ಹೆತ್ತವರಿಗೆ ಹೆದರಿ ತನ್ನದೇ ಮಗುವನ್ನು ಫ್ರೀಜರ್‌ನಲ್ಲಿಟ್ಟ 14 ವರ್ಷದ ಶಾಲಾ ಬಾಲಕಿ!

ಶಾಲೆಗೆ ಹೋಗಿ ಖುಷಿ ಖುಷಿಯಾಗಿ ಇರುವ ವಯಸ್ಸದು... ಓರಗೆ ಮಕ್ಕಳೊಂದಿಗೆ ಆಡುತ್ತಾ ಬಾಲ್ಯದ ಸಡಗರವನ್ನು ಅನುಭವಿಸು ಕ್ಷಣವದು. ಆದರೆ, ಆ ಬಾಲಕಿ 14ನೇ ವಯಸ್ಸಿನಲ್ಲೇ ಗರ್ಭಧರಿಸಿದ್ದಳು. ತಾನು ಗರ್ಭವತಿ ಎಂಬ ವಿಷಯವನ್ನು ಮನೆಯಲ್ಲಿ ಹೇಳಲು ಇವಳು ಹೆದರಿದ್ದಳು... ನಂತರ ನಡೆದದ್ದೆಲ್ಲಾ ಆಘಾತಕಾರಿ ಘಟನೆ...!

ಇದು ರಷ್ಯಾದಲ್ಲಿ ನಡೆದಿರುವ ಘಟನೆ. ಸದ್ಯ ಈ ಆಘಾತಕಾರಿ ವಿಷಯ ಕೇಳಿ ನೆಟ್ಟಿಗರು ಆಶ್ಚರ್ಯಚಕಿತರಾಗಿದ್ದಾರೆ. ರಷ್ಯಾದ ಸೈಬೀರಿಯಾದ ಗ್ರಾಮದಲ್ಲಿ ನಡೆದ ಘಟನೆ ಇದು. ಮಗಳು ಗರ್ಭಿಣಿ ಎಂಬ ವಿಷಯ ಹೆತ್ತವರಿಗೆ ಗೊತ್ತಿರಲಿಲ್ಲ. ಬಾಲಕಿಯ ಶಿಕ್ಷಕರು ಸೇರಿದಂತೆ ಯಾರಿಗೂ ಈಕೆ ಗರ್ಭಿಣಿ ಎಂಬ ವಿಷಯ ತಿಳಿದಿರಲಿಲ್ಲ.

Also Read : ಭಯಾನಕ ಚೀತಾಗಳು ಗರ್ಜಿಸುವುದಿಲ್ಲ, ಬೆಕ್ಕಿನಂತೆ `ಮಿಯಾಂವ್' ಎನ್ನುತ್ತವೆ!: ಇಲ್ಲಿದೆ ಅಚ್ಚರಿಯ ವಿಡಿಯೋ

ಭಯದಲ್ಲಿ ಈ ವಿಷಯ ಮುಚ್ಚಿಟ್ಟಿದ್ದ ಬಾಲಕಿ ಕೊನೆಗೆ ಮನೆಯ ಕೊನೆಯೊಂದರಲ್ಲಿ ಗಂಡುಮಗುವಿಗೆ ಜನ್ಮ ನೀಡಿದ್ದಳು. ಬಳಿಕ ನವಜಾತ ಶಿಶುವನ್ನು ಪ್ಲಾಸ್ಟಿಕ್ ಚೀಲದಲ್ಲಿ ಇರಿಸಿ ತನ್ನ ತಂದೆ ಕೆಲಸ ಮಾಡುವ ಮನೆಯ ಗ್ಯಾರೇಜ್‌ನ ಫ್ರೀಜರ್‌ನಲ್ಲಿಟ್ಟು ಬಂದಿದ್ದಳು.

