ನಕಲಿ ಚೆಕ್ ಬಳಸಿ 1 ಕೋಟಿ ರೂ. ಮೌಲ್ಯದ ಪೋರ್ಷೆ ಖರೀದಿಸಿದ ಭೂಪ!

ದಿಢೀರ್ ಸಿರಿವಂತಿಕೆಯ ಹುಚ್ಚು, ದುಡಿದು ತಿನ್ನಲು ಮನಸ್ಸಿಲ್ಲ, ಶೋಕಿ ಜೀವನಕ್ಕೂ ಕೊನೆಯಿಲ್ಲ. ಹೀಗಾಗಿ, ಕೆಲವರು ಅಡ್ಡದಾರಿ ಹಿಡಿಯುತ್ತಾರೆ. ಆದರೆ, ಹೀಗೆ ಅಡ್ಡ ದಾರಿ ಹಿಡಿದು ಸಂಪಾದಿಸಿದ ಹಣದಿಂದ ಎಷ್ಟು ದಿನ ಸುಖವಾಗಿ ಇರಲು ಸಾಧ್ಯ ಹೇಳಿ...? ಯಾವತ್ತಾದರೂ ಸಿಕ್ಕಿ ಬೀಳಲೇಬೇಕು. ಅದಕ್ಕೆ ಸಾಕ್ಷಿ ಈ ವ್ಯಕ್ತಿ.

ಇಲ್ಲೊಬ್ಬ ಕಂಪ್ಯೂಟರ್‌ನಲ್ಲಿ ತನ್ನ ಮನೆಯಲ್ಲಿಯೇ ನಕಲಿ ಚೆಕ್ ಮುದ್ರಿಸಿ ಅದರಲ್ಲಿ ಬರೋಬ್ಬರಿ ಒಂದು ಕೋಟಿ ಮೌಲ್ಯದ ಪೋರ್ಷೆ ಕಾರನ್ನು ಖರೀದಿಸಿದ್ದಾನೆ. ಫ್ಲೋರಿಡಾದಲ್ಲಿ ಈ ಘಟನೆ ನಡೆದಿದೆ. ಸದ್ಯ ಈತನನ್ನು ಬಂಧಿಸಲಾಗಿದೆ. ಈತ ಈ ಕಾರು ಖರೀದಿಸಿದ ಬಳಿಕ ಇದೇ ರೀತಿ ಮೂರು ಐಷಾರಾಮಿ ವಾಚ್ ಖರೀದಿಗೂ ಪ್ರಯತ್ನಿಸಿದ್ದ. ವಾಲ್ಟನ್ ಕೌಂಟಿ ಶೆರಿಫ್ ಕಚೇರಿಯ ಪ್ರಕಾರ 42 ವರ್ಷದ ಕೇಸಿ ವಿಲಿಯಂ ಕೆಲ್ಲಿ ಬಂಧಿತ ಆರೋಪಿ. ಈತನಿಗೆ ವಾಹನ ಕಳ್ಳತನ ಮತ್ತು ನಕಲಿ ಚೆಕ್ ನೀಡಿದ ಆರೋಪದಲ್ಲಿ ಕೈಗೆ ಕೋಳ ತೊಡಿಸಲಾಗಿದೆ.

Also Read : ಕೊಲೆ ಅಪರಾಧಿ ಪುತ್ರನನ್ನು ಜೈಲಿನಿಂದ ಕರೆತರಲು 35 ಅಡಿ ಸುರಂಗ ಕೊರೆದ ತಾಯಿ!

