ಬೀಚ್‌ನಲ್ಲಿ ಪಾರ್ಕ್‌ ಮಾಡಿದ್ದ ಕಾರನ್ನು ಎಳೆದೊಯ್ದ ಅಲೆಗಳು...!

ಸಮುದ್ರ ತೀರದಲ್ಲಿ ತಮ್ಮ ವಾಹನವನ್ನು ನಿಲ್ಲಿಸಿ ಎಂಜಾಯ್ ಮಾಡುವ ಅಭ್ಯಾಸ ಕೆಲವರಿಗೆ ಇದೆ. ಇದು ಖಂಡಿತಾ ಒಳ್ಳೆಯ ಉಪಾಯವಲ್ಲ. ಯಾಕೆಂದರೆ, ಸಮುದ್ರ ತೀರದಲ್ಲಿ ವಾಹನ ಪಾರ್ಕ್ ಮಾಡಿ ಹೋದರೆ ಏನಾಗುತ್ತದೆ ಎಂಬುದು ಯುಕೆ ಮೂಲದ ವ್ಯಕ್ತಿಯೊಬ್ಬರಿಗೆ ಈಗ ಅನುಭವಕ್ಕೆ ಬಂದಿದೆ. ಈ ವ್ಯಕ್ತಿ ಎದುರಿಸಿದ ಕಠಿಣ ಪರಿಸ್ಥಿತಿಯ ವಿಡಿಯೋಗಳು ಈಗ ಫೇಸ್‌ಬುಕ್ ಸೇರಿದಂತೆ ವಿವಿಧ ಮಾಧ್ಯಮಗಳಲ್ಲಿ ವೈರಲ್ ಆಗುತ್ತಿದೆ.

Also Read : ಅಬ್ಬಬ್ಬಾ...! ಮನೆ ಬಾಗಿಲ ಸಮೀಪವೇ ಕದನಕ್ಕಿಳಿದಿತ್ತು ಮೊಸಳೆಗಳು...!

ಇದು ನಡೆದದ್ದು ಕೆಂಟ್‌ನ ವಿಟ್ಸ್ಟೇಬಲ್ ಬೀಚ್‌ನಲ್ಲಿ. ಸಮುದ್ರ ತೀರದಲ್ಲಿ ಖುಷಿ ಅನುಭವಿಸಲು ಜನರ ಅದೊಂದು ತಂಡ ಬಂದಿತ್ತು. ಆದರೆ, ಇಲ್ಲಿ ಬಂದು ಖುಷಿ ಅನುಭವಿಸುತ್ತಿದ್ದ ಅರೆ ಕ್ಷಣದಲ್ಲೇ ಈ ಬೀಚ್‌ನಲ್ಲಿ ಅನಿರೀಕ್ಷಿತ ಘಟನೆಯೊಂದು ನಡೆದು ಹೋಗಿತ್ತು. ಇದರಿಂದ ಅಲ್ಲಿದ್ದ ಜನರೆಲ್ಲಾ ಒಂದು ಕ್ಷಣ ದಂಗಾಗಿದ್ದರು. ಯಾಕೆಂದರೆ, ಬೀಚ್ ಪಕ್ಕದಲ್ಲಿಯೇ ಪಾರ್ಕ್‌ ಮಾಡಿದ್ದ ಕಾರು ದೈತ್ಯ ಅಲೆಗಳ ಕಾರಣದಿಂದ ನೀರಿಗಿಳಿದಿತ್ತು. ನೋಡ ನೋಡುತ್ತಿದ್ದಂತೆಯೇ ಅಲೆಗಳು ಈ ಕಾರನ್ನು ಎಳೆದೊಯ್ದಿತ್ತು. ಈ ದೃಶ್ಯವನ್ನು ಕಂಡೊಡನೆ ಕಾರಿನ ಮಾಲಿಕರು ತಮ್ಮ ಕಾರನ್ನು ಉಳಿಸಿಕೊಳ್ಳಲು ಓಡೋಡಿ ದಾವಿಸಿದ್ದರು. ಸ್ಥಳೀಯರು ಕೂಡಾ ಇವರ ನೆರವಿಗೆ ಬಂದಿದ್ದರು...

Also Read : ಇಲ್ಲಿನವರಿಗೆ ಕಾಡುತ್ತಿದೆ 10 ವರ್ಷದ ಬಾಲಕಿಯ ಪ್ರೇತಾತ್ಮದ ಭಯ...!


ನೀರಿನಲ್ಲಿ ತೇಲುತ್ತಿದ್ದ ಕಾರನ್ನು ರಕ್ಷಿಸಲು ನಡೆಯುತ್ತಿದ್ದ ಯತ್ನವನ್ನು ಅಲ್ಲೇ ಇದ್ದ ಜನರು ಸೆರೆ ಹಿಡಿದಿದ್ದಾರೆ. ಸದ್ಯ ಈ ವಿಡಿಯೋ ಫೇಸ್‌ಬುಕ್‌ನಲ್ಲೂ ಅಪ್ಲೋಡ್ ಆಗಿದ್ದು, ಹಲವರು ಈ ವಿಡಿಯೋವನ್ನು ನೋಡಿ ದಂಗಾಗಿ ಹೋಗಿದ್ದಾರೆ.

Also Read : ಪ್ರವಾಸಿಗರನ್ನು ಸೆಳೆಯುತ್ತಿರುವ ಆ ಕೋಟೆಯಲ್ಲಡಗಿದೆ ಅನೇಕ ರಹಸ್ಯಗಳು...!

ಕಾರು ನೀರಲ್ಲಿ ತೇಲುತ್ತಿದ್ದದ್ದನ್ನು ಕಂಡ ಹಲವರು ಈ ಕಾರನ್ನು ಉಳಿಸಿಕೊಳ್ಳಲು ಸತತ ಪ್ರಯತ್ನ ಮಾಡಿದ್ದರು. ಈ ಅಷ್ಟೂ ದೃಶ್ಯಗಳು ಕ್ಯಾಮೆರಾದಲ್ಲಿ ಸೆರೆಯಾಗಿದೆ. ಕಾರು ಕ್ಷಣಕ್ಷಣಕ್ಕೂ ಮುಳುಗಿದಂತೆ ಕಾಣುತ್ತಿದ್ದದ್ದು ಅಲ್ಲಿದ್ದವರಲ್ಲಿ ಆತಂಕ ಮೂಡಿಸಿತ್ತು. ಒಂದು ಹಂತದಲ್ಲಿ ಕಾರನ್ನು ಉಳಿಸಿಕೊಳ್ಳುವುದು ಕಷ್ಟ ಎಂಬಂತಹ ಭಯದ ವಾತಾವರಣ ಅಲ್ಲಿ ನಿರ್ಮಾಣವಾಗಿತ್ತು. ಆದರೆ, ಕೊನೆಗೆ ವ್ಯಕ್ತಿಯೊಬ್ಬರು ಅಲೆಗಳ ರಭಸದ ನಡುವೆಯೂ ಕಾರಿಗೆ ಹಗ್ಗ ಬಿಗಿಯುವಲ್ಲಿ ಯಶಸ್ವಿಯಾಗಿದ್ದರು. ಈ ಮೂಲಕ ಮುಳುಗುತ್ತಿದ್ದ ಕಾರನ್ನು ಮೇಲಕ್ಕೆ ತೆರಲಾಯಿತು. ಜೊತೆಗೆ, ಜನರ ಮುಖದಲ್ಲಿ ಆತಂಕ ದೂರವಾಗಿ ಸಮಾಧಾನ ಮನೆ ಮಾಡಿತ್ತು.