Weekend With Ramesh: ಮಂಗಳವಾರ, ಅಮಾವಾಸ್ಯೆಯಂದು ಜನಿಸಿದವರು ಪ್ರಭುದೇವ!
Weekend With Ramesh Season 5: Episode 3 Prabhu Deva: ‘ವೀಕೆಂಡ್ ವಿತ್ ರಮೇಶ್ ಸೀಸನ್ 5’ ಕಾರ್ಯಕ್ರಮದ ಎರಡನೇ ಅತಿಥಿಯಾಗಿ ಪ್ರಭುದೇವ ಪಾಲ್ಗೊಂಡಿದ್ದಾರೆ. ಸಾಧಕರ ಕುರ್ಚಿ ಮೇಲೆ ಪ್ರಭುದೇವ ಕೂತಿದ್ದಾರೆ.
ಹೈಲೈಟ್ಸ್:
- ‘ವೀಕೆಂಡ್ ವಿತ್ ರಮೇಶ್’ ಕಾರ್ಯಕ್ರಮದಲ್ಲಿ ಪ್ರಭುದೇವ
- ಸಾಧಕರ ಸೀಟ್ ಮೇಲೆ ಕೂತ ಪ್ರಭುದೇವ
- ಪ್ರಭುದೇವ ಜೀವನದ ಕುತೂಹಲಕಾರಿ ಸಂಗತಿಗಳು ಅನಾವರಣವಾಗಲಿದೆ
‘ವೀಕೆಂಡ್ ವಿತ್ ರಮೇಶ್ ಸೀಸನ್ 5’ ಕಾರ್ಯಕ್ರಮದ ಎರಡನೇ ಅತಿಥಿಯಾಗಿ ಪ್ರಭುದೇವ ಭಾಗವಹಿಸಿದ್ದಾರೆ. ಸಾಧಕರ ಸೀಟ್ ಮೇಲೆ ಪ್ರಭುದೇವ ಆಸೀನರಾಗಿದ್ದಾರೆ. ‘ಇಂಡಿಯನ್ ಮೈಕಲ್ ಜ್ಯಾಕ್ಸನ್’ ಎಂದೇ ಖ್ಯಾತಿ ಪಡೆದಿರುವವರು ಪ್ರಭುದೇವ. ಇವರು ಡ್ಯಾನ್ಸರ್ ಹಾಗೂ ಕೊರಿಯೋಗ್ರಾಫರ್ ಆಗಿ ಮಾತ್ರವಲ್ಲ.. ನಟನಾಗಿ, ನಿರ್ಮಾಪಕನಾಗಿ, ನಿರ್ದೇಶಕನಾಗಿಯೂ ಯಶಸ್ಸು ಪಡೆದಿದ್ದಾರೆ.
Ramya: ಅತಿಯಾಗಿ ಇಂಗ್ಲೀಷ್ ಬಳಕೆ: ಯದ್ವಾತದ್ವಾ ಟ್ರೋಲ್ ಆಗಿದ್ದಕ್ಕೆ ಪ್ರತಿಕ್ರಿಯೆ ಕೊಟ್ಟ ರಮ್ಯಾ
Weekend With Ramesh: ರಮ್ಯಾ ‘ದನಿ’ ಇಲ್ಲದೆ ಮುಗಿದ ಕಾರ್ಯಕ್ರಮ: ಇದು ಜಾಣ ಮರೆವೋ? ದೀಪಾಗೆ ಸಿಗದ ಮನ್ನಣೆಯೋ?
Weekend With Ramesh: ಮಿಸ್ ವರ್ಲ್ಡ್ ಆಗ್ಬೇಕು ಅಂತಿದ್ದ ರಮ್ಯಾಗೆ ಮೊದಲ ಚೆಕ್ ಕೊಟ್ಟಿದ್ದು ಅಪ್ಪು! ಅದೂ ಅತೀ ಹೆಚ್ಚು ಪೇಮೆಂಟ್!
ಪ್ರಭುದೇವ ಜೀವನದ ಬಗ್ಗೆ ಅನೇಕರಿಗೆ ಗೊತ್ತಿಲ್ಲದ ಸಂಗತಿಗಳು ಇದೇ ವೀಕೆಂಡ್ನಲ್ಲಿ ಬಹಿರಂಗವಾಗಲಿದೆ. ಪ್ರಭುದೇವ ಅವರ ಸಂಚಿಕೆ ಇದೇ ವಾರಾಂತ್ಯದಲ್ಲಿ ಪ್ರಸಾರವಾಗಲಿದೆ.
