ಮರಿಗಳೊಂದಿಗಿದ್ದ ತಾಯಿ ಹಕ್ಕಿ ಬಳಿ ಬಂದ ಹೆಬ್ಬಾವು! ಅಯ್ಯೋ... ಈ ದೃಶ್ಯವನ್ನು ನೋಡಿದಾಗ ಕಣ್ಣೀರೇ ಬರುತ್ತದೆ...!

ತಾಯಿ ಉಸಿರು ನೀಡುವವಳು... ಇವಳು ಬರೀ ಜನ್ಮ ಮಾತ್ರ ಕೊಡುವುದಿಲ್ಲ, ಅಗತ್ಯ ಬಿದ್ದಾಗ ತನ್ನ ಪ್ರಾಣವನ್ನೇ ಮಕ್ಕಳಿಗೆ ನೀಡುತ್ತಾಳೆ... ಇದಕ್ಕೆ ಬೇಕಾದಷ್ಟು ಸಾಕ್ಷಿಗಳು ಕಾಣಸಿಗುತ್ತವೆ. ಅದರಲ್ಲೂ ಸೋಶಿಯಲ್ ಮೀಡಿಯಾದಲ್ಲಿ ಸದಾ ತಾಯಿಯ ಪ್ರೀತಿಯ ಆಳವನ್ನು ಸಾರುವ ಅನೇಕ ವಿಡಿಯೋಗಳು ಕಾಣಸಿಗುತ್ತವೆ. ಈ ಎಲ್ಲಾ ವಿಡಿಯೋಗಳು ಕ್ಷಣಾರ್ಧದಲ್ಲಿ ನಮ್ಮ ಮನಸ್ಸು ಕಲಕುತ್ತವೆ. ಇಂತಹ ಮನ ಕಲಕುವ ವಿಡಿಯೋಗಳ ಸಾಲಿಗೆ ಇನ್ನೊಂದು ವಿಡಿಯೋ ಸೇರ್ಪಡೆಯಾಗಿದೆ. ಈ ವಿಡಿಯೋ ನೋಡಿದಾಗ ಹೃದಯ ಭಾರವಾಗುತ್ತದೆ. ನಮಗೇ ಗೊತ್ತಿಲ್ಲದಂತೆ ಕಣ್ಣೀರು ಕೆನ್ನೆ ಸವರಿ ಬಿದ್ದಿರುತ್ತದೆ.

ಇದು ಹಕ್ಕಿಯೊಂದರ ಕರುಣಾಜನಕ ದೃಶ್ಯ. ಈ ತಾಯಿ ತನ್ನ ದೊಡ್ಡ ಸಂಸಾರದೊಂದಿಗೆ ಖುಷಿಯಾಗಿ ಇದ್ದಳು. ಪುಟ್ಟ ಪುಟ್ಟ ಮಕ್ಕಳು ಅವಳ ಸುತ್ತಾ ಓಡಾಡುತ್ತಾ ಅಮ್ಮನ ಹೃದಯಕ್ಕೂ ಖುಷಿ ತಂದಿದ್ದವು. ಆದರೆ, ಇವಳ ಖುಷಿ ಅಲ್ಪಾಯುಷಿಯಾಗಿತ್ತು. ಯಾಕೆಂದರೆ, ರಕ್ಕಸ ಬೇಟೆಗಾರನ ದೃಷ್ಟಿ ಈ ಖುಷಿಯ ಸಂಸಾರದ ಮೇಲೆ ಬಿದ್ದಿತ್ತು... ಆ ಮೇಲೆ ನಡೆದದ್ದೆಲ್ಲಾ ನೋವಿನ ದೃಶ್ಯ...

Also Read : ಅಬ್ಬಬ್ಬಾ! ಭಯದಲ್ಲಿ ರಕ್ಷಿಸಿದವರ ಮೇಲೆಯೇ ದಾಳಿ ಮಾಡಿದ ಜಿಂಕೆ!: ಮುಂದೇನಾಯ್ತು ಗೊತ್ತಾ?

