ರವಿಚಂದ್ರನ್ ಜತೆ ಹೆಜ್ಜೆ ಹಾಕಿದ 'ಅದೃಷ್ಟವಂತೆ' ಶ್ರುತಿ ಪ್ರಕಾಶ್

ಮಾಜಿ ಬಿಗ್ ಬಾಸ್ ಸ್ಪರ್ಧಿ ಶ್ರುತಿ ಪ್ರಕಾಶ್ ಅವರು ಟೆಲಿವಿಷನ್‌ನಲ್ಲಿ ತಮ್ಮ ವೃತ್ತಿ ಜೀವನದ ಜರ್ನಿಯನ್ನು ಮುಂದುವರಿಸಿದ್ದಾರೆ. ಈ ಮೊದಲು ಬಿಗ್ ಬಾಸ್ ಸ್ಪರ್ಧೆಯಲ್ಲಿ ಕಾಣಿಸಿಕೊಂಡಿದ್ದ ಶ್ರುತಿ ಪ್ರಕಾಶ್ ಈಗ ಖಾಸಗಿ ವಾಹಿನಿಯೊಂದರಲ್ಲಿ ಪ್ರಸಾರವಾಗುತ್ತಿರುವ ತಕಧಿಮಿತ ಡಾನ್ಸ್ ರಿಯಾಲಿಟಿ ಶೋವೊಂದರಲ್ಲಿ ಭಾಗವಹಿಸುತ್ತಿದ್ದಾರೆ.

ಅಕುಲ್ ಬಾಲಾಜಿ ನಿರೂಪಣೆಯಲ್ಲಿ ಮೂಡಿ ಬರುತ್ತಿರುವ 'ತಕಧಿಮಿತ' ಡಾನ್ಸ್ ರಿಯಾಲಿಟಿ ಶೋದಲ್ಲಿ ನಟ ವಿ ರವಿಚಂದ್ರನ್, ಸುಮನ್ ರಂಗನಾಥ್ ಹಾಗೂ ಅನುರಾಧಾ ವಿಕ್ರಾಂತ್ ಅವರುಗಳು ಕಾರ್ಯಕ್ರಮದ ಜಡ್ಜ್‌ಗಳಾಗಿ ಕಾರ್ಯಕ್ರಮವನ್ನು ಚೆಂದಗಾಣಿಸಿಕೊಡುತ್ತಿದ್ದಾರೆ. ಈ ಶೋದಲ್ಲಿಶ್ರುತಿ ಪ್ರಕಾಶ್ ಅವರು ರವಿಚಂದ್ರನ್ ನಟನೆಯ 'ಶ್ರೀರಾಮಚಂದ್ರ' ಚಿತ್ರದ "ಸುಂದರಿ ಸುಂದರಿ.." ಹಾಡಿಗೆ ಸಖತ್ ಡಾನ್ಸ್ ಮಾಡಿದ್ದರು.

ಶ್ರುತಿ ಪ್ರಕಾಶ್ ಅವರ ಡಾನ್ಸ್ ನೋಡಿ ಸಖತ್ ಇಂಪ್ರೆಸ್ ಆದ ನಟ ರವಿಚಂದ್ರನ್ ತಾವೂ ಕೂಡ ಸ್ಟೇಜ್‌ಗೆ ಹೋಗಿ ಅವರೊಂದಿಗೆ ಹೆಜ್ಜೆ ಹಾಕಿದ್ದಾರೆ. ಸ್ವತಃ ರವಿಚಂದ್ರನ್ ತಮ್ಮೊಂದಿಗೆ ಹೆಜ್ಜೆ ಹಾಕುವುದನ್ನು ನೋಡಿ ಖುಷಿಗೊಂಡ ಶ್ರುತಿ ಇನ್ನೂ ಚೆನ್ನಾಗಿ ಡಾನ್ಸ್ ಮಾಡಿ ಪ್ರೇಕ್ಷಕರಿಂದ ಭಾರೀ ಕರತಾಡನ ಗಿಟ್ಟಿಸಿಕೊಂಡರು. ಶ್ರುತಿ ಪ್ರಕಾಶ್ ಮತ್ತು ರವಿಚಂದ್ರನ್ ಜೋಡಿಯ ಈ ಹಾಡು ಇಂದು, 16 ಫೆಬ್ರವರಿ ಶನಿವಾರ ಮತ್ತು ನಾಳೆ ಭಾನುವಾರ ಪ್ರಸಾರವಾಗಲಿದೆ.