‘ಕನ್ನಡಿಗ’ ಪ್ರಭುದೇವ
ತಮಿಳು, ತೆಲುಗು, ಹಿಂದಿ ಹಾಗೂ ಕನ್ನಡ ಭಾಷೆಯ ಸಿನಿಮಾಗಳಲ್ಲಿ ಜನಪ್ರಿಯತೆ ಪಡೆದಿರುವ ಪ್ರಭುದೇವ ಮೂಲತಃ ಕನ್ನಡಿಗ. ಮೈಸೂರಿನಲ್ಲಿ ಬೆಳೆದವರಿವರು. ಡ್ಯಾನ್ಸ್ ಮಾಸ್ಟರ್ ಮೂಗೂರು ಸುಂದರ್ ಮತ್ತು ಮಹಾದೇವಮ್ಮ ದಂಪತಿಯ ಪುತ್ರ ಪ್ರಭುದೇವ. ಕರ್ನಾಟಕದ ಪ್ರತಿಭೆ ಪ್ರಭುದೇವ ಅವರ ಯಶಸ್ಸಿನ ಜರ್ನಿ ‘ವೀಕೆಂಡ್ ವಿತ್ ರಮೇಶ್’ ಕಾರ್ಯಕ್ರಮದಲ್ಲಿ ಅನಾವರಣಗೊಳ್ಳಲಿದೆ.Ramya: ಅತಿಯಾಗಿ ಇಂಗ್ಲೀಷ್ ಬಳಕೆ: ಯದ್ವಾತದ್ವಾ ಟ್ರೋಲ್ ಆಗಿದ್ದಕ್ಕೆ ಪ್ರತಿಕ್ರಿಯೆ ಕೊಟ್ಟ ರಮ್ಯಾ
ಪ್ರಭುದೇವಗೆ ಸರ್ಪ್ರೈಸ್
‘ವೀಕೆಂಡ್ ವಿತ್ ರಮೇಶ್’ ಕಾರ್ಯಕ್ರಮದಲ್ಲಿ ಪ್ರಭುದೇವ ಅವರ ಸಾಧನೆಯ ಜರ್ನಿಯನ್ನ ಸೆಲೆಬ್ರೇಟ್ ಮಾಡೋಕೆ ತಂದೆ ಮೂಗೂರು ಸುಂದರ್, ತಾಯಿ ಮಹಾದೇವಮ್ಮ, ಅಜ್ಜಿ, ಬಾಲ್ಯದ ಗೆಳೆಯರು, ನಿರ್ದೇಶಕ ಯೋಗರಾಜ್ ಭಟ್ ಸೇರಿದಂತೆ ಅನೇಕರು ಪಾಲ್ಗೊಂಡಿದ್ದಾರೆ. ಪ್ರಭುದೇವಗೆ ಹಲವು ಸರ್ಪ್ರೈಸ್ಗಳನ್ನ ನೀಡಲಾಗಿದೆ. ತಮ್ಮ ಅಜ್ಜಿಯನ್ನ ನೋಡಿ ಪ್ರಭುದೇವ ಭಾವುಕರಾಗಿದ್ದಾರೆ.Weekend With Ramesh: ರಮ್ಯಾ ‘ದನಿ’ ಇಲ್ಲದೆ ಮುಗಿದ ಕಾರ್ಯಕ್ರಮ: ಇದು ಜಾಣ ಮರೆವೋ? ದೀಪಾಗೆ ಸಿಗದ ಮನ್ನಣೆಯೋ?
