ಅಬ್ಬಬಾ...! 17 ಅಡಿ ಉದ್ದದ ಅನಕೊಂಡವನ್ನು ನೀರಿನಿಂದ ಎಳೆಯಲು ಯತ್ನಿಸಿದ ವ್ಯಕ್ತಿ!

ಅನಕೊಂಡ ಎಂದ ತಕ್ಷಣ ಎಲ್ಲರ ಮನಸ್ಸಿನಲ್ಲೂ ಬೃಹತ್ ಹಾವಿನ ಕಲ್ಪನೆ ಮೂಡುತ್ತದೆ... ಸಿನೆಮಾದಲ್ಲಿ ಕಂಡ ದೃಶ್ಯಗಳೂ ಕಣ್ಣ ಮುಂದೆ ಸುಳಿದಂತಾಗುತ್ತದೆ. ಸದ್ಯ ಅಂತಹದ್ದೇ ಥೇಟ್ ಸಿನೆಮಾದ ದೃಶ್ಯದಂತೆಯೇ ಇರುವ ವಿಡಿಯೋವೊಂದು ಸೋಶಿಯಲ್ ಮೀಡಿಯಾದಲ್ಲಿ ವೈರಲ್ ಆಗುತ್ತಿದೆ. ಈ ದೃಶ್ಯವನ್ನು ಕಂಡಾಗ ಒಂದು ಕ್ಷಣ ಎದೆ ನಡುಗಿದಂತಾಗುವುದು ಪಕ್ಕಾ...!

ಅದೊಂದು ನದಿ. ಆ ನದಿಯಲ್ಲಿ ಸಾಗುತ್ತಿರುವ ಬೋಟ್‌ನಲ್ಲಿದ್ದ ವ್ಯಕ್ತಿಯೊಬ್ಬರು ಹಾವೊಂದನ್ನು ಬಾಲದಲ್ಲಿ ಹಿಡಿದು ಮೇಲಕ್ಕೆ ಎತ್ತಲು ಪ್ರಯತ್ನಿಸುತ್ತಿದ್ದಾರೆ. ಆದರೆ ಅದು ಸಾಧ್ಯವಾಗುತ್ತಿಲ್ಲ... ಹಾಗಂತ, ಇದು ಸಾಮಾನ್ಯ ಹಾವಲ್ಲ... ಅನಕೊಂಡ...! ಪ್ರಖ್ಯಾತ ಆಂಗ್ಲ ಮಾಧ್ಯಮದ ವರದಿ ಪ್ರಕಾರ ಇದು ಬ್ರೆಜಿಲ್‌ನಲ್ಲಿ ಸೆರೆಯಾದ ದೃಶ್ಯವಂತೆ. ಮೂವರು ಬೋಟ್‌ನಲ್ಲಿ ಸಾಗುತ್ತಿದ್ದಾಗ ಈ ಅನಕೊಂಡ ಕಾಣಿಸಿಕೊಂಡಿದ್ದು, ತಕ್ಷಣ ವ್ಯಕ್ತಿಯೊಬ್ಬರನ್ನು ಅದನ್ನು ಹಿಡಿಯಲು ಯತ್ನಿಸಿದ್ದಾರೆ. ಆದರೆ, ಹಾವು ಪ್ರಯಾಸಪಟ್ಟು ನೀರಿನಲ್ಲಿ ಸಾಗುವ ದೃಶ್ಯವೂ ಕ್ಯಾಮೆರಾದಲ್ಲಿ ಸೆರೆಯಾಗಿದೆ.

Also Read : ಈ ಚಿತ್ರದಲ್ಲಿ ಇರುವ ಹೆಬ್ಬಾವು ಎಲ್ಲಿದೆ ಅಂತ ಪತ್ತೆ ಹಚ್ಚುತ್ತೀರಾ...?

