ಈಜಲು ಹೋಗಿದ್ದ ವ್ಯಕ್ತಿಯ ಮೂತ್ರಕೋಶ ಸೇರಿತ್ತು ಜಿಗಣೆ...!

ಕಾಂಬೋಡಿಯಾದ ವ್ಯಕ್ತಿಯೊಬ್ಬರು ಕೊಳದಲ್ಲಿ ಈಜಲು ಹೋಗಿದ್ದರು. ಖುಷಿಯಲ್ಲಿ ಈಜಿ ಮನೆಗೆ ಹೋದ ಇವರಿಗೆ ಸಣ್ಣದಾಗಿ ಹೊಟ್ಟೆ ನೋವು ಶುರುವಾಗಿತ್ತು. ರಾತ್ರಿ ಶೌಚಾಲಯಕ್ಕೆ ಹೋದಾಗ ತಡೆಯಲಾರದಂತಹ ನೋವು ಕಾಡಲಾರಂಭಿಸಿತ್ತು. ಹೀಗಾಗಿ, ತಕ್ಷಣ ಇವರನ್ನು ಮನೆಯವರು ಆಸ್ಪತ್ರೆಗೆ ಕರೆತಂದಿದ್ದರು. ಈ ವೇಳೆ, ವೈದ್ಯರು ಪರೀಕ್ಷೆ ನಡೆಸಿದಾಗ ಗೊತ್ತಾಗಿದ್ದು ಆಘಾತಕಾರಿ ಅಂಶ. ಅದೇನೆಂದರೆ, ಈ ವ್ಯಕ್ತಿಯ ಮೂತ್ರಕೋಶದೊಳಗೆ ಇಂಬಳ ಅರ್ಥಾತ್ ಜಿಗಣೆ ಸೇರಿಕೊಂಡಿತ್ತು...! ಈಜಲು ಹೋಗಿದ್ದಾಗ ಕೊಳದಲ್ಲಿ ಇದ್ದ ಇಂಬಳ ಈ ವ್ಯಕ್ತಿಯ ಜನನಾಂಗದ ಮೂಲಕ ಮೂತ್ರಕೋಶ ಸೇರಿತ್ತು...!

Also Read : ಶ್ವಾನಗಳೂ ಕ್ಷಮೆ ಕೇಳುತ್ತವೆ! : ಸೋದರನ ತಿಂಡಿ ಕದ್ದು ಕ್ಷಮೆ ಕೇಳಿ ಎಲ್ಲರ `ಹೃದಯ ಕದ್ದ' ಮಿತ್ರ!

ಹೀಗೆ ಮೂತ್ರಕೋಶ ಸೇರಿದ್ದ ಜಿಗಣೆ ರಕ್ತ ಹೀರಲು ಆರಂಭಿಸಿದ್ದರಿಂದ ಹೊಟ್ಟೆ ನೋವು ಶುರುವಾಗಿತ್ತು. ಈ ವೃದ್ಧರ ಸ್ಥಿತಿ ಕಂಡ ವೈದ್ಯರು ತಕ್ಷಣ ಇಂಬಳ ದೇಹದೊಳಗೆ ಯಾವ ಭಾಗಗಳಲ್ಲಿ ಗಾಯ ಮಾಡಿದೆ ಎಂದು ತಿಳಿದುಕೊಳ್ಳಲು ಸ್ಕ್ಯಾನ್ ನಡೆಸಿದರು. ಬಳಿಕ ಬೈಪೋಲಾರ್ ರೆಸೆಕ್ಟೊಸ್ಕೋಪ್ ಎಂಬ ಉಪಕರಣವನ್ನು ಬಳಸಿ ಈ ಇಂಬಳವನ್ನು ಕೊಂದ ವೈದ್ಯರು ಅದನ್ನು ದೇಹದಿಂದ ಹೊರ ತೆಗೆದಿದ್ದಾರೆ.

Also Read : ಪಾರ್ಸೆಲ್ ಮನೆ ಬಾಗಿಲಿನಲ್ಲಿಟ್ಟು ಓಡಿದ ಮಹಿಳೆ! : ಈಕೆಯನ್ನು ಮೆಚ್ಚಿದ ನೆಟ್ಟಿಗರು!

ಈ ಇಂಬಳ ಈ ವ್ಯಕ್ತಿಯ ಸುಮಾರು 500 ಮಿಲಿಲೀಟರ್‌ಗಿಂತ ಹೆಚ್ಚು ರಕ್ತ ಹೀರಿತ್ತು. ಹೀಗಾಗಿ, ಇದನ್ನು ದೇಹದಿಂದ ಹೊರ ತೆಗೆಯುವ ಪ್ರಕ್ರಿಯೆ ಕೊಂಚ ಕಷ್ಟಕರವಾಗಿತ್ತು ಎಂದು ಪ್ರಖ್ಯಾತ ಸ್ಥಳೀಯ ಮಾಧ್ಯಮವೊಂದು ವರದಿ ಮಾಡಿದೆ.

Also Read : ಮಕ್ಕಳು ರಸ್ತೆಯಲ್ಲಿ ಆಡುವುದನ್ನು ನಿಲ್ಲಿಸಲು ಬಂದ ಪೊಲೀಸರೇ ಮಕ್ಕಳೊಂದಿಗೆ ಆಡಿದ್ದರು!

ಮಳೆಗಾಲದಲ್ಲಿ ಕೊಳಗಳಿಗೆ ಈಜಲು ಹೋಗುವವರು ಕೊಂಚ ಎಚ್ಚರಿಕೆಯಿಂದ ಇರಬೇಕು ಎಂದು ಈ ವ್ಯಕ್ತಿಗೆ ಚಿಕಿತ್ಸೆ ನೀಡಿರುವ ಕ್ಯಾಲ್ಮೆಟ್ ಆಸ್ಪತ್ರೆಯ ವೈದ್ಯರು ಕಿವಿಮಾತು ಹೇಳಿದ್ದಾರೆ. `ಮಳೆಗಾಲದಲ್ಲಿ ನೀರಿನಲ್ಲಿ ಜಿಗಣೆ ಸೇರಿದಂತೆ ಇತರ ಕೀಟಗಳ ಸಂಖ್ಯೆ ಜಾಸ್ತಿ ಇರುತ್ತದೆ. ಹೀಗಾಗಿ, ದೇಹದಲ್ಲಿ ಸಣ್ಣ ರೀತಿಯ ನೋವು ಕಂಡು ಬಂದರೂ ತಕ್ಷಣ ವೈದ್ಯರ ಸಲಹೆ ಪಡೆದುಕೊಳ್ಳಿ' ಎಂದು ತಜ್ಞ ವೈದ್ಯರು ತಿಳಿಸಿದ್ದಾರೆ. ಚಿಕಿತ್ಸೆ ಬಳಿಕ ಈ ರೋಗಿ ಚೇತರಿಸಿಕೊಂಡಿದ್ದು, ಸದ್ಯ ಮನೆಗೆ ತೆರಳಿದ್ದಾರೆ.