ಅಮಾವಾಸ್ಯೆಯಂದು ಹುಟ್ಟಿದ್ದು ಪ್ರಭುದೇವ
ಏಪ್ರಿಲ್ 3, 1973 ರಂದು ಜನಿಸಿದವರು ಪ್ರಭುದೇವ. ಅಂದು ಮಂಗಳವಾರ, ಅಮಾವಾಸ್ಯೆ. ‘’ನನ್ನ ಮಗ ಹುಟ್ಟಿದ್ದು ಅಮಾವಾಸ್ಯೆಯಂದು... ಮಂಗಳವಾರ. ಯಾರೂ ಇಷ್ಟಪಡಲ್ಲ. ಆದರೆ, ನಾನು ಇಷ್ಟಪಟ್ಟೆ’’ ಎಂದು ‘ವೀಕೆಂಡ್ ವಿತ್ ರಮೇಶ್’ ಕಾರ್ಯಕ್ರಮದಲ್ಲಿ ಮೂಗೂರು ಸುಂದರ್ ಹೆಮ್ಮೆಯಿಂದ ಹೇಳಿದ್ದಾರೆ.ಅಪ್ಪನೇ ಕಾರಣ
ಪರೀಕ್ಷೆಯಲ್ಲಿ ಪ್ರಭುದೇವ ಫೇಲ್ ಆಗಿದ್ದಾಗ.. ಅವರ ತಂದೆ ಮೂಗೂರು ಸುಂದರ್ ಬಂದು ಬೆನ್ನು ತಟ್ಟಿ ‘’ನಿನಗೇನು ಇಷ್ಟವೋ, ಅದನ್ನೇ ಮಾಡು’’ ಅಂತ ಹೇಳಿದ್ರಂತೆ. ‘’ನಾನಿಲ್ಲಿ ಇರೋದಕ್ಕೆ ಅದೇ ಕಾರಣ. ಈಗಲೂ ನಾನು ಡ್ಯಾನ್ಸ್ ಮಾಡಲ್ಲ. ನನ್ನ ದೇಹ ಡ್ಯಾನ್ಸ್ ಮಾಡೋದು’’ ಎಂದು ಹೇಳುತ್ತಾ ‘ವೀಕೆಂಡ್ ವಿತ್ ರಮೇಶ್’ ಕಾರ್ಯಕ್ರಮದಲ್ಲಿ ಪ್ರಭುದೇವ ಕಣ್ಣೀರಿಟ್ಟಿದ್ದಾರೆ.Weekend With Ramesh: ಮಿಸ್ ವರ್ಲ್ಡ್ ಆಗ್ಬೇಕು ಅಂತಿದ್ದ ರಮ್ಯಾಗೆ ಮೊದಲ ಚೆಕ್ ಕೊಟ್ಟಿದ್ದು ಅಪ್ಪು! ಅದೂ ಅತೀ ಹೆಚ್ಚು ಪೇಮೆಂಟ್!
ಲುಂಗಿ ಹಾಕಲ್ಲ!
‘ವೀಕೆಂಡ್ ವಿತ್ ರಮೇಶ್’ ಕಾರ್ಯಕ್ರಮದಲ್ಲಿ ತಮ್ಮ ಬಾಲ್ಯದ ನೆನಪುಗಳನ್ನ ಪ್ರಭುದೇವ ಮೆಲುಕು ಹಾಕಿದ್ದಾರೆ. ‘’ನಾನು ಯಾವತ್ತೂ ಲುಂಗಿ ಹಾಕೋದಿಲ್ಲ. ಯಾಕಂದ್ರೆ, ಒಂದು ದಿನ ಲುಂಗಿ ತೊಟ್ಟು ಮಲಗಿದ್ದೆ. ಬೆಳಗೆದ್ದು ನೋಡಿದ್ರೆ ಲುಂಗಿಯೇ ಇರಲಿಲ್ಲ. ನನ್ನ ಅಚ್ಚುಮೆಚ್ಚಿನ ಹಬ್ಬ ಅಂದ್ರೆ ದೀಪಾವಳಿ. ಹೊಸ ಬಟ್ಟೆ ಹೊಲಿಸುತ್ತಿದ್ದರು. ಪಟಾಕಿ ಹೊಡೆಯುತ್ತಿದ್ವಿ’’ ಎಂದಿದ್ದಾರೆ ಪ್ರಭುದೇವ.ಪ್ರಭುದೇವ ಜೀವನದ ಬಗ್ಗೆ ಅನೇಕರಿಗೆ ಗೊತ್ತಿಲ್ಲದ ಸಂಗತಿಗಳು ಇದೇ ವೀಕೆಂಡ್ನಲ್ಲಿ ಬಹಿರಂಗವಾಗಲಿದೆ. ಪ್ರಭುದೇವ ಅವರ ಸಂಚಿಕೆ ಇದೇ ವಾರಾಂತ್ಯದಲ್ಲಿ ಪ್ರಸಾರವಾಗಲಿದೆ.