ಕಿರುತೆರೆಯಲ್ಲಿ ವಿಜಯ್ ಸೂರ್ಯ ಎರಡನೇ ಇನ್ನಿಂಗ್ಸ್

ಕಿರುತೆರೆ ಚಾಕೋಲೇಟ್ ಹೀರೋಗಳಲ್ಲಿ ವಿಜಯ್ ಸೂರ್ಯ ಸಹ ಒಬ್ಬರು. 'ಅಗ್ನಿಸಾಕ್ಷಿ' ಧಾರಾವಾಹಿ ಮೂಲಕ ಹೆಂಗೆಳೆಯರ ಮನಗೆದ್ದ ನಟ. ಇದೀಗ ಕಾಮಿಡಿ ಶೋ ಮೂಲಕ ನಿರೂಪಣೆಗೂ ಇಳಿದಿದ್ದಾರೆ. ವಾರಾಂತ್ಯದಲ್ಲಿ ಪ್ರಸಾರವಾಗಲಿರುವ 'ಕಾಮಿಡಿ ಟಾಕೀಸ್' ಮೂಲಕ ಹೊಸ ಇನ್ನಿಂಗ್ಸ್ ಆರಂಭಿಸುತ್ತಿದ್ದಾರೆ ವಿಜಯ್ ಸೂರ್ಯ.

'ಇದೇ ಮೊದಲ ಸಲ ನಿರೂಪಕನಾಗಿ ಕಿರುತೆರೆ ಪ್ರೇಕ್ಷಕರ ಮುಂದೆ ಬರುತ್ತಿದ್ದೇನೆ. ಹಾಗಾಗಿ ಸ್ವಲ್ಪ ದುಗುಡ ಇದ್ದೇ ಇದೆ. ಭಾನುವಾರದಿಂದ ಶೂಟಿಂಗ್ ಆರಂಭವಾಗಿದ್ದು ನವೆಂಬರ್‌ನಲ್ಲಿ ಕಾರ್ಯಕ್ರಮ ಮೂಡಿಬರಲಿದೆ. ವಿಶೇಷ ಎಂದರೆ 'ಅಗ್ನಿಸಾಕ್ಷಿ' ಸಮಯದಲ್ಲೇ ಇದು ಮೂಡಿಬರಲಿದೆ, ಅಂದರೆ ವೀಕೆಂಡ್‌ನಲ್ಲಿ ಮಾತ್ರ. ಅಗ್ನಿಸಾಕ್ಷಿಯ ಸಿದ್ದಾರ್ಥನನ್ನು ವಾರಾಂತ್ಯಗಳಲ್ಲೂ ಕಾಣಬಹುದು' ಎಂದಿದ್ದಾರೆ ವಿಜಯ್ ಸೂರ್ಯ.

ಕಾಮಿಡಿ ಟಾಕೀಸ್ ಶೋಗೆ ಇಬ್ಬರು ತೀರ್ಪುಗಾರರೂ ಇರುತ್ತಾರೆ. ಸೃಜನ್ ಲೋಕೇಶ್ ಹಾಗೂ ರಚಿತಾ ರಾಮ್. ಇವರ ಜತೆಗೆ ಪ್ರತಿವಾರ ಅತಿಥಿ ತೀರ್ಪುಗಾರರು ಇರುತ್ತಾರೆ. ನನ್ನ ಈ ಹೊಸ ಪ್ರಯತ್ನ ಕಿರುತೆರೆ ವೀಕ್ಷಕರಿಗೆ ಎಷ್ಟರ ಮಟ್ಟಿಗೆ ಇಷ್ಟ ಆಗುತ್ತದೆ ಎಂಬುದನ್ನು ಕಾದು ನೋಡಬೇಕು ಎನ್ನುತ್ತಾರೆ ವಿಜಯ್. ಕದ್ದುಮುಚ್ಚಿ ಹಾಗೂ ಇನ್ನೊಂದು ಲಖನೌ ಟು ಬೆಂಗಳೂರು ಎಂಬೆರೆಡು ಸಿನಿಮಾಗಳಲ್ಲೂ ವಿಜಯ್ ಸೂರ್ಯ ಬಿಝಿಯಾಗಿದ್ದಾರೆ.

Vijay Suriya turns host for a new comedy show

Television heartthrob and film actor Vijay Suriya of Agni Sakshi fame is all set to don a new hat. This time, he turns host for a comedy show, Comedy Talkies, which will be aired on prime time during weekends.