ನೇಣು ಬಿಗಿದ ಸ್ಥಿತಿಯಲ್ಲಿ ಕಿರುತೆರೆ ನಟಿ ಪತ್ತೆ; ಸಾವಿಗೆ ಪ್ರೇಮ ವೈಫಲ್ಯ ಕಾರಣವೇ?

ಜನವರಿ 2019ರಲ್ಲಿ ಆರಂಭವಾದ ಧಾರಾವಾಹಿ ಆಗಸ್ಟ್‌ನಲ್ಲಿ ಇದ್ದಕ್ಕಿಂತಕ್ಕೆ ಮುಕ್ತಾಯವಾಗಿತ್ತು. ಧಾರಾವಾಹಿಯಲ್ಲಿ ದತ್ತು ತಂಗಿ ಸಿಮ್ಮಿ ಖೋಸ್ಲಾ ಎಂಬ ಪಾತ್ರವನ್ನು ಪೋಷಿಸುತ್ತಿದ್ದರು.

ಶುಕ್ರವಾರ ಮುಂಜಾನೆ 5 ಗಂಟೆ ಸಮಯದಲ್ಲಿ ಫ್ಲಾಟ್‌ನ ಬೆಡ್‍ರೂಮಿನಲ್ಲಿ ಸೀಲಿಂಗ್ ಫ್ಯಾನ್‌ಗೆ ನೇಣು ಬಿಗಿದ ಸ್ಥಿತಿಯಲ್ಲಿ ಸೆಜಲ್ ಪತ್ತೆಯಾಗಿದ್ದಾರೆ. ಅಲ್ಲೆ ಡೆತ್ ನೋಟ್ ಪತ್ತೆಯಾಗಿದ್ದು ನನ್ನ ಸಾವಿಗೆ ಯಾರು ಕಾರಣರಲ್ಲ ಎಂದು ಬರೆಯಲಾಗಿದೆ ಎಂದು ತಿಳಿಸಿರುವ ಪೊಲೀಸರು ಸಾವಿಗೆ ಕಾರಣ ಏನಿರಬಹುದು ಎಂದು ತನಿಖೆ ಮಾಡುತ್ತಿದ್ದಾರೆ.

ಇದ್ದಕ್ಕಿದ್ದಂತೆ ಧಾರಾವಾಹಿ ಅಂತ್ಯವಾಗಿದ್ದು, ಹೆಸರು ಬಾರದೆ ಇದ್ದಕ್ಕೆ ಖಿನ್ನತೆಗೆ ಒಳಗಾದಿದ್ದರು. ಕೆಲಸಕ್ಕಾಗಿ ತೀವ್ರ ಪ್ರಯತ್ನ ಪಡುತ್ತಿದ್ದರೂ ಸಿಕ್ಕಿರಲಿಲ್ಲ ಎಂದು ಫ್ರೆಂಡ್ಸ್ ತಿಳಿಸಿದ್ದಾರೆ. ಪ್ರೇಮ ವೈಫಲ್ಯದ ಬಗ್ಗೆ ಗೆಳೆಯರು ಸುಳಿವು ನೀಡಿದ್ದು ಆ ನಿಟ್ಟಿನಲ್ಲೂ ಪೊಲೀಸರು ತನಿಖೆ ನಡೆಸುತ್ತಿದ್ದಾರೆ.

ರಾಜಸ್ಥಾನದ ಉದಯಪುರ ಮೂಲದ ಸೆಜಲ್ ಅವಕಾಶ ಹುಡುಕಿಕೊಂಡು 2017ರಲ್ಲಿ ಮುಂಬಯಿಗೆ ಆಗಮಿಸಿದರು. ಇದು ಅವರ ಚೊಚ್ಚಲ ಧಾರಾವಾಹಿ ಆಗಿತ್ತು. ಇದಕ್ಕೂ ಮುನ್ನ ಕೆಲವೊಂದು ಜಾಹೀರಾತುಗಳಲ್ಲೂ ಕೆಲಸ ಮಾಡಿದ್ದರು. ಅಮೀರ್ ಖಾನ್, ರೋಹಿತ್ ಶರ್ಮಾ ಹಾಗೂ ಹಾರ್ದಿಕ್ ಪಾಂಡ್ಯ ಜೊತೆಗೆ ಜಾಹೀರಾತುಗಳಲ್ಲಿ ಅಭಿನಯಿಸಿದ್ದಾರೆ. ಪಂಡಿತ್ ಭೀಮ್‍ಸೇನ್ ಜೋಶಿ ಸರಕಾರಿ ಆಸ್ಪತ್ರೆಯಲ್ಲಿ ಶವವನ್ನು ಇರಿಸಲಾಗಿದ್ದು ಅವರ ಪೋಷಕರ ಆಗಮನಕ್ಕಾಗಿ ಪೊಲೀಸರು ನಿರೀಕ್ಷಿಸುತ್ತಿದ್ದಾರೆ.