Shocking News : ನೊಣವನ್ನು ಓಡಿಸಲು ಹೋಗಿ ಮನೆಯನ್ನೇ ಸುಟ್ಟ ವೃದ್ಧ...!

ಕಿಚ್ಚ ಸುದೀಪ್ ಅಭಿನಯದ, ಖ್ಯಾತ ನಿರ್ದೇಶಕ ರಾಜಮೌಳಿ ನಿರ್ದೇಶನದ `ಈಗ' ಚಿತ್ರದ ಬಗ್ಗೆ ಬಹುತೇಕ ಎಲ್ಲರಿಗೂ ಗೊತ್ತಿದೆ. ಕೊಲೆಯಾಗಿದ್ದ ಹೀರೋ ನೊಣದ ರೂಪದಲ್ಲಿ ಬಂದು ಸೇಡು ತೀರಿಸಿಕೊಳ್ಳುವ ಕತೆ ಇದು. ಹಗೆ ತೀರಿಸಲು ಬಂದಿದ್ದ ನೊಣದ ಕೋಪಕ್ಕೆ ತುತ್ತಾಗುವ ವಿಲನ್ ಪಾತ್ರವನ್ನು ತುಂಬಾ ಅಚ್ಚುಕಟ್ಟಾಗಿ ನಿರ್ವಹಿಸಿದ್ದವರು ಕಿಚ್ಚ ಸುದೀಪ್. ಈ ಕಾಡುವ ನೊಣವನ್ನು ಹಿಮ್ಮೆಟ್ಟಿಸುವ ಸಾಕಷ್ಟು ಪ್ರಯತ್ನಗಳು ಬಹುತೇಕ ಸಂದರ್ಭದಲ್ಲಿ ಈ ವಿಲನ್ ಪಾತ್ರವನ್ನೇ ಕಾಡುತ್ತದೆ. ಹೀಗಾಗಿ, ಒಂದಷ್ಟು ಅನಾಹುತಗಳೂ ಸಂಭವಿಸುತ್ತವೆ. ನೊಣದ ಕಾಟ, ಖಳಪಾತ್ರದ ಸಂಕಟ ತೆರೆ ಮೇಲೆ ಎಲ್ಲರನ್ನೂ ರಂಜಿಸಿತ್ತು.

ಸದ್ಯ ಇದೇ ರೀತಿಯ ಸನ್ನಿವೇಶವನ್ನು ನೆನಪಿಸುವಂತಹ ಘಟನೆಯೊಂದು ನಡೆದಿದೆ. ಅಂದರೆ, ನೊಣವನ್ನು ಓಡಿಸಲು ಹೋಗಿ ಇಲ್ಲೊಂದು ಕಡೆ ಮನೆಗೇ ಬೆಂಕಿ ಬಿದ್ದಿದೆ. ಆದರೆ, ಈ ನೊಣ ಸೇಡು ತೀರಿಸಲು ಬಂದದ್ದಲ್ಲ ಮತ್ತು ಈ ನೊಣವನ್ನು ಕೊಲ್ಲಲು ಹೊರಟವರು ವಿಲನ್ ಕೂಡಾ ಅಲ್ಲ...! ಅಚಾನಕ್ಕಾಗಿ ಸಂಭವಿಸಿದ ಘಟನೆ ಇದು. ಆದರೆ, `ಈಗ' ಚಿತ್ರದ ಸನ್ನಿವೇಶವನ್ನು ನೆನಪಿಸುವಂತೆಯೇ ಈ ಮನೆಯ ಒಂದಷ್ಟು ಭಾಗ ಭಸ್ಮವಾಗಿದೆ...!

Also Read : ತನ್ನ ಕಣ್ಣಿನೊಳಗೆ ತನ್ನದೇ ಬಿಂಬ...! : ಆನಿಮೇಟರ್ ಸೃಷ್ಟಿಸಿದ್ದಾರೆ ಅದ್ಭುತ...!

