ಸಖತ್‌ ಟ್ರೋಲ್‌ ಆಗುತ್ತಿದ್ದಾಳೆ ನಿವೇದಿತಾ ಗೌಡ

ಕಳೆದ ಒಂದಿಷ್ಟು ದಿನಗಳಿಂದ ಸಾಮಾಜಿಕ ಜಾಲತಾಣಗಳಲ್ಲಿ ಪುಟ್ಟಗೌರಿ ಸಿಕ್ಕಾಪಟ್ಟೆ ಸದ್ದು ಮಾಡುತ್ತಿದ್ದಳು. ಇದೀಗ ಆ ಜಾಗವನ್ನು ಬಿಗ್‌ಬಾಸ್‌ ಸ್ಪರ್ಧಿ ನಿವೇದಿತಾ ಗೌಡ ತುಂಬಿದ್ದಾರೆ.

ಭಾನುವಾರ (ಅಕ್ಟೋಬರ್‌ 15) ಬಿಗ್‌ಬಾಸ್‌ ಸೀಸನ್‌ 5 ಅದ್ಧೂರಿಯಾಗಿ ಶುರುವಾಯಿತು. ಕಿಚ್ಚ ಸುದೀಪ್‌ ಎಲ್ಲ ಸ್ಪರ್ಧಿಗಳನ್ನು ಆದರದಿಂದ ಸ್ವಾಗತಿಸಿ ಬಿಗ್‌ ಮನೆಯೊಳಗೆ ಕಳುಹಿಸಿಕೊಟ್ಟರು. ಒಟ್ಟು 17 ಜನ ಈ ಬಿಗ್‌ಬಾಸ್‌ ಮನೆಗೆ ಪ್ರವೇಶ ಮಾಡಿರುವುದು ನಿಮಗೆಲ್ಲ ಗೊತ್ತೇ ಇದೆ. ಅದರಲ್ಲಿ ಜನಸಾಮಾನ್ಯರೂ ಒಳಗಡೆ ಹೋಗಿರುವುದು ಮತ್ತೊಂದು ವಿಶೇಷ.



ಹೀಗೆ ಮನೆಯೊಳಗೆ ಹೋದವರಲ್ಲಿ ಪ್ರಾರಂಭದಲ್ಲಿಯೇ ಸದ್ದು ಮಾಡುತ್ತಿರುವುದು ನಿವೇದಿತಾ ಗೌಡ. ಸಾಮಾಜಿಕ ಜಾಲತಾಣಗಳಲ್ಲಿ ಡಬ್‌ಸ್ಮ್ಯಾಶ್‌ ಮೂಲಕ ಗುರುತಿಸಿಕೊಂಡವರು ನಿವೇದಿತಾ. ಹುಟ್ಟಿ ಬೆಳದಿದ್ದೆಲ್ಲ ಮೈಸೂರಾದರೂ ಈಕೆಯ ಕನ್ನಡ ಮಾತನಾಡುವ ಶೈಲಿ ಮಾತ್ರ ತುಂಬಾ ವಿಭಿನ್ನ.



ನಿವೇದಿತಾ ಕನ್ನಡ ಮಾತನಾಡುವ ರೀತಿ ಸ್ವತಃ ಸುದೀಪ್‌ ಅವರಿಗೂ ಶಾಕ್‌ ನೀಡಿದ್ದು ಸುಳ್ಳಲ್ಲ. ಈ ಕಾರಣಕ್ಕಾಗಿಯೇ ನಿವೇದಿತಾ ಹೈಲೈಟ್‌ ಆಗಿದ್ದು ಸಾಮಾಜಿಕ ಜಾಲತಾಣಗಳ ಫೇಸ್‌ಬುಕ್‌ ಪೇಜ್‌ಗಳು ನಿವೇದಿತಾಳನ್ನು ಟ್ರೋಲ್‌ ಮಾಡಲು ಪ್ರಾರಂಭಿಸಿವೆ. 19 ವರ್ಷ ವಯಸ್ಸಿನ ಈ ಬಾರ್ಬೀ ಡಾಲ್‌, ಮಾಡೆಲಿಂಗ್‌ನಲ್ಲೂ ಗುರುತಿಸಿಕೊಂಡಿದ್ದಾರೆ. ಚಿಕ್ಕ ವಯಸ್ಸಿನಲ್ಲೇ ಬಿಗ್‌ಬಾಸ್‌ ಮನೆಗೆ ಕಾಲಿಡುತ್ತಿರುವ ಈಕೆ ಸಖತ್‌ ಪಬ್ಲಿಸಿಟಿ ಗಿಟ್ಟಿಸಿಕೊಳ್ಳುತ್ತಿರುವುದಂತೂ ಸುಳ್ಳಲ್ಲ.