ಮೂಗಿನ ಶಸ್ತ್ರಚಿಕಿತ್ಸೆಗೆಂದು ಬಂದಿದ್ದ ಮಹಿಳೆಯ ಕಿವಿ ಒಂದು ಭಾಗ ಕಟ್! : ನಡೆಯುತ್ತಿದೆ ಜಟಾಪಟಿ!

ಮೂಗಿನ ಶಸ್ತ್ರಚಿಕಿತ್ಸೆಗೆ ಬಂದವರ ಕಿವಿಯ ಒಂದು ಭಾಗವನ್ನೇ ತೆಗೆದರೆ...? ನಿಜಕ್ಕೂ ಶಾಕ್ ಆಗುತ್ತದೆ. ಜೊತೆಗೆ, ಹೀಗೆ ಆಗುವುದಕ್ಕೂ ಸಾಧ್ಯನಾ ಎಂಬ ಪ್ರಶ್ನೆಯೂ ಮೂಡುತ್ತದೆ. ಆದರೆ, ಸದ್ಯ ಇಂತಹದ್ದೊಂದು ಘಟನೆ ನಡೆದಿದೆ.

ಕೆಲ ಸೌಂದರ್ಯ ಪ್ರಿಯರು ಆಗಾಗ ಮೂಗಿನ ಶಸ್ತ್ರಚಿಕಿತ್ಸೆ ಮಾಡಿಸಿಕೊಳ್ಳುತ್ತಾರೆ. ಸಾಮಾನ್ಯರಿಗಿಂತ ಸಿನೆಮಾ ತಾರೆಯರಲ್ಲಿ ಇಂತಹ ಕಾಸ್ಮೆಟಿಕ್ ಸರ್ಜರಿಗಳ ಹವ್ಯಾಸ ಜಾಸ್ತಿ. ವಿಭಿನ್ನವಾಗಿ ಮತ್ತು ಅಂದವಾಗಿ ಕಾಣಬೇಕೆಂಬ ಕಾರಣಕ್ಕೆ ಅದೆಷ್ಟೋ ತಾರೆಯರು ಸೇರಿದಂತೆ ಹಲವರು ಮೂಗು, ತುಟಿ ಸೇರಿದಂತೆ ಕೆಲ ಕಾಸ್ಮಿಟಿಕ್ ಸರ್ಜರಿಗೆ ಒಳಗಾದ ಉದಾಹರಣೆಗಳು ಹಲವಿವೆ. ಆದರೆ, ಈ ಸರ್ಜರಿ ವೇಳೆಯೂ ಕೆಲವೊಂದು ಅವಾಂತರಗಳು ನಡೆಯುವುದಿದೆ. ಅದಕ್ಕೆ ಸಾಕ್ಷಿ ಈ ಮಹಿಳೆ.

Also Read : ಶ್ವಾನಕ್ಕೆ ಬೆಕ್ಕಿನ ಮಸಾಜ್ : ಮನಸೆಳೆಯುತ್ತದೆ ಈ ಅದ್ಭುತ ಸ್ನೇಹದ ದೃಶ್ಯ

ಇಲ್ಲೊಬ್ಬರು ಮಹಿಳೆ ಮೂಗಿನ ಶಸ್ತ್ರಚಿಕಿತ್ಸೆಗೆಂದು ಹೋಗಿದ್ದರು. ಆದರೆ, ಶಸ್ತ್ರಚಿಕಿತ್ಸೆಯ ಸಮಯದಲ್ಲಿ ಕಿವಿಯ ಒಂದು ಭಾಗವನ್ನು ಸಹ ತೆಗೆದುಹಾಕಲಾಗಿದೆ ಎಂಬುದು ಈಕೆಯ ಆರೋಪ...! ಚೀನಾದ 31 ವರ್ಷದ ಝಾವೋ ಎಂಬಾಕೆಯ ಆರೋಪವಿದು.

ಝಾವೋ ಐದು ವರ್ಷದ ಹಿಂದೆ ಮೂಗಿನ ಶಸ್ತ್ರಚಿಕಿತ್ಸೆಗೊಳಗಾಗಿದ್ದರು. ಇದಾದ ಬಳಿಕ ಇತ್ತೀಚೆಗೆ ಮತ್ತೊಂದು ಶಸ್ತ್ರಚಿಕಿತ್ಸೆ ಮಾಡಿಸಿಕೊಳ್ಳಬೇಕು ಎಂದು ಇವರು ಬಯಸಿದ್ದರು. ಅಂತೆಯೇ, ಸೆಪ್ಟೆಂಬರ್ 1ರಂದು ಚೆಂಗ್ಡೂನ ಏಂಜಲ್ ವಿಂಗ್ ಆಸ್ಪತ್ರೆಯಲ್ಲಿ ಮೂಗಿನ ಶಸ್ತ್ರಚಿಕಿತ್ಸೆಗೆ ಒಳಗಾಗಿದ್ದಳು. ಆದರೆ, ಇಲ್ಲಿ ತನ್ನ ಬಲಗಿವಿಯ ಒಂದು ಭಾಗವನ್ನು ಕತ್ತರಿಸಲಾಗಿದೆ ಎಂಬುದು ಇವರ ದೂರು. `ಶಸ್ತ್ರಚಿಕಿತ್ಸೆಯ ಬಳಿಕ ನಾನು ಯಾವುದೇ ವ್ಯತ್ಯಾಸವನ್ನು ಗಮನಿಸಿರಲಿಲ್ಲ. ಜೊತೆಗೆ, ನಾನು ತುಂಬಾ ಸಮಾಧಾನದಿಂದಲೇ ಇದ್ದೆ. ಆದರೆ, ಶಸ್ತ್ರಚಿಕಿತ್ಸೆಯ ನಾಲ್ಕು ದಿನಗಳ ಬಳಿಕ ನನಗೆ ಕಿವಿಯಲ್ಲೇನೋ ವ್ಯತ್ಯಾಸ ಕಾಣಿಸಲು ಆರಂಭಿಸಿತ್ತು. ಆಗಲೇ ಕಿವಿಯ ಒಳಭಾಗದಲ್ಲಿರುವ ಸಣ್ಣ ಮೊನಚಾದ ಭಾಗವನ್ನು ತೆಗೆದು ಹಾಕಲಾಗಿದೆ ಎಂದು ಗೊತ್ತಾಗಿದ್ದು' ಎಂದು ಇವರು ಹೇಳಿಕೊಂಡಿದ್ದಾರೆ. `ನನಗೆ ಮಾಹಿತಿ ನೀಡದೆ ಮತ್ತು ನನ್ನ ಒಪ್ಪಿಗೆಯನ್ನು ತೆಗೆದುಕೊಳ್ಳದೆ ಆಸ್ಪತ್ರೆಯವರು ಹೀಗೆ ಮಾಡಿದ್ದಾರೆ' ಎಂಬುದು ಇವರ ಆರೋಪ.

