93 ರೂ ಉಳಿಸಲು ಹೋಗಿ 5,594 ರೂ ಕಳೆದುಕೊಂಡ ವ್ಯಕ್ತಿ...!

ಈ ಜಗತ್ತಿನಲ್ಲಿ ಎಂತೆಂಥ ವಿಚಿತ್ರ ಮನುಷ್ಯರೆಲ್ಲಾ ಇರುತ್ತಾರೆ ಎಂದು ಹೇಳಲು ಸಾಧ್ಯವೇ ಇಲ್ಲ. ಈತನ ಕತೆ ಕೇಳಿದ ಮೇಲಂತೂ `ಇಂಥವರೂ ಇರುತ್ತಾರಾ' ಎಂದೆನಿಸಿದರೂ ಅದು ಅಚ್ಚರಿಯಲ್ಲ...! ಈತನ ಕತೆ ಅಷ್ಟು ವಿಚಿತ್ರವಾಗಿದೆ...!

Also Read : Workout Tips: ಮನೆಯಲ್ಲೇ ಇರುವವರಿಗಾಗಿ ಬಾಹ್ಯಾಕಾಶದಿಂದ ಬಂತು ವರ್ಕೌಟ್ ಟಿಪ್ಸ್‌!

ಇದು ಯುಕೆಯಲ್ಲಿ ನಡೆದ ಘಟನೆ. ಕೊರೊನಾ ವೈರಸ್ ಹಿನ್ನೆಲೆಯಲ್ಲಿ ಇಲ್ಲಿ ಲಾಕ್‌ಡೌನ್ ಘೋಷಿಸಲಾಗಿದೆ. ಈ ಲಾಕ್‌ಡೌನ್ ನಡುವೆ ಅದೊಬ್ಬ ವ್ಯಕ್ತಿ ತನ್ನ ಕಾರಿನಲ್ಲಿ 110ಎಂಪಿಎಚ್ (110 Miles per hour) ಎಂದರೆ ಗಂಟೆಗೆ ಸುಮಾರು 177 ಕಿಲೋ ಮೀಟರ್ ವೇಗದಲ್ಲಿ ಸಾಗಿ ಬರುತ್ತಿದ್ದ. ಅತಿವೇಗದಿಂದ ಬರುತ್ತಿರುವ ಈ ಕಾರನ್ನು ಕಂಡ ಪೊಲೀಸರು ತಕ್ಷಣ ಅಡ್ಡ ಹಾಕಿದ್ದರು. ಲಾಕ್‌ಡೌನ್ ನಿಯಮ ಉಲ್ಲಂಘಿಸಿದ್ದಲ್ಲದೆ, ಓವರ್ ಸ್ಪೀಡ್‌ನಲ್ಲಿ ಬರುತ್ತಿದ್ದ ಚಾಲಕನನ್ನು ಕಂಡು ಪೊಲೀಸರು ನಖಶಿಖಾಂತ ಉರಿದು ಹೋಗಿದ್ದರು. ಜೊತೆಗೆ, `ಯಾಕಪ್ಪಾ ಇಷ್ಟು ಸ್ಪೀಡಾಗಿ ಬರುತ್ತಿದ್ದಿ' ಎಂದು ಕೊಂಚ ಸಿಟ್ಟಿನಲ್ಲೇ ಕೇಳಿದ್ದರು. ಈ ವೇಳೆ, ಈತ ನೀಡಿದ ಉತ್ತರ ಕೇಳಿ ಸ್ವತಃ ಪೊಲೀಸರೇ ಒಂದು ಕ್ಷಣ ದಂಗಾಗಿದ್ದರು...!

Also Read : ಇಂಟರ್‌ವಿವ್‌ಗೆಂದು ಹೋದವಳು ಮರಳಿದ್ದು ಶವವಾಗಿ! : 83 ವರ್ಷದಿಂದ ಕಾರಣ ನಿಗೂಢ!


ಈತ ನಾಟಿಂಗ್ಹ್ಯಾಮ್ನಿಂದ ಲಂಡನ್ ಕಡೆಗೆ ಹೀಗೆ ಅತಿ ವೇಗದಲ್ಲಿ ಸಾಗುತ್ತಿದ್ದನಂತೆ. ಕಾರಣ, ಅಲ್ಲಿ ಬ್ರೆಡ್ 1 ಪೌಂಡ್ ಅಂದರೆ ಭಾರತದ ಸುಮಾರು 93 ರೂಪಾಯಿ ಕಡಿಮೆ ಬೆಲೆಗೆ ಸಿಗುತ್ತದೆಯಂತೆ...! ಹೀಗಾಗಿ, ಲಂಡನ್‌ನಲ್ಲಿ ಬ್ರೆಡ್ ಕೊಳ್ಳಲೆಂದೇ ತಾನು ಕಾರಿನಲ್ಲಿ ಹೋಗುತ್ತಿದ್ದೆ ಎಂದು ಈತ ಪೊಲೀಸರಿಗೆ ಹೇಳಿದ್ದ. ಈತನೊಂದಿಗೆ ಕಾರಿನಲ್ಲಿ ಇಬ್ಬರು ಮಕ್ಕಳೂ ಇದ್ದರು. ಈ ಘಟನೆಯನ್ನು ಪೊಲೀಸರು ತಮ್ಮ ಟ್ವಿಟ್ಟರ್ ಖಾತೆಯಲ್ಲಿ ಹಂಚಿಕೊಂಡಿದ್ದಾರೆ.

Also Read : ಗ್ಲೌಸ್ ಧರಿಸಿಕೊಂಡು ಶಾಪಿಂಗ್ ಮಾಡುವುದು ಸುರಕ್ಷಿತವೇ? : ಇಲ್ಲಿದೆ ಶಾಕಿಂಗ್ ವಿಡಿಯೋ!

ನಾಟಿಂಗ್ಹ್ಯಾಮ್ ಮತ್ತು ಲಂಡನ್ ನಡುವೆ ಸುಮಾರು 120 ಮೈಲಿಗಿಂತಲೂ ಹೆಚ್ಚು ಅಂತರವಿದೆ...! ಇದಾದ ಬಳಿಕ ಈತನನ್ನು ಕೋರ್ಟಿಗೆ ಹಾಜರುಪಡಿಸಲಾಗಿದ್ದು, ಈತನಿಗೆ ಎರಡೆರಡು ಪ್ರಕರಣಗಳಲ್ಲಿ ದಂಡ ವಿಧಿಸಲಾಗಿದೆ. ಹೀಗಾಗಿ, ಒಟ್ಟು 60 ಪೌಂಡ್ ಅಂದರೆ ಭಾರತದ ಸುಮಾರು 5,594 ರೂ ದಂಡವನ್ನು ವಿಧಿಸಲಾಗಿದೆ.

ಇನ್ನು, ಈ ಪ್ರಕರಣದ ಬಗ್ಗೆ ನೆಟ್ಟಿಗರು ಬಗೆಬಗೆಯಾಗಿ ಕಮೆಂಟ್ ಹಾಕುತ್ತಿದ್ದಾರೆ. ಈತ ಮನೆಯಲ್ಲೇ ಬ್ರೆಡ್ ತಯಾರಿಸಿದ್ದರೂ ಇದಕ್ಕಿಂತ ಕಡಿಮೆಯಲ್ಲಿ ಖರ್ಚಾಗುತ್ತಿತ್ತು ಎಂದು ಒಬ್ಬರು ಕಿಚಾಯಿಸಿದ್ದಾರೆ.