ಇದು ನಡೆದಿರುವುದು ಫ್ರಾನ್ಸ್‌ನಲ್ಲಿ. ಇಲ್ಲೊಬ್ಬರು 80ರ ವೃದ್ಧ ಡೋರ್ಡೋಗ್ನೆನಲ್ಲಿರುವ ತಮ್ಮ ಮನೆಯಲ್ಲಿ ಊಟಕ್ಕೆ ಸಿದ್ಧ ಮಾಡುತ್ತಿದ್ದರು. ಈ ವೇಳೆ, ನೊಣವೊಂದು ಇವರನ್ನು ಕಾಡುತ್ತಿತ್ತು. ಹೀಗಾಗಿ, ಈ ನೊಣವನ್ನು ಓಡಿಸುವ ಸಲುವಾಗಿ ಪಾಪದ ಈ ವೃದ್ಧ ಎಲೆಕ್ಟ್ರಿಕ್ ಬ್ಯಾಟನ್ನು ಬಳಸಿದ್ದರು.

Also Read : ಸೂಟ್ ಮತ್ತು ಶಾರ್ಟ್ಸ್‌ ತೊಟ್ಟು ಆನ್‌ಲೈನ್ ಮೀಟಿಂಗ್ : ನಕ್ಕು ಸುಸ್ತಾದ ಸಹೋದ್ಯೋಗಿಗಳು!

ಈ ಬ್ಯಾಟನ್ನು ಬೀಸಿದಾಗ ಕೀಟಗಳು ಸಾಯುತ್ತಿದ್ದವು. ಆದರೆ, ಈ ಕ್ಷಣದಲ್ಲಿ ಇಲ್ಲಿ ನಡೆಯಬಾರದ ಘಟನೆಯೊಂದು ನಡೆದಿತ್ತು. ಅದೇನೆಂದರೆ, ಅದ್ಹೇಗೋ ಈ ವೃದ್ಧ ಇದ್ದ ಮನೆಯ ಅಡುಗೆ ಗ್ಯಾಸ್ ಸಿಲಿಂಡರ್ ಲೀಕ್ ಆಗುತ್ತಿತ್ತು. ಇದು ಇವರಿಗೆ ಗೊತ್ತಿರಲಿಲ್ಲ. ಇವರು ಬ್ಯಾಟ್ ಬೀಸುತ್ತಾ ಮುಂದೆ ಸಾಗುತ್ತಿದ್ದಂತೆಯೇ ಗ್ಯಾಸ್‌ನಿಂದಾಗಿ ಎಲೆಕ್ಟ್ರಿಕ್ ಬ್ಯಾಟ್‌ನಲ್ಲಿ ಬೆಂಕಿ ಕಾಣಿಸಿಕೊಂಡು ಇಡೀ ಅಡುಗೆ ಮನೆಗೇ ಬೆಂಕಿ ಹೊತ್ತಿಕೊಂಡಿತ್ತು...! ಪರಿಣಾಮ, ಈ ಮನೆಯ ಅಡುಗೆ ಕೋಣೆಯ ಛಾವಣಿ ಸಂಪೂರ್ಣ ಬೆಂಕಿಗಾಹುತಿಯಾಗಿತ್ತು. ಅದೃಷ್ಟವಶಾತ್ ಈ ಘಟನೆಯಲ್ಲಿ ವೃದ್ಧ ಸಣ್ಣಪುಟ್ಟ ಗಾಯಗಳೊಂದಿಗೆ ಪಾರಾಗಿದ್ದಾರೆ. ಬಳಿಕ ಇವರನ್ನು ತಪಾಸಣೆಗಾಗಿ ಲಿಬೋರ್ನ್ ಆಸ್ಪತ್ರೆಗೆ ಕರೆದೊಯ್ಯಲಾಯಿತು.

Also Read : ಮೊಮ್ಮಗನೊಂದಿಗೆ ಕುಕೀಸ್ ತಯಾರಿಸುವ ಅಜ್ಜಿ: ಮುಂದೇನಾಯ್ತು ಗೊತ್ತಾ? : ನೋಡಿದರೆ ನಕ್ಕು ಸುಸ್ತಾಗ್ತೀರಿ!

ಆದರೆ, ಅಜ್ಜನ ಈ ಪ್ರಯತ್ನದಲ್ಲಿ ನೊಣ ಸತ್ತೋಯ್ತಾ ಇಲ್ವಾ ಗೊತ್ತಿಲ್ಲ. ಆದರೆ, ಪಾಪ ಅವರ ಮನೆ ಮಾತ್ರ ಸಾಕಷ್ಟು ಹಾನಿಗೊಳಗಾಗಿತ್ತು. ಈ ಕತೆ ಕೇಳಿ ಎಲ್ಲರೂ ಮರುಗಿದ್ದಾರೆ.