ಜೀ ಕನ್ನಡದಲ್ಲಿ ಭಾನುವಾರ ನಟಸಾರ್ವಭೌಮ

-ಹರೀಶ್‌ ಬಸವರಾಜ್‌

ಪುನೀತ್‌ ರಾಜ್‌ಕುಮಾರ್‌ ಮೊಟ್ಟ ಮೊದಲ ಬಾರಿಗೆ ಪತ್ರಕರ್ತನ ಪಾತ್ರದಲ್ಲಿ ನಟಿಸಿದ್ದ ನಟಸಾರ್ವಭೌಮ ಚಿತ್ರ ಇದೇ ಮೇ 26ರಂದು, ಅಂದರೆ ಈ ಭಾನುವಾರ ಜೀ ಕನ್ನಡದಲ್ಲಿ ಪ್ರಸಾರವಾಗಲಿದೆ.

ಪವನ್‌ ಒಡೆಯರ್‌ ಮತ್ತು ಪುನೀತ್‌ ರಾಜ್‌ಕುಮಾರ್‌ ಕಾಂಬಿನೇಶನ್‌ನಲ್ಲಿ ಮೂಡಿ ಬಂದಿದ್ದ ಈ ಚಿತ್ರ ಬಾಕ್ಸಾಫೀಸ್‌ನಲ್ಲಿ ಕಮಾಲ್‌ ಮಾಡಿತ್ತು.'ಪುನೀತ್‌ ಅವರ ನಟನೆ, ಡಾನ್ಸ್‌, ಫೈಟ್‌ ಎಲ್ಲವೂ ಸೇರಿ ಚಿತ್ರ ಒಂದು ಪಕ್ಕಾ ಫ್ಯಾಮಿಲಿ ಎಂಟರ್‌ಟೇನರ್‌ ಎಂದು ಹೆಸರು ಮಾಡಿತ್ತು. ಚಿತ್ರಮಂದಿರದಲ್ಲಿ ಮಿಸ್‌ ಮಾಡಿಕೊಂಡವರು ಮತ್ತು ವೀಕ್ಷಕರು ಚಿತ್ರವನ್ನು ಈ ವಿಕೇಂಡ್‌ನಲ್ಲಿ ನೋಡಿ ಎಂಜಾಯ್‌ ಮಾಡಿ ಎನ್ನುತ್ತಾರೆ ನಿರ್ದೇಶಕ ಪವನ್‌ ಒಡೆಯರ್‌.

'ಹಿಂದೆ ಜೀ ಕನ್ನಡದಲ್ಲಿ ಪುನೀತ್‌ ನಟನೆಯ ದೊಡ್ಮನೆ ಹುಡ್ಗ ಚಿತ್ರ ಪ್ರಸಾರವಾಗಿತ್ತು. ಆಗ ರೇಟಿಂಗ್‌ 21ನ್ನು ಮುಟ್ಟಿದ್ದು, ಕಿರುತೆರೆಯ ಇತಿಹಾಸ ಸೃಷ್ಟಿಯಾಗಿತ್ತು. ಈ ಬಾರಿ ಪುನೀತ್‌ ಅವರ ಮತ್ತೊಂದು ಪವರ್‌ ಪ್ಯಾಕ್‌ ಸಿನಿಮಾ ಪ್ರಸಾರವಾಗಲಿದ್ದು, ಈ ಬಾರಿಯೂ ಜನ ಉತ್ತಮ ರೇಟಿಂಗ್‌ ನೀಡಲಿದ್ದಾರೆ. ಅಲ್ಲದೆ ಈ ಚಿತ್ರದಲ್ಲಿ ಸಾಕಷ್ಟು ಥ್ರಿಲ್ಲರ್‌ ಅಂಶಗಳು ಇರುವುದರಿಂದ ಪ್ರತಿಯೊಬ್ಬರಿಗೂ ಇಷ್ಟವಾಗುತ್ತದೆ' ಎನ್ನುತ್ತಾರೆ ಚಾನಲ್‌ನ ಮುಖ್ಯಸ್ಥ ರಾಘವೇಂದ್ರ ಹುಣಸೂರು.

ನಟ ಸಾರ್ವಭೌಮದಲ್ಲಿ ಪುನೀತ್‌ಗೆ ಜೋಡಿಯಾಗಿ ರಚಿತಾ ರಾಮ್‌ ಮತ್ತು ಅನುಪಮಾ ಪರಮೇಶ್ವರನ್‌ ನಟಿಸಿದ್ದಾರೆ. ಇವರ ಜತೆ ಸಾಧು ಕೋಕಿಲಾ, ಚಿಕ್ಕಣ್ಣ, ರವಿಶಂಕರ್‌, ಪ್ರಕಾಶ್‌ ಬೆಳವಾಡಿ, ಬಿ ಸರೋಜಾದೇವಿ,ಅವಿನಾಶ್‌ ಸೇರಿದಂತೆ ಸಾಕಷ್ಟು ದೊಡ್ಡ ತಾರಾಬಳಗವೇ ಇದೆ. ಈ ಚಿತ್ರ ಜೀ ಕನ್ನಡದಲ್ಲಿ ಮೇ 26 ಅಂದರ ಭಾನುವಾರ ಸಂಜೆ 7 ಕ್ಕೆ ಪ್ರಸಾರವಾಗಲಿದೆ.

---

ಪುನೀತ್‌ ರಾಜ್‌ಕುಮಾರ್‌ ಮೊದಲ ಬಾರಿಗೆ ಪತ್ರಕರ್ತರಾಗಿ ನಟಿಸಿರುವ ಈ ಚಿತ್ರ ಪಕ್ಕಾ ಫ್ಯಾಮಿಲಿ ಎಂಟರ್‌ಟೇನರ್‌. ಈ ವಿಕೇಂಡ್‌ಗೆ ನಮ್ಮ ವೀಕ್ಷಕರಿಗೆ ಈ ಚಿತ್ರ ಭರಪೂರ ಮನರಂಜನೆ ನೀಡುತ್ತದೆ.

-ರಾಘವೇಂದ್ರ ಹುಣಸೂರು, ಬಿಸ್ನೆಸ್‌ ಹೆಡ್‌, ಜೀ ಕನ್ನಡ