ಕಿರುತೆರೆ ನಟಿಯ ಡಿಫರೆಂಟ್‌ ಮಾಂಗಲ್ಯಸರ

ಸದ್ಯಕ್ಕೀಗ ಮದುವೆ ಸೀಸನ್‌. ಆಭರಣ, ಸೀರೆ ಹಾಗೂ ಬಟ್ಟೆಗಳ ಖರೀದಿ ಎಲ್ಲೆಡೆ ಜೋರಾಗಿ ನಡೆಯುತ್ತಿದೆ. ಮದುವೆ ಎಂದರೆ ಮೊದಲು ತಲೆಯಲ್ಲಿ ಬರುವುದು ಮಾಂಗಲ್ಯಸರ. ಇತ್ತೀಚೆಗಂತೂ ಮಾಂಗಲ್ಯ ಸರದಲ್ಲಿ ತರಹೇವಾರಿ ಡಿಸೈನ್‌ಗಳು ಲಭ್ಯವಿದ್ದು, ಯಾವುದನ್ನು ಖರೀದಿಸಬೇಕೆಂಬ ಗೊಂದಲ ಸೃಷ್ಟಿಸುತ್ತವೆ. ಹೀಗಿರುವಾಗ ಕಿರುತೆರೆ ನಟಿಯೊಬ್ಬರು ಮಾಂಗಲ್ಯಸರಕ್ಕೆ ವಿಭಿನ್ನ ರೂಪ ನೀಡಿ ಹೊಸ ಟ್ರೆಂಡ್‌ ಹುಟ್ಟುಹಾಕಿದ್ದಾರೆ.

ಹೌದು, ಖ್ಯಾತ ಹಿಂದಿ ಸೀರಿಯಲ್‌ ನಟಿ ಆಷ್ಕಾ ಗೊರಾಡಿಯಾ ತಮ್ಮ ಮದುವೆಗೆ ವಿಭಿನ್ನ ಶೈಲಿಯ ಮಾಂಗಲ್ಯ ಸರವನ್ನು ಡಿಸೈನ್‌ ಮಾಡಿಸುವ ಮೂಲಕ ಎಲ್ಲರ ಗಮನ ಸೆಳೆದಿದ್ದಾರೆ. ಆಷ್ಕಾ ಡಿಸೈನ್‌ ಮಾಡಿಸಿದ ತಾಳಿಯಲ್ಲಿ 'ಸತ್ಯಂ ಶಿವಂ ಸುಂದರಂ' ಎಂಬ ಮಂತ್ರ ಬರೆಯಲಾಗಿದೆ. ಸತ್ಯವೇ ದೇವರು, ದೇವರೇ ಸುಂದರ ಎಂಬ ತತ್ವವನ್ನು ಈ ಮಂತ್ರ ಒಳಗೊಂಡಿರುವುದು ನಿಮಗೆಲ್ಲ ತಿಳಿದಿರುವ ವಿಷಯವೇ.

ಅಂದಹಾಗೆ ಗೆಳೆಯ ಬ್ರೆಂಟ್ ಗಾಬಲ್ ಜತೆ ಆಷ್ಕಾ ಡಿಸೆಂಬರ್‌ 3ರಂದು ದಾಂಪತ್ಯ ಜೀವನಕ್ಕೆ ಕಾಲಿಡಲಿದ್ದಾರೆ. ಮತ್ತೊಂದು ವಿಶೇಷತೆ ಎಂದರೆ ಆಷ್ಕಾ-ಬ್ರೆಂಟ್‌ ಲಗ್ನ ಪತ್ರಿಕೆಯ ಮೇಲೂ 'ಸತ್ಯಂ ಶಿವಂ ಸುಂದರಂ' ಎಂದು ಬರೆದಿದ್ದು, ಇದೇ ಮಂತ್ರವನ್ನು ಆಷ್ಕಾ ಟ್ಯಾಟೂ ಹಾಕಿಸಿಕೊಂಡಿದ್ದಾರಂತೆ.