ಭಾರತೀಯ ಅರಣ್ಯ ಸೇವೆಗಳ ಅಧಿಕಾರಿ ಸುಧಾ ರಾಮನ್ ಅವರು ತಮ್ಮ ಟ್ವಿಟ್ಟರ್ ಖಾತೆಯಲ್ಲಿ ಈ ಹೃದಯ ವಿದ್ರಾವಕ ವಿಡಿಯೋ ಹಂಚಿಕೊಂಡಿದ್ದಾರೆ. ಈ ಕ್ಲಿಪ್‌ ಹಕ್ಕಿ ತನ್ನ ಮರಿಗಳೊಂದಿಗೆ ಒಂದು ಸಣ್ಣ ಗುಂಡಿಯೊಳಗೆ ಇರುವ ದೃಶ್ಯದಿಂದ ಆರಂಭವಾಗುತ್ತದೆ. ಇದಾದ ಬಳಿಕ ಈ ಸೀನ್‌ನಲ್ಲಿ ಕಾಣಿಸಿಕೊಳ್ಳುವುದು ದೊಡ್ಡ ಹೆಬ್ಬಾವು. ಹೀಗೆ ಬರುವ ಹೆಬ್ಬಾವು ಸೀದಾ ಹಕ್ಕಿಗಳಿದ್ದ ಗುಂಡಿಯೊಳಗೆ ತಲೆ ಹಾಕುತ್ತದೆ. ಈ ವೇಳೆ, ತಾಯಿ ಹಕ್ಕಿ ಗಲಿಬಿಲಿಗೊಳ್ಳುತ್ತಾಳೆ. ಆದರೆ, ಇಂತಹ ಸಂದರ್ಭದಲ್ಲೂ ಮರಿಗಳ ಸುರಕ್ಷತೆಯ ಬಗ್ಗೆ ಯೋಚಿಸುವ ತಾಯಿ ಮೊದಲು ತನ್ನ ಮರಿಗಳನ್ನು ರಕ್ಷಿಸುತ್ತಾಳೆ... ತನ್ನ ಜೀವದ ಬಗ್ಗೆ ಇವಳು ಅರೆಕ್ಷಣವೂ ಯೋಚಿಸುವುದೇ ಇಲ್ಲ...

Also Read : ಮೀನಿನ ಆಸೆಯಲ್ಲಿ ಗಾಳ ಹಾಕಿದರೆ ಸಿಕ್ಕಿದ್ದು ದೊಡ್ಡ ಮೊಸಳೆ! : ಮುಂದೇನಾಯ್ತು ಗೊತ್ತಾ?

Also Read : ಮರಣ ಹೊಂದುವ ಮೊದಲೇ ತನ್ನ ನಿಧನವಾರ್ತೆಯನ್ನು ತಾನೇ ಬರೆದ ವ್ಯಕ್ತಿ : ಎಲ್ಲರನ್ನೂ ಭಾವುಕರನ್ನಾಗಿಸಿದ ಪತ್ರ

ಈಕೆಯ ತ್ಯಾಗವನ್ನು ನೋಡಿದಾಗಲೇ ಕಣ್ಣೀರು ಬರುತ್ತದೆ. ತಾಯಿಯ ಪ್ರೀತಿ ಎಷ್ಟು ಆಳ ಎಂಬುದಕ್ಕೆ ಇದಕ್ಕಿಂತ ಬೇರೆ ಸಾಕ್ಷಿ ಬೇಕಾಗಿಲ್ಲ. ಇದೆ ಕಾರಣಕ್ಕೆ ಈ ವಿಡಿಯೋ ಈಗ ಸೋಶಿಯಲ್ ಮೀಡಿಯಾದಲ್ಲಿ ಎಲ್ಲರನ್ನೂ ಭಾವುಕರನ್ನಾಗಿಸಿದೆ. ಬಹುಶಃ ಈ ದೃಶ್ಯ ನೋಡಿ ನಿಮ್ಮ ಹೃದಯವೂ ಭಾರವಾಗಿರಬಹುದು..