Also Read : ನದಿ ಮೇಲೆ ನಡೆದುಕೊಂಡು ಹೋದ ವ್ಯಕ್ತಿ! : ಇದು ಪವಾಡ ಅಲ್ಲ, ಜನರ ಪಾಪಕೃತ್ಯ!

ಮತ್ತೊಂದೆಡೆ, ಆಸ್ಪತ್ರೆಯವರು ಈ ಆರೋಪವನ್ನು ತಳ್ಳಿ ಹಾಕುತ್ತಿದ್ದಾರೆ. ಕಿವಿಯ ಈ ಭಾಗವನ್ನು ರೈನೋಪ್ಲ್ಯಾಸ್ಟಿ ಅಂದರೆ ಮೂಗಿನ ಶಸ್ತಚಿಕಿತ್ಸೆಗೆ ಬಳಸಲಾಗಿದೆ ಎಂಬುದು ಆಸ್ಪತ್ರೆಯವರ ವಾದ.

Also Read : ಮೂರು ಆನೆಗಳ ಜೀವ ಉಳಿಸಿದ ಲೋಕೋ ಪೈಲಟ್ : ರೈಲು ಚಾಲಕರ ಕಾರ್ಯಕ್ಕೆ ನೆಟ್ಟಿಗರ ಶ್ಲಾಘನೆ

ಹೀಗಾಗಿದೆ ಎಂದು ಗೊತ್ತಾಗುತ್ತಿದ್ದಂತೆಯೇ ಝಾವೋ ತಕ್ಷಣ ಆಸ್ಪತ್ರೆಯ ಗ್ರಾಹಕ ಸೇವಾ ತಂಡವನ್ನು ಸಂಪರ್ಕಿಸಿ ಫೋಟೋವನ್ನು ನೀಡಿ ದೂರು ಕೊಟ್ಟಿದ್ದರು. ಈ ವೇಳೆ, ಆಸ್ಪತ್ರೆ ಪ್ರತಿನಿಧಿಗಳು ಇದು ಸಹಜ ಪ್ರಕ್ರಿಯೆ ಎಂದು ಹೇಳಿಕೊಂಡಿದ್ದಾರೆ. ಆದರೂ ತನ್ನ ಒಪ್ಪಿಗೆ ಇಲ್ಲದೆ ಇದು ನಡೆದಿದೆ ಎಂದು ಝಾವೋ ಆರೋಪಿಸಿದ್ದಾರೆ. ಇದಕ್ಕೆ ಪ್ರತಿಕ್ರಿಯೆ ನೀಡಿರುವ ಆಸ್ಪತ್ರೆಯ ಆಡಳಿತ ಮಂಡಳಿ ಉಪಾಧ್ಯಕ್ಷ ಯುವಾನ್, ಶಸ್ತ್ರಚಿಕಿತ್ಸೆಗೆ ಮುನ್ನ ಎಲ್ಲಾ ಒಪ್ಪಂದಗಳ ಬಗ್ಗೆ ಅವರಿಗೆ ತಿಳಿ ಹೇಳಿ ಸಹಿ ಹಾಕಿಸಿ ಒಪ್ಪಿಗೆ ಪಡೆಯಲಾಗಿದೆ ಎಂದು ತಿಳಿಸಿದ್ದಾರೆ.

ಈ ಶಸ್ತ್ರಚಿಕಿತ್ಸೆಯಿಂದ ಝಾವೋಗೆ ಶ್ರವಣದೋಷವುಂಟಾಗಿಲ್ಲ. ಆದರೆ, ಬಲಕಿವಿಯಲ್ಲಿ ಇಯರ್ ಫೋನ್ ಬಳಸಲು ಆಗುತ್ತಿಲ್ಲ. ಹೀಗಾಗಿ, ತನ್ನ ಶಸ್ತ್ರಚಿಕಿತ್ಸೆಯ ಎಲ್ಲಾ ಹಣವನ್ನು ವಾಪಸ್ ಕೊಡಬೇಕೆಂದು ಇವರು ಒತ್ತಾಯಿಸಿದ್ದಾರೆ.