'ನಮ್ಮ ಲಹರಿ ಸಂಸ್ಥೆಗೆ ಟರ್ನಿಂಗ್ ಪಾಯಿಂಟ್ ಸಿಕ್ಕಿದ್ದೇ ಈಶ್ವರಿ ಪ್ರೊಡಕ್ಷನ್ಸ್‌ನಿಂದ..'- ಲಹರಿ ವೇಲು

ಲಹರಿ ಸಂಸ್ಥೆ ನಿರ್ಮಾಣ ಮಾಡಿದ್ದ, ಖ್ಯಾತ ಸಂಗೀತ ನಿರ್ದೇಶಕ ರಿಕಿ ಕೇಜ್ ಅವರ ಡಿವೈನ್ ಟೈಡ್ಸ್ ಆಲ್ಬಂಗೆ ಬೆಸ್ಟ್ ನ್ಯೂ ಏಜ್ ಆಲ್ಬಂ ಕ್ಯಾಟಗರಿಯಲ್ಲಿ ಗ್ರ್ಯಾಮಿ ಅವಾರ್ಡ್ ಸಿಕ್ಕಿತ್ತು. ಆ ಹಿನ್ನೆಲೆಯಲ್ಲಿ ಒಂದು ಸುಂದರ ಕಾರ್ಯಕ್ರಮವನ್ನು ಲಹರಿ ಸಂಸ್ಥೆ ಆಯೋಜಿಸಿತ್ತು. ಈ ಕಾರ್ಯಕ್ರಮಕ್ಕೆ ಮುಖ್ಯಮಂತ್ರಿ ಬಸವರಾಜ ಬೊಮ್ಮಾಯಿ, ಆರೋಗ್ಯ ಸಚಿವ ಡಾ. ಕೆ. ಸುಧಾಕರ್, ನಟ ರವಿಚಂದ್ರನ್, ಶಿವರಾಜ್‌ಕುಮಾರ್, ನಿರ್ದೇಶಕ ಎಸ್‌.ವಿ. ರಾಜೇಂದ್ರ ಸಿಂಗ್ ಬಾಬು ಸೇರಿದಂತೆ ಚಿತ್ರರಂಗದ ಅನೇಕ ಗಣ್ಯರು ಆಗಮಿಸಿದ್ದರು. ಕಾರ್ಯಕ್ರಮದಲ್ಲಿ ಮಾತನಾಡಿದ ಲಹರಿ ವೇಲು, 'ನಮ್ಮ ಸಂಸ್ಥೆಗೆ ಈಗ 48 ವರ್ಷ ತುಂಬಿದೆ. ನಮ್ಮ ಅಣ್ಣ 500 ರೂ. ಇಟ್ಟುಕೊಂಡು ಈ ಕಂಪನಿಯನ್ನು ಆರಂಭಿಸಿದರು. ನಮ್ಮ ಸಂಸ್ಥೆಗೆ ದೊಡ್ಡ ಗೆಲುವು ಅಂತ ಸಿಕ್ಕಿದ್ದು ಪ್ರೇಮಲೋಕದಿಂದ. ನಾವು ಈಶ್ವರಿ ಸಂಸ್ಥೆಗೆ, ವೀರಾಸ್ವಾಮಿ, ರವಿಚಂದ್ರನ್ ಅವರಿಗೆ ಸದಾ ಋಣಿಯಾಗಿರುತ್ತೇವೆ. ರವಿಚಂದ್ರನ್ ಅವರನ್ನು ನಾವು ಯಾವತ್ತೂ ಮರೆಯೋಕೆ ಆಗಲ್ಲ..' ಎಂದು ಹೇಳಿದರು.

'ಮುಖ್ಯಮಂತ್ರಿಗಳು ಎಷ್ಟೇ ಬ್ಯುಸಿ ಇದ್ರೂ ಸಿನಿಮಾ ಕಾರ್ಯಕ್ರಮಗಳಿಗೆ ಬರ್ತಾರೆ, ಅದು ಅವ್ರ ದೊಡ್ಡ ಗುಣ'- ರಾಜೇಂದ್ರ ಸಿಂಗ್ ಬಾಬು