ವಾಹನದಲ್ಲೇ ವಾಸ... ಸಾಕಿರುವ 300 ಇಲಿಗಳೇ ಸಂಗಾತಿಗಳು...!

ಕೆಲವೊಮ್ಮೆ ಬದುಕು ತುಂಬಾ ಸಂದಿಗ್ಧವಾಗುತ್ತದೆ. ಕಷ್ಟ ಎಂಬುದು ನಮ್ಮ ಮನೆ ಬಿಟ್ಟು ಹೋಗುವುದೇ ಇಲ್ಲ. ಈ ಮಹಿಳೆಯೂ ಹಾಗೆಯೇ ಕಷ್ಟದ ಬದುಕನ್ನೇ ಕಂಡವಳು. ಮನೆ ಇರಲಿಲ್ಲ. ವಾಸಕ್ಕೇನಾದರೂ ಬೇಕಲ್ವಾ...? ಹೀಗಾಗಿ, ವಾಹನವೊಂದರಲ್ಲಿ ಈಕೆ ವಾಸವಾಗಿದ್ದಳು. ಅದೇ ಆಕೆಯ ಮನೆಯೂ ಆಗಿತ್ತು.

ಹೀಗೆ ವಾಹನದಲ್ಲಿ ಬದುಕು ಸವೆಸುವ ದೃಶ್ಯ ಹೊಸದೇನು ಅಲ್ಲ. ಆದರೆ, ಈಕೆ ವಿಶೇಷವಾಗಿ ಗಮನ ಸೆಳೆದದ್ದು ತನ್ನ ವಿಲಕ್ಷಣ ವ್ಯಕ್ತಿತ್ವದ ಮೂಲಕ. ಈಕೆ ಮನುಷ್ಯರ ಜೊತೆ ವಾಸಿಸುತ್ತಿರಲ್ಲ. ಈಕೆಯ ವಾಸವೇನಿದ್ದರೂ ಇಲಿಗಳ ಜೊತೆ. ಅದೂ ಬರೋಬ್ಬರಿ 300ರಷ್ಟು ಮೂಷಿಕಗಳು ಈಕೆಯ ಸಂಗಾತಿಗಳು...!


ಹೀಗೆ ಇಲಿಗಳನ್ನೇ ಸಂಗಾತಿಗಳು, ಕುಟುಂಬಸ್ಥರು, ಗೆಳೆಯರಂತೆ ನೋಡುತ್ತಿದ್ದ ಆ ಮಹಿಳೆಯ ಹೆಸರು ಕಾರ್ಲಾ. ಆರಂಭದಲ್ಲಿ ಈಕೆಯೊಂದಿಗೆ ಇದ್ದ ಇಲಿಗಳು ಬರೀ ಎರಡು. ಅಕೋಬ್ ಮತ್ತು ರಾಚಲ್ ಎಂಬ ಹೆಸರಿನ ಈ ಎರಡು ಇಲಿಗಳನ್ನು ಕಾರ್ಲಾ ತನ್ನ ವಾಹನದಲ್ಲಿ ಗೂಡಿನೊಳಗಿಟ್ಟು ಸಾಕುತ್ತಿದ್ದಳು. ದಿನ ಕಳೆದಂತೆ ಈ ಇಲಿಗಳ ಸಂಖ್ಯೆ ಹೆಚ್ಚಾಗಿ 300ರ ಗಡಿ ದಾಟಿದೆ.

Also Read : ದರೋಡೆಗೆಂದು ಬಂದವ ಮಹಿಳೆಯ ಹಣೆಗೆ ಮುತ್ತಿಟ್ಟು `ಭಯ ಪಡಬೇಡಿ' ಎಂದಿದ್ದ...! : ಇಲ್ಲಿದೆ ವಿಡಿಯೋ

