ಆಶಿತಾಳಿಂದ ಕಿಸ್‌ ಪಡೆದ ಜಗನ್‌, ಬೇರೆಯವರ ಜತೆ ಜಗಳಕ್ಕಿಳಿದ

ಈ ಬಾರಿಯ ಬಿಗ್‌ಬಾಸ್‌ ಸೀಸನ್‌ನಲ್ಲಿ ಒಂದಕ್ಕಿಂತ ಹೆಚ್ಚು ಲವ್‌ಸ್ಟೋರಿಗಳು ನಡಿತಾ ಇವೆ ಎಂಬ ಸಂಶಯ ಪ್ರೇಕ್ಷಕರಲ್ಲಿದೆ. ಇತ್ತ ಆಶಿತಾ-ಜಗನ್‌ ದಿನೇ ದಿನೇ ಕ್ಲೋಸ್‌ ಆಗುತ್ತಿದ್ದರೆ, ಅತ್ತ ಬೆಳಗಾವಿ ಬೆಡಗಿ ಶ್ರುತಿ ಮತ್ತು ಜೆಕೆ ಮಧ್ಯೆ ಸಮ್‌ಥಿಂಗ್‌ ಸಮ್‌ಥಿಂಗ್‌ ಶುರುವಾಗಿದೆಯಾ ಎಂಬ ಅನುಮಾನ ಎಲ್ಲರನ್ನೂ ಕಾಡುತ್ತಿದೆ.

ಬುಧವಾರದ ಎಪಿಸೋಡ್‌ನಲ್ಲಿ ಜಗನ್‌-ಆಶಿತಾ ಮೊದಲಿಗಿಂತ ಹೆಚ್ಚು ಕ್ಲೋಸ್‌ ಆಗಿರುವ ದೃಶ್ಯಗಳು ಕಂಡುಬಂದವು. ಒಂದೇ ತಟ್ಟೆಯಲ್ಲಿ ಇಬ್ಬರೂ ತಿಂಡಿ ತಿಂದರು. ಅದರಲ್ಲೂ ಜಗನ್‌ ಆಶಿತಾಗೆ ಪ್ರೀತಿಯಿಂದ ತಿನ್ನಿಸುತ್ತಿದ್ದರು. ಇಂಥ ದೃಶ್ಯ ಈಗ ಬಿಗ್‌ಬಾಸ್‌ ಮನೆಯಲ್ಲಿ ಮಾಮೂಲಾಗಿದೆ ಬಿಡಿ.

ವಿಶೇಷ ಏನಪ್ಪಾ ಅಂದ್ರೆ ಜಗನ್‌ ಕೆನ್ನೆಗೆ ಆಶಿತಾ ಒಂದು ಮುತ್ತು ಕೊಟ್ಟರು. ಕೆನ್ನೆಗೆ ಹತ್ತಿದ್ದ ಲಿಪ್‌ಸ್ಟಿಕ್‌ ಮಾರ್ಕನ್ನೂ ಒರೆಸಿದರು. ಆಶಿತಾಗೆ ಸೇಬು ತಿನ್ನಿಸಲು ಹೋದ ಜಗನ್‌ಗೆ ಅದರ ಬದಲಾಗಿ ಸಿಹಿಮುತ್ತು ಸಿಕ್ಕಿತು. ಇನ್ನು ಕಿಸ್‌ ಪಡೆದ ಜಗನ್‌ ಬಿಗ್‌ಬಾಸ್‌ ನೀಡಿದ ಚಟುವಟಿಕೆಯಲ್ಲಿ ಎದುರಾಳಿ ತಂಡದ ಜತೆ ಕೆಟ್ಟದಾಗಿ ವರ್ತಿಸಿದರು.

ಹೌದು, ಕಳೆದ ಎಪಿಸೋಡ್‌ನಲ್ಲಿ 'ಒಗ್ಗಟ್ಟಿನಲ್ಲಿ ಬಲವಿದೆ' ಎಂಬ ಲಕ್ಷುರಿ ಬಜೆಟ್‌ ಟಾಸ್ಕ್‌ ನೀಡಿದರು. ಅದರ ಮೊದಲ ಹಂತದ ಸವಾಲಾಗಿ 'ಜ್ಯೂಸ್‌ ಬೇಕು' ಎಂಬ ಚಟುವಟಿಕೆಯನ್ನು ನೀಡಿದ್ದರು. ಈ ಸಂದರ್ಭದಲ್ಲಿ ಜಗನ್‌ ಮತ್ತು ಸಮೀರ್‌ ಆಚಾರ್ಯ ನಡುವೆ ದೊಡ್ಡ ಗಲಾಟೆಯೇ ನಡೆಯಿತು. ಮಾತಿಗೆ ಮಾತು ಬೆಳೆದು ಕೈ-ಕೈ ಮಿಲಾಯಿಸುವ ಮಟ್ಟಕ್ಕೂ ಹೋಗಿದ್ದು, ಮನೆಯಲ್ಲಿ ಗೊಂದಲದ ವಾತಾವರಣ ಸೃಷ್ಟಿಸಿತು. ಇದೇ ಚಟುವಟಿಕೆಯ ವೇಳೆ ಜಗನ್‌ ಮತ್ತು ಅನುಪಮಾ ನಡುವೆಯೂ ವೈಮನಸ್ಸು ಉಂಟಾಯಿತು.