರಿನ್ಸ್ ನರುಲಾ ಗೆದ್ದರೆ ಬ್ಯಾಕ್ ಟು ಬ್ಯಾಕ್ 5 ರಿಯಾಲಿಟಿ ಶೋಗಳಲ್ಲಿ ಪ್ರಿನ್ಸ್ ನರುಲಾ ವಿನ್ನರ್ ಆದಂತೆ ಆಗುತ್ತದೆ.

Fill this survey and get a chance to win an attractive gift