ಕಳೆದೆರಡು ದಿನಗಳಿಂದ ಈ ವಿಡಿಯೋ ಸೋಶಿಯಲ್ ಮೀಡಿಯಾದಲ್ಲಿ ಭಾರೀ ವೈರಲ್ ಆಗುತ್ತಿದೆ. ಆದರೆ, ಲಭ್ಯ ಮಾಹಿತಿ ಪ್ರಕಾರ ಇದು ಈಗಿನ ವಿಡಿಯೋ ಅಲ್ಲ. 2014ರಲ್ಲಿ ಸೆರೆಹಿಡಿದ ದೃಶ್ಯ ಇದಂತೆ. ಸಾಂತಾ ಮಾರಿಯಾ ನದಿಯಲ್ಲಿ ಬೋಟ್‌ನಲ್ಲಿ ಸಾಗುತ್ತಿದ್ದಾಗ ಸಿರ್ಲಿ ಒಲಿವೆರಾ, ಇವರ ಪತಿ ಬೆಟಿನ್ಹೋ ಬೊರ್ಗೆಸ್ ಮತ್ತು ಸ್ನೇಹಿತ ರೊಡ್ರಿಗೋ ಸ್ಯಾಂಟೋಸ್ ಸುಮಾರು 17 ಅಡಿ ಉದ್ದದ ಈ ಅನಕೊಂಡವನ್ನು ಕಂಡಿದ್ದರು. ಈ ವೇಳೆ, ಬೋರ್ಗೆಸ್ ಹಾವನ್ನು ಹಿಡಿಯಲು ಯತ್ನಿಸಿದ್ದರು. ಆಗ `ಹಾವನ್ನು ಬಿಡಿ.. ಓ ದೇವರೇ' ಎಂದು ಸಿರ್ಲಿ ಒಲಿವೆರಾ ಭಯದಲ್ಲಿ ಕಿರುಚಾಡುವ ಆಡಿಯೋ ಕೂಡಾ ಈ ವಿಡಿಯೋದಲ್ಲಿ ಸೆರೆಯಾಗಿದೆ.

Also Read : ಸಿಗದ ಆಹಾರ... ಪಟ್ಟಣಕ್ಕೆ `ದಾಳಿ' ಮಾಡುತ್ತಿವೆ ಕೋತಿಗಳು...! : ಇದು ಮನಕಲಕುವ ಕತೆ

ಇದು ಹಳೆಯ ವಿಡಿಯೋ ಆದರೂ ಸದ್ಯ ಈ ವಿಡಿಯೋ ನೆಟ್ಟಿಗರ ಗಮನ ಸೆಳೆದಿದೆ. ಎಲ್ಲರೂ ಬಲು ಅಚ್ಚರಿಯಿಂದ ಈ ವಿಡಿಯೋ ನೋಡಿದ್ದಾರೆ. ಆದರೆ, ಕೆಲವರು ಪ್ರಾಣಿ, ಸರಿಸೃಪಗಳೊಂದಿಗೆ ಇಂತಹ ಚೆಲ್ಲಾಟ ಸರಿಯಲ್ಲ ಎಂದು ಖಾರವಾಗಿಯೇ ಪ್ರತಿಕ್ರಿಯೆ ನೀಡಿದ್ದಾರೆ.

Also Read : ಶೋರೂಮ್‌ನಿಂದ ಹೊರಬಂದ 20 ನಿಮಿಷದಲ್ಲಿ ಹೊಸ ಲ್ಯಾಂಬೋರ್ಗಿನಿ ನಜ್ಜುಗುಜ್ಜು!

ನಿಜಕ್ಕೂ ಈ ವಿಡಿಯೋವನ್ನು ಕಂಡಾಗ ಒಂದು ಕ್ಷಣ ದಿಗಿಲಾಗುತ್ತದೆ. ಇನ್ನು, ಈ ಘಟನೆ ನಡೆದಂತಹ ಸಂದರ್ಭದಲ್ಲಿ ಮ್ಯಾಟೊ ಗ್ರೊಸೊ ಡೊ ಸುಲ್ ರಾಜ್ಯದ ಪೊಲೀಸರು ಈ ಗುಂಪಿಗೆ ದಂಡ ವಿಧಿಸಿದ್ದರು ಎಂದು ಗೊತ್ತಾಗಿದೆ.