ಹೆಂಡತಿಗೆ ಮೋಸ ಮಾಡಿದ ಶ್ರೀಶಾಂತ್‌, ಮಾಜಿ ಗರ್ಲ್‌ಫ್ರೆಂಡ್‌ನಿಂದ ಗುಟ್ಟು ರಟ್ಟು

ಹಿಂದಿ ಬಿಗ್‌ಬಾಸ್‌ 12ರ ಸ್ಪರ್ಧಿಯಾಗಿ ಹೋಗಿರುವ ಮಾಜಿ ಕ್ರಿಕೆಟಿಗ ಶ್ರೀಶಾಂತ್‌ ಬಿಗ್‌ಬಾಸ್‌ ಮನೆಯಲ್ಲಿ ಆಗಾಗ ಹೆಂಡತಿ ಹಾಗೂ ಮಕ್ಕಳನ್ನು ನೆನೆಪಿಸಿಕೊಳ್ಳುವುದನ್ನು ಕಾಣಬಹುದು.

ಹೆಂಡತಿ ಭುವನೇಶ್ವರಿಯನ್ನು ತುಂಬಾ ಪ್ರೀತಿಸುತ್ತೇನೆ ಎನ್ನುವ ಶ್ರೀಶಾಂತ್‌ ಹೆಂಡತಿಗೆ ಮೋಸ ಮಾಡಿರುವ ಅಂಶ ಇದೀಗ ಬೆಳಕಿಗೆ ಬಂದಿದೆ.

ಶ್ರೀಶಾಂತ್‌ ಮಾಜಿ ಗರ್ಲ್‌ಫ್ರೆಂಡ್‌ ನಿಕೇಶಾ ಪಟೇಲ್‌ ಸ್ವತಃ ತನ್ನ ಹಾಗೂ ಶ್ರೀಶಾಂತ್ ಸಂಬಂಧದ ಬಗ್ಗೆ ನಮ್ಮ ಸಹೋದರ ಬಳಗದ ಬೆಂಗಳೂರು ಟೈಮ್ಸ್ ಜತೆಮಾತನಾಡುತ್ತಾ ಶ್ರೀಶಾಂತ್ ಗುಟ್ಟು ರಟ್ಟು ಮಾಡಿದ್ದಾರೆ.

ಬಿಗ್‌ಬಾಸ್‌ನಲ್ಲಿ ಶ್ರೀಶಾಂತ್‌ 'ಭುವನೇಶ್ವರಿಯನ್ನು 7 ವರ್ಷ ಪ್ರೀತಿಸಿ ಮದುವೆಯಾದೆ, ನನ್ನ ಕಷ್ಟಕಾಲದಲ್ಲಿ ಜತೆಗಿದ್ದ ಅವಳನ್ನು ತುಂಬಾ ಪ್ರೀತಿಸುತ್ತೇನೆ' ಎಂದು ಹೇಳಿರುವುದನ್ನು ನೋಡಿದಾಗ ನನಗೆ ಆಶ್ಚರ್ಯವಾಯಿತು ಎಂದಿರುವ ನಿಕೇಶಾ ಆ ಸಮಯದಲ್ಲಿ ನಾವಿಬ್ಬರು ಲಿವ್‌ ಇನ್ ರಿಲೇಶಷನ್‌ಶಿಪ್‌ನಲ್ಲಿ ಒಂದು ವರ್ಷ ಇದ್ದೆವು, ನಂತರ ಬ್ರೇಕಪ್ ಆಯ್ತು' ಎಂದಿದ್ದಾರೆ.

ಅದಾದ ನಂತರ ಶ್ರೀಶಾಂತ್‌ನ ಭೇಟಿ ಮಾಡಿಲ್ಲ ಎಂದಿರುವ ನಿಕೇಶಾ 'ಮದುವೆಗೆ ಮೊದಲೇ ಭುವನೇಶ್ವರಿ ಜತೆ ಪ್ರೇಮ ಸಂಬಂಧವಿತ್ತು ಎಂದಿರುವ ಶ್ರೀಶಾಂತ್‌, ಅದೇ ಸಮಯದಲ್ಲಿ ನನ್ನೊಂದಿಗೆ ಲಿವ್‌ ಇನ್‌ ರಿಲೇಶನ್‌ಶಿಪ್‌ನಲ್ಲಿ ಏಕಾಗಿ ಇದ್ದರು?' ಎಂದು ಪ್ರಶ್ನಿಸಿದ್ದಾರೆ.