ಪ್ಯಾರಾಗ್ಲೈಡಿಂಗ್ ವೇಳೆ ಆಕಾಶದಲ್ಲೇ ತುಂಡಾದ ಪ್ಯಾರಚೂಟ್ ರೋಪ್...! : ಎದೆ ನಡುಗಿಸುವಂತಿದೆ ವೀಡಿಯೋ...!
ಎಲ್ಲರಿಗೂ ಪ್ಯಾರಾಗ್ಲೈಡಿಂಗ್ ಮಾಡಬೇಕೆಂಬ ಆಸೆ ಇದ್ದೇ ಇರುತ್ತದೆ. ಬಹುತೇಕ ಸಂದರ್ಭದಲ್ಲಿ ಇದು ಖುಷಿಯಲ್ಲೇ ಮುಗಿಯುತ್ತದೆ. ಒಂದೊಮ್ಮೆ ಅದೃಷ್ಟ ಕೈಕೊಟ್ಟಿತು ಎಂದಿಟ್ಟುಕೊಳ್ಳಿ, ಅಲ್ಲಾಗುವುದು ಅನಾಹುತವೇ...!
Vijaya Karnataka Web 2 Nov 2019, 2:16 pm
ಸಾಹಸಯಾನವನ್ನು ಪ್ರತಿಯೊಬ್ಬರೂ ಇಷ್ಟಪಡುತ್ತಾರೆ. ವಿದೇಶ ಪ್ರವಾಸಕ್ಕೆಲ್ಲಾ ಹೋದಂತಹ ಸಂದರ್ಭದಲ್ಲಿ ಸ್ಕೈ ಡೈವಿಂಗ್, ಪ್ಯಾರಾ ಗ್ಲೈಡಿಂಗ್ ಮಾಡುವುದು ಕಾಮನ್. ಅದೇ ರೀತಿ ಟರ್ಕಿಯಲ್ಲಿ ಡ್ಯಾನಿಶ್ ಮಹಿಳೆಯೊಬ್ಬರು ಪ್ಯಾರಾಗ್ಲೈಡಿಂಗ್ ಮಾಡಿದ್ದರು. ಎಲ್ಲವೂ ಖುಷಿಖುಷಿಯಲ್ಲೇ ಸಾಗಿತ್ತು. ಆದರೆ, ಇವರು ಆಗಸದಲ್ಲಿ ಅರ್ಧಕ್ಕೇರಿದಾಗ ಪರಿಸ್ಥಿತಿ ತೀರಾ ಭಯಾನಕವಾಗಿತ್ತು...!
ಟರ್ಕಿಯ ಅಲನ್ಯಾದಲ್ಲಿ ಡ್ಯಾನಿಶ್ನ ಈ ಮಹಿಳೆ ಮೊದಲ ಬಾರಿ ಪ್ಯಾರಾಗ್ಲೈಡಿಂಗ್ ಸಾಹಸಯಾನಕ್ಕೆ ಮನಸ್ಸು ಮಾಡಿದ್ದರು. ಇವರಿಗೆ ಪೈಲಟ್ ಒಬ್ಬರು ಜೊತೆಯಾಗಿದ್ದರು. ಎಲ್ಲಾ ಸುರಕ್ಷತಾ ಕ್ರಮಗಳನ್ನು ಖಚಿತಪಡಿಸಿಕೊಂಡ ಬಳಿಕವೇ ಇವರ ಯಾನ ಶುರುವಾಗಿತ್ತು. ಮಹಿಳೆ ಕೂಡಾ ಈ ಸಾಹಸವನ್ನು ಎಂಜಾಯ್ ಮಾಡುತ್ತಿದ್ದರು.
ವೀಡಿಯೋದಲ್ಲಿ ಈ ಮಹಿಳೆ ಸಾಹಸವನ್ನು ತುಂಬಾ ಸಂಭ್ರಮಿಸುವ ದೃಶ್ಯವಿದೆ. ನಗುನಗುತ್ತಲೇ ಇವರು ಆಗಸವನ್ನು ಏರಿದ್ದರು. ಅಲನ್ಯಾದ ಪಕ್ಷಿನೋಟವನ್ನು ಅವರು ಸಖತ್ ಎಂಜಾಯ್ ಮಾಡುತ್ತಿದ್ದದ್ದು ಅವರ ಖುಷಿಯಲ್ಲೇ ಕಾಣುತ್ತಿತ್ತು. `ನಾನೀಗ ತುಂಬಾ ಖುಷಿಯಾಗಿದ್ದೇನೆ' ಎಂದೂ ಮಹಿಳೆ ಹೇಳುತ್ತಾರೆ... ಅಲ್ಲಿ ತನಕ ಎಲ್ಲವೂ ಸರಿಯಾಗಿತ್ತು... ಆದರೆ, ಹಾರಾಟದ ವೇಳೆಯೇ ಪ್ರಮುಖ ಪ್ಯಾರಾಚೂಟ್ನ ತಂತಿ ತುಂಡಾಗಿತ್ತು. ಪರಿಣಾಮ, ಪ್ಯಾರಾಚೂಟ್ ತೆರೆದುಕೊಳ್ಳಲೇ ಇಲ್ಲ...!
