ಮೀನಿಗೆ ಆಹಾರ ಕೊಡಲು ಕೈ ಹಾಕಿದಾಗ ಈಜುತ್ತಾ ಬಂದಿತ್ತು ಹಾವು...!

ಹಾವು ಎಂದರೆ ಎಲ್ಲರಿಗೂ ಭಯ ಇದ್ದದ್ದೇ. ದೂರದಲ್ಲಿ ಹಾವಿದ್ದರೂ ಒಂದು ಕ್ಷಣ ಭಯದಲ್ಲಿ ಮೈಜುಂ ಎನ್ನುತ್ತದೆ. ವಿಷಕಾರಿಯಾಗಲಿ, ವಿಷವಿಲ್ಲದ ಹಾವಾಗಲಿ, ಸಾಮಾನ್ಯವಾಗಿ ಹಾವನ್ನು ಕಂಡರೆ ಬಹುತೇಕರು ಭಯಗೊಳ್ಳುತ್ತಿದ್ದಾರೆ. ಅಂತಹದರಲ್ಲಿ ಯಾವುದಾದರೂ ಕೊಳದ ನೀರಿಗೆ ಕೈ ಹಾಕಿದಾಗ ಮೀನಿನ ಬದಲು ಹಾವು ಬಂದರೆ ಪರಿಸ್ಥಿತಿ ಹೇಗಿರುತ್ತದೆ...? ಖಂಡಿತಾ ಇಂತಹ ದೃಶ್ಯವನ್ನು ಊಹೆ ಮಾಡುವಾಗಲೇ ಭಯವಾಗುತ್ತದೆ. ಸದ್ಯ ಇಂತಹದ್ದೇ ಒಂದು ವಿಡಿಯೋ ವೈರಲ್ ಆಗುತ್ತಿದೆ.

Also Read : ರೊಮ್ಯಾಂಟಿಕ್ ಆಗಿ ಪ್ರಪೋಸ್ ಮಾಡಲು ಹೋಗಿ ತನ್ನ ಮನೆಯಲ್ಲೇ ಅಗ್ನಿ ದುರಂತಕ್ಕೆ ಕಾರಣವಾದ ಪ್ರಿಯಕರ!

ಆ ವ್ಯಕ್ತಿ ಮೀನಿಗೆ ಆಹಾರ ಕೊಡಲೆಂದು ಕೊಳಕ್ಕೆ ತಮ್ಮ ಕೈಯನ್ನು ಇಳಿಸಿದ್ದರು. ಆಹಾರ ಕಂಡೊಡನೆ ಮೀನುಗಳೂ ಓಡೋಡಿ ಬಂದು ತಿಂದಿದ್ದವು. ಹೀಗಾಗಿ, ಇನ್ನಷ್ಟು ಉತ್ಸುಕಗೊಂಡ ಆ ವ್ಯಕ್ತಿ ಅದೇ ಉತ್ಸಾಹದಲ್ಲಿ ನಿರಾತಂಕವಾಗಿ ಮೀನಿಗೆ ಆಹಾರ ಕೊಡುತ್ತಿದ್ದರು. ಇದಾಗಿ ಅರೆಕ್ಷಣ ಆಗಿತ್ತಷ್ಟೇ ಆ ವ್ಯಕ್ತಿಯ ಇನ್ನೊಂದು ಕೈ ಪಕ್ಕದಲ್ಲಿ ಹಾವೊಂದು ಸುಳಿದಾಡಿತ್ತು...! ಮೀನಿನ ಬದಲು ಹಾವನ್ನು ನೋಡಿ ಆ ವ್ಯಕ್ತಿಯೂ ಒಂದು ಕ್ಷಣ ಹೌಹಾರಿದ್ದರು. ಜೊತೆಗೆ, ಭಯದಲ್ಲಿ ತಕ್ಷಣ ಅಲ್ಲಿಂದ ಎದ್ದಿದ್ದರು.

Also Read : ರೋಲರ್ ಕೋಸ್ಟರ್‌ನಲ್ಲಿ ಕುಳಿತುಕೊಳ್ಳಲೆಂದೇ ತೂಕ ಇಳಿಸಿಕೊಂಡ ವ್ಯಕ್ತಿ!

ಅನಿರೀಕ್ಷಿತವಾಗಿ ಎದುರಾಗಿದ್ದ ಈ ಸನ್ನಿವೇಶ ಮೀನಿಗೆ ಆಹಾರ ಕೊಡುತ್ತಿದ್ದ ವ್ಯಕ್ತಿಯನ್ನೂ ದಿಗಿಲುಗೊಳ್ಳುವಂತೆ ಮಾಡಿತ್ತು. ಸದ್ಯ ಈ ವಿಡಿಯೋ ರೆಡ್ಡಿಟ್‌ನಲ್ಲಿ ಅಪ್ಲೋಡ್ ಆಗಿದೆ. ಈ ವಿಡಿಯೋ ನೋಡಿದ ಎಲ್ಲರೂ ಒಂದು ಕ್ಷಣ ಬೆಚ್ಚಿಬಿದ್ದಿದ್ದಾರೆ.

ಈ ವಿಡಿಯೋಗಾಗಿ ಇಲ್ಲಿ ಕ್ಲಿಕ್ ಮಾಡಿ : Click Here

Also Read : ಮರದ ಬುಡದಲ್ಲಿ ಕುಳಿತು ತೂಕಡಿಸಿದ ಕೋತಿ : ಶಾಲಾ ದಿನಗಳನ್ನು ನೆನಪಿಸಿಕೊಂಡ ನೆಟ್ಟಿಗರು!

ಆದರೆ, ಕೆಲವರು ನೀರಿನ ಹಾವುಗಳು ವಿಷಕಾರಿಯಲ್ಲ ಎಂದು ಹೇಳಿಕೊಂಡಿದ್ದಾರೆ. ಇನ್ನು ಕೆಲವರು ಹಾವನ್ನು ಕಂಡ ತಕ್ಷಣ ಈ ವ್ಯಕ್ತಿ ನಿಧಾನವಾಗಿ ಪ್ರತಿಕ್ರಿಯಿಸಿದ್ದು ಯಾಕೆ ಎಂದು ಪ್ರಶ್ನಿಸಿದ್ದಾರೆ. ಹೀಗೆ ನೆಟ್ಟಿಗರ ಚರ್ಚೆಯ ನಡುವೆ ಈ ವಿಡಿಯೋ ವೈರಲ್ ಆಗುತ್ತಿದೆ. ಈ ಹಾವು ವಿಷಕಾರಿಯೋ, ಅಲ್ಲವೋ ಎಂಬುದು ಬೇರೆ ಚರ್ಚೆಯ ವಿಷಯ. ಆದರೆ, ಅನಿರೀಕ್ಷಿತವಾಗಿ ಹಾವು ದಿಢೀರ್ ಕಾಣಿಸಿಕೊಂಡರೆ ಒಂದು ಕ್ಷಣ ಎಂತಹ ಧೈರ್ಯವಂತನೂ ಬೆಚ್ಚಿ ಬೀಳುವುದು ಸಹಜ.