ಜುಲೈ 27ರಂದು ಫ್ಲೋರಿಡಾದ ಡೆಸ್ಟಿನ್‌ನಲ್ಲಿರುವ ಪೋರ್ಷೆ ಮಾರಾಟಗಾರರೊಬ್ಬರಿಂದ ಐಷಾರಾಮಿ ಕಾರನ್ನು ಖರೀದಿಸಲು ಈತ ನಿರ್ಧರಿಸಿದ್ದ. ಇದಕ್ಕಾಗಿ ತನ್ನ ಮನೆಯ ಕಂಪ್ಯೂಟರ್‌ನಲ್ಲಿಯೇ ಈತ ನಕಲಿ ಚೆಕ್ ಮುದ್ರಿಸಿದ್ದ. ಇದನ್ನು ಸಂಸ್ಥೆಯ ಕ್ಯಾಷಿಯರ್‌ಗೂ ಹಸ್ತಾಂತರಿಸಿದ್ದ ಎಂದು ಆರೋಪಿಸಲಾಗಿದೆ. ತಕ್ಷಣಕ್ಕೆ ಸಂಸ್ಥೆಯವರಿಗೂ ಇದು ನಕಲಿ ಚೆಕ್ ಎಂದು ಗೊತ್ತಾಗಿರಲಿಲ್ಲ. ಈ ವ್ಯವಹಾರ ಮುಗಿಯುತ್ತಿದ್ದಂತೆಯೇ ಕೇಸಿ ವಿಲಿಯಂ ಕೆಲ್ಲಿ ಹೊಸ ಪೋರ್ಷೆ 911 ಕಾರನ್ನು ಖರೀದಿಸಿ ಕೊಂಡೊಯ್ದಿದ್ದ. ಯಾವಾಗ ಈತ ನೀಡಿರುವುದು ನಕಲಿ ಚೆಕ್ ಎಂದು ಗೊತ್ತಾಯಿತೋ ಸಂಸ್ಥೆಯವರು ಪೊಲೀಸರಿಗೆ ಮಾಹಿತಿ ನೀಡಿದ್ದರು. ಇದಾದ ಬಳಿಕ ಪೊಲೀಸರು ಈತ ಜರ್ಮನ್ ಸ್ಪೋರ್ಟ್ಸ್ ಕಾರಿನ ಪಕ್ಕದಲ್ಲಿ ನಿಂತು ಪೋಸ್ ಕೊಟ್ಟಿರುವ ಫೋಟೋವನ್ನು ಪೊಲೀಸರು ರಿಲೀಸ್ ಮಾಡಿದ್ದರು.

Also Read : Cute Dog : ವ್ಹಾವ್... ಈ ಮುದ್ದು ಶ್ವಾನದ ಬುದ್ಧಿವಂತಿಕೆಗೆ ಬೆರಗಾಗಲೇಬೇಕು...!


Also Read : Cat Escape : ಡ್ರಗ್ಸ್‌ ಸಾಗಾಟ ಆರೋಪದಲ್ಲಿ `ಬಂಧನ'ದಲ್ಲಿದ್ದ ಬೆಕ್ಕು ಜೈಲಿನಿಂದ ಪರಾರಿ!

ಈ ಕಾರು ಖರೀದಿಸಿ ಕೊಂಡೊಯ್ದ ಬಳಿಕ ಕೆಲ್ಲಿ ಇದೇ ರೀತಿ ನಕಲಿ ಚೆಕ್‌ನೊಂದಿಗೆ ಮೂರು ಐಷಾರಾಮಿ ರೋಲೆಕ್ಸ್ ವಾಚ್ ಖರೀದಿಸಿದ್ದ. ಇದಕ್ಕಾಗಿ ಜುಲೈ 28ರಂದು ಮಿರಾಮರ್ ಬೀಚ್‌ನ ಆಭರಣ ವ್ಯಾಪಾರಿ ಬಳಿ 61,521 ಡಾಲರ್ ಮೌಲ್ಯದ ಚೆಕ್‌ ಈತ ಬಳಸಿದ್ದ. ಆದರೆ, ಬ್ಯಾಂಕ್‌ನಲ್ಲಿ ಚೆಕ್ ಕ್ಲಿಯರ್ ಆದ ಮೇಲೆ ವಾಚ್ ಕೊಡುತ್ತೇನೆ ಎಂದು ವ್ಯಾಪಾರಿ ಹೇಳಿದ್ದರಿಂದ ವಾಚ್ ವ್ಯಾಪಾರಿ ಬಳಿಯೇ ಇತ್ತು. ಇಲ್ಲೂ ಕೆಲ್ಲಿ ಕೊಟ್ಟಿದ್ದು ನಕಲಿ ಚೆಕ್ ಎಂದು ಗೊತ್ತಾಗಿತ್ತು. ವಿಷಯ ಗೊತ್ತಾಗುತ್ತಿದ್ದಂತೆಯೇ ಆಭರಣ ವ್ಯಾಪಾರಿ ವಾಲ್ಟನ್ ಕೌಂಟಿ ಶೆರಿಫ್ ಕಚೇರಿಗೆ ಮಾಹಿತಿ ನೀಡಿದ್ದರು. ಅಷ್ಟರಲ್ಲಾಗಲೇ ಪೋರ್ಷೆ ಕಾರು ಖರೀದಿ ವಂಚನೆಗೆ ಸಂಬಂಧಿಸಿದಂತೆ ಕೆಲ್ಲಿಯನ್ನು ಬಂಧಿಸಲಾಗಿತ್ತು. ವಿಚಾರಣೆ ವೇಳೆ ತನ್ನ ಮನೆಯ ಕಂಪ್ಯೂಟರ್‌ನಿಂದ ಚೆಕ್‌ಗಳನ್ನು ಮುದ್ರಿಸಿದ್ದಾಗಿ ಕೆಲ್ಲಿ ಒಪ್ಪಿಕೊಂಡಿದ್ದಾನೆ.