ಇಬ್ಬರಿಗೂ ಒಂದು ಕ್ಷಣ ಭಯವಾಗಿತ್ತು. ಎಲ್ಲರೂ ಭೀತಿಗೊಳ್ಳುವ ವಾತಾವರಣವಿದು. ಕೊನೆಗೆ ಪೈಲಟ್ ತುರ್ತು ಸಾಧನಗಳನ್ನು ಬಳಸಿ ಸಮುದ್ರಕ್ಕೆ ಜಿಗಿದಿದ್ದರು.
ಸದ್ಯದ ಮಾಹಿತಿ ಪ್ರಕಾರ ಈ ದುರಂತದ ಬಳಿಕವೂ ಮಹಿಳೆ ಧೈರ್ಯವಾಗಿದ್ದರಂತೆ... ಹೀಗಾಗಿ, ಇವರನ್ನು ಮೆಚ್ಚಬೇಕಾಗಿದ್ದೆ... ಜೊತೆಗೆ, ಯಾವುದೇ ದೊಡ್ಡ ಅನಾಹುತವಾಗದೆ ಇಬ್ಬರೂ ಸುರಕ್ಷಿತವಾಗಿ ಮರಳಿದ್ದೂ ಎಲ್ಲರಲ್ಲೂ ಖುಷಿ ತಂದಿದೆ.
ಟರ್ಕಿಯ ಅಲನ್ಯಾದಲ್ಲಿ ಡ್ಯಾನಿಶ್ನ ಈ ಮಹಿಳೆ ಮೊದಲ ಬಾರಿ ಪ್ಯಾರಾಗ್ಲೈಡಿಂಗ್ ಸಾಹಸಯಾನಕ್ಕೆ ಮನಸ್ಸು ಮಾಡಿದ್ದರು. ಇವರಿಗೆ ಪೈಲಟ್ ಒಬ್ಬರು ಜೊತೆಯಾಗಿದ್ದರು. ಎಲ್ಲಾ ಸುರಕ್ಷತಾ ಕ್ರಮಗಳನ್ನು ಖಚಿತಪಡಿಸಿಕೊಂಡ ಬಳಿಕವೇ ಇವರ ಯಾನ ಶುರುವಾಗಿತ್ತು. ಮಹಿಳೆ ಕೂಡಾ ಈ ಸಾಹಸವನ್ನು ಎಂಜಾಯ್ ಮಾಡುತ್ತಿದ್ದರು.
ವೀಡಿಯೋದಲ್ಲಿ ಈ ಮಹಿಳೆ ಸಾಹಸವನ್ನು ತುಂಬಾ ಸಂಭ್ರಮಿಸುವ ದೃಶ್ಯವಿದೆ. ನಗುನಗುತ್ತಲೇ ಇವರು ಆಗಸವನ್ನು ಏರಿದ್ದರು. ಅಲನ್ಯಾದ ಪಕ್ಷಿನೋಟವನ್ನು ಅವರು ಸಖತ್ ಎಂಜಾಯ್ ಮಾಡುತ್ತಿದ್ದದ್ದು ಅವರ ಖುಷಿಯಲ್ಲೇ ಕಾಣುತ್ತಿತ್ತು. `ನಾನೀಗ ತುಂಬಾ ಖುಷಿಯಾಗಿದ್ದೇನೆ' ಎಂದೂ ಮಹಿಳೆ ಹೇಳುತ್ತಾರೆ... ಅಲ್ಲಿ ತನಕ ಎಲ್ಲವೂ ಸರಿಯಾಗಿತ್ತು... ಆದರೆ, ಹಾರಾಟದ ವೇಳೆಯೇ ಪ್ರಮುಖ ಪ್ಯಾರಾಚೂಟ್ನ ತಂತಿ ತುಂಡಾಗಿತ್ತು. ಪರಿಣಾಮ, ಪ್ಯಾರಾಚೂಟ್ ತೆರೆದುಕೊಳ್ಳಲೇ ಇಲ್ಲ...!
ಇಬ್ಬರಿಗೂ ಒಂದು ಕ್ಷಣ ಭಯವಾಗಿತ್ತು. ಎಲ್ಲರೂ ಭೀತಿಗೊಳ್ಳುವ ವಾತಾವರಣವಿದು. ಕೊನೆಗೆ ಪೈಲಟ್ ತುರ್ತು ಸಾಧನಗಳನ್ನು ಬಳಸಿ ಸಮುದ್ರಕ್ಕೆ ಜಿಗಿದಿದ್ದರು.
ಸದ್ಯದ ಮಾಹಿತಿ ಪ್ರಕಾರ ಈ ದುರಂತದ ಬಳಿಕವೂ ಮಹಿಳೆ ಧೈರ್ಯವಾಗಿದ್ದರಂತೆ... ಹೀಗಾಗಿ, ಇವರನ್ನು ಮೆಚ್ಚಬೇಕಾಗಿದ್ದೆ... ಜೊತೆಗೆ, ಯಾವುದೇ ದೊಡ್ಡ ಅನಾಹುತವಾಗದೆ ಇಬ್ಬರೂ ಸುರಕ್ಷಿತವಾಗಿ ಮರಳಿದ್ದೂ ಎಲ್ಲರಲ್ಲೂ ಖುಷಿ ತಂದಿದೆ.