Also Read : ಅಂದು ಮಕ್ಕಳಿಲ್ಲವೆಂದು ಕೊರಗಿದ್ದರು ದಂಪತಿ, ಈಗ ಒಂದೇ ಹೆರಿಗೆಯಲ್ಲಿ 4 ಮಕ್ಕಳಿಗೆ ಜನ್ಮ ನೀಡಿದ್ದಾರೆ ತಾಯಿ!

ಹೀಗೆ ಬಂದು ಮನೆಯೊಳಗೆ ಮಲಗಿದ್ದ ಬಾಲಕಿ ರಾತ್ರಿ ನೋವಲ್ಲಿ ನರಳಾಡುವುದಕ್ಕೆ ಆರಂಭಿಸಿದ್ದಳು. ಇದನ್ನು ಕೇಳಿ ತಾಯಿ ಓಡೋಡಿ ಬಂದಿದ್ದರು. ಮಗಳ ನರಳಾಟ ಕಂಡು ಭಯಗೊಂಡ ತಾಯಿ ಆಂಬ್ಯುಲೆನ್ಸ್‌ ಕರೆಸಿ ಆಸ್ಪತ್ರೆಗೆ ದಾಖಲಿಸಿದ್ದರು. ಆಗಲೇ ಗೊತ್ತಾಗಿದ್ದು ಪುತ್ರಿಗೆ ಹೆರಿಗೆಯಾಗಿದೆ ಎಂಬ ವಿಷಯ. ಈ ಸಂಗತಿ ಕೇಳಿ ಹೆತ್ತವರಿಗೆ ಆಕಾಶವೇ ತಲೆ ಮೇಲೆ ಬಿದ್ದಂತಾಗಿತ್ತು...!

Also Read : ಕ್ಯಾನ್ಸರ್ ಪೀಡಿತ ಕಂದನ ಖುಷಿಗಾಗಿ ವೈದ್ಯರ ಬ್ಯಾಲೆ ಡಾನ್ಸ್‌ : ಕಲ್ಲುಹೃದಯವನ್ನೂ ಕರಗಿಸುವ ದೃಶ್ಯವಿದು

14 ವರ್ಷದ ಹುಡುಗಿ ತಾನೇ ಸ್ವತಃ ಜನ್ಮ ನೀಡಿದ್ದಳು. ಇವಳಿಗೆ ಸಹಾಯ ಮಾಡಲು ಯಾರೂ ಇರಲಿಲ್ಲ. ಈ ವೇಳೆ, ಸಾಕಷ್ಟು ರಕ್ತಸ್ರಾವವಾಗಿತ್ತು. ಆದರೂ ಬಾಲಕಿ ಶಿಶುವನ್ನು ಫ್ರೀಜರ್‌ನಲ್ಲಿಟ್ಟು ಬಂದಿದ್ದಳು. ವಿಷಯ ಗೊತ್ತಾದ ಮೇಲೆ ಎಲ್ಲರೂ ಹೋಗಿ ಫ್ರೀಜರ್‌ನೊಳಗೆ ನೋಡಿದ್ದರು. ಆದರೆ, ಅಷ್ಟರಲ್ಲಿ ತುಂಬಾ ತಡವಾಗಿತ್ತು. ಕಂದ ಆಗಲೇ ಉಸಿರು ನಿಲ್ಲಿಸಿತ್ತು. ಸದ್ಯ ಬಾಲಕಿ ಆಸ್ಪತ್ರೆಯಲ್ಲಿ ಚಿಕಿತ್ಸೆ ಪಡೆಯುತ್ತಿದ್ದಾಳೆ. ಇವಳ ಸ್ಥಿತಿಯೂ ಗಂಭೀರವಾಗಿದೆ ಎಂದು ಗೊತ್ತಾಗಿದೆ. ಇನ್ನು, ಈ ಪ್ರಕರಣವನ್ನು ಗಂಭೀರವಾಗಿ ಪರಿಗಣಿಸಿರುವ ಸ್ಥಳೀಯ ಅಧಿಕಾರಿಗಳು ಈ ಬಗ್ಗೆ ತನಿಖೆ ನಡೆಸುತ್ತಿದ್ದಾರೆ.