ಪುಟ್ಟ ಗೌರಿಗೆ ವಿದಾಯ ಹೇಳಿದ ರಂಜಿನಿ ರಾಘವನ್‌

ಪುಟ್ಟಗೌರಿ ಮದುವೆ ಸೀರಿಯಲ್‌ ಮೂಲಕ ಕನ್ನಡಿಗರ ಮನೆ ಮನೆಗೂ ತಲುಪಿದ್ದ ನಟಿ ರಂಜಿನಿ ರಾಘವನ್‌ ಈಗ ಆ ಸೀರಿಯಲ್‌ನಿಂದ ಹೊರ ಬಂದಿದ್ದಾರೆ.

ಈ ಸೀರಿಯಲ್‌ ಅತಿ ಹೆಚ್ಚು ಟ್ರೋಲ್‌ಗೆ ಒಳಗಾಗದ ಸೀರಿಯಲ್‌ ಆಗಿತ್ತು, ಈ ಕಾರಣದಿಂದ ಈ ಸೀರಿಯಲ್‌ಗೆ ಟಿ ಆರ್‌ಪಿ ರೇಟಿಂಗ್‌ ಕೂಡಾ ಹೆಚ್ಚಾಗಿಯೇ ಇತ್ತು. ಸಾಕಷ್ಟು ಮಂದಿಗೆ ರಂಜಿನಿ ಹೆಸರು ಮರೆತು ಹೋಗಿ, ಪುಟ್ಟಗೌರಿ ಎಂಬ ಹೆಸರೇ ಫಿಕ್ಸ್‌ ಆಗಿತ್ತು. ಸತತ ಐದು ವರ್ಷಗಳಿಂದ ಪುಟ್ಟ ಗೌರಿ ಪಾತ್ರದಲ್ಲಿ ಕಾಣಿಸಿಕೊಂಡಿದ್ದ ಈ ನಟಿ ಈಗ ಇದ್ದಕ್ಕಿದ್ದ ಹಾಗೆ ಅದರಿಂದ ಹೊರ ಬಂದಿದ್ದಾರೆ.

ರಂಜಿನಿ ಐದು ವರ್ಷಗಳಿಂದ ಒಂದೇ ಪಾತ್ರದಲ್ಲಿ ನಟಿಸಿದ್ದ ಕಾರಣಕ್ಕೆಪಾತ್ರ ಬೋರ್‌ ಆಗಿದೆಯಂತೆ. ಬೇರೆ ಬೇರೆ ರೀತಿಯ ಪಾತ್ರಗಳಲ್ಲಿ ನಟಿಸಬೇಕೆಂಬ ಕಾರಣಕ್ಕೆ ನಾನು ಪುಟ್ಟಗೌರಿ ಮದುವೆ ಸೀರಿಯಲ್‌ನಿಂದ ಹೊರಬರುತ್ತಿದ್ದೇನೆ ಎಂದಿದ್ದಾರೆ. ಸದ್ಯಕ್ಕೆ ಅವರು ಟಕ್ಕರ್‌ ಸಿನಿಮಾದಲ್ಲಿ ನಟಿಸುತ್ತಿದ್ದಾರೆ.