ಕೃಷ್ಣ ತುಳಸಿಯಲ್ಲಿ ರೆಹಮಾನ್‌

ಖಾಸಗಿ ಸುದ್ದಿ ವಾಹಿನಿಯಲ್ಲಿ ನಿರೂಪಕರಾಗಿದ್ದ ರೆಹಮಾನ್‌, ಬಿಗ್‌ಬಾಸ್‌ ರಿಯಾಲಿಟಿ ಶೋ ಮೂಲಕ ಖ್ಯಾತಿ ಗಳಿಸಿದ್ದರು. ಈಗ ಕೃಷ್ಣ ತುಳಸಿ ಎಂಬ ಸೀರಿಯಲ್‌ನಲ್ಲಿ ನಾಯಕಿಯ ಅಣ್ಣನಾಗಿ ಅವರು ನಟಿಸುತ್ತಿದ್ದಾರೆ.

ಇದು ರೆಹಮಾನ್‌ ಅವರಿಗೆ ಮೊದಲ ಸೀರಿಯಲ್‌ ಆಗಿದ್ದು, ಈಗಾಗಲೇ ಬಿಡುಗಡೆಯಾಗಿರುವ ಪ್ರೋಮೋಗಳಲ್ಲಿ ಅವರು ಮಿಂಚಿದ್ದಾರೆ. ತಮ್ಮ ಸ್ವಚ್ಛ ಕನ್ನಡದಿಂದ ಫೇಮಸ್‌ ಆಗಿದ್ದ ಅವರು ತುಳಸಿಯ ಅಣ್ಣನಾಗಿ ಹೊಸ ರೀತಿಯ ಪಾತ್ರದಲ್ಲಿ ನಟಿಸುತ್ತಿದ್ದಾರಂತೆ.

ಈ ಮಧ್ಯೆ ಅವರು ವೆನ್ನಿಲ್ಲಾ ಎಂಬ ಸಿನಿಮಾದಲ್ಲಿಯೂ ನಟಿಸಿದ್ದರು. ಕೃಷ್ಣ ತುಳಸಿ ಅಣ್ಣ ತಂಗಿ ನಡುವಿನ ಬಾಂಧವ್ಯವನ್ನು ಹೇಳುವ ಕಥೆಯಾದ ಕಾರಣ ರೆಹಮಾನ್‌ ಸೀರಿಯಲ್‌ನ್ನು ಒಪ್ಪಿಕೊಂಡರಂತೆ. ಒಟ್ಟಿನಲ್ಲಿ ರೆಹಮಾನ್‌ ಇನ್ನು ಮೇಲೆ ಪ್ರತಿ ದಿನವೂ ಟಿವಿಯಲ್ಲಿ ಕಾಣಿಸಿಕೊಳ್ಳುತ್ತಾರೆ.