ಈ ವಿಷಯ ಸ್ಯಾನ್ ಡಿಯಾಗೋ ಹ್ಯೂಮನ್ ಸೊಸೈಟಿ ಎಂಬ ಎನ್‌ಜಿಓಗೆ ಗೊತ್ತಾಯ್ತು. ಇದೊಂದು ಪ್ರಾಣಿಗಳ ಸಂರಕ್ಷಣೆಯ ಉದ್ದೇಶದಿಂದ ಸ್ಥಾಪನೆಯಾದ ಸರ್ಕಾರೇತರ ಸಂಸ್ಥೆ. ಹೀಗಾಗಿ, ಈ ಎನ್‌ಜಿಓದ ಸದಸ್ಯರು ಕಾರ್ಲಾ ವಾಸವಾಗಿದ್ದ ವಾಹನದ ಬಳಿಗೆ ಬಂದಾಗ ಸುಮಾರು ನೂರಕ್ಕೂ ಅಧಿಕ ಇಲಿಗಳು ಅತ್ತಿಂದಿತ್ತ ಓಡಾಡುತ್ತಿದ್ದ ದೃಶ್ಯ ಕಂಡು ಬಂದಿತ್ತು. ತಕ್ಷಣ ಈ ಸದಸ್ಯರು ಈ ಇಲಿಗಳನ್ನು ವಶಕ್ಕೆ ಪಡೆದು ಸುರಕ್ಷಿತ ಸ್ಥಳದಲ್ಲಿ ಪುರ್ನವಸತಿ ಕಲ್ಪಿಸಿದ್ದಾರೆ.

Also Read : ವ್ಹಾವ್... ಅದೆಂಥಾ ಸಾಹಸ... : ಇಲ್ಲಿದೆ ಅದ್ಭುತ ವಿಡಿಯೋ

ಸದ್ಯದ ಮಾಹಿತಿ ಪ್ರಕಾರ ಸ್ಥಳೀಯರು ಈಗ ಕಾರ್ಲಾ ಕಷ್ಟಕ್ಕೆ ಸ್ಪಂದಿಸಿದ್ದಾರೆ. ಈಕೆಗೋಸ್ಕರ ಒಂದಷ್ಟು ಧನ ಸಹಾಯವನ್ನೂ ಮಾಡಿದ್ದಾರೆ. `ಗೋ ಫಂಡ್ ಮಿ' ಎಂಬ ಪೇಜ್ ತೆರೆದು ವ್ಯಕ್ತಿಯೊಬ್ಬರು ಒಂದಷ್ಟು ಹಣ ಸಂಗ್ರಹಿಸಿ ಈಕೆಗೆ ಕೊಟ್ಟಿದ್ದಾರೆ.

Also Read : ಅಪೂರ್ವ ಸಂಗಮ : ಮೃತಪಟ್ಟಿದ್ದ ಎಂದು ತಿಳಿದಿದ್ದ ಮಗ 29 ವರ್ಷಗಳ ಬಳಿಕ ಸಿಕ್ಕಿದ್ದ...!

ಕಾರ್ಲಾ ಈ ಇಲಿಗಳನ್ನು ಚೆನ್ನಾಗಿಯೇ ನೋಡಿಕೊಳ್ಳುತ್ತಿದ್ದಳು. ಈ ನಡುವೆ, ಇಲಿಗಳ ಸಂಖ್ಯೆ ಜಾಸ್ತಿಯಾಗುತ್ತಿದ್ದಂತೆಯೇ ಈಕೆಗೆ ಸಾಕುವುದು ಕಷ್ಟವಾಗಿತ್ತು. ಹೀಗಾಗಿ, ಈಕೆ ಸ್ಯಾನ್ ಡಿಯಾಗೋ ಹ್ಯೂಮನ್ ಸೊಸೈಟಿ ಮೊರೆ ಹೋಗಿದ್ದಳು. ಇಲಿಗಳ ರಕ್ಷಣೆಗೆ ಸಹಾಯ ಮಾಡುವಂತೆ ಅಂಗಲಾಚಿದ್ದಳು. ಇದೇ ಕಾರಣಕ್ಕೆ ಅಲ್ಲಿದ್ದ ಇಲಿಗಳನ್ನು ಹಿಡಿದು ಸ್ಯಾನ್ ಡಿಯಾಗೋ ಹ್ಯೂಮನ್ ಸೊಸೈಟಿ ಸದಸ್ಯರು ರಕ್ಷಣೆ ಮಾಡಿದ್ದಾರೆ.

ಎಂತಹ ವಿಚಿತ್ರ ಬದುಕಲ್ವಾ...? ಇಲಿಗಳೆಂದರೆ ಎಲ್ಲರೂ ಓಡಿ ಹೋಗುವಾಗ ಕಾರ್ಲಾಗೆ ಇಲಿಗಳೇ ಸಂಗಾತಿಗಳಾಗಿವೆ. ಬದುಕಿನ ಕಷ್ಟಗಳು ವಿಚಿತ್ರ ಅನುಭವಗಳನ್ನು ಕೊಡುತ್ತವೆ ಎಂಬುದು ಇದಕ್ಕೇ ಇರಬೇಕು...