11 ವರ್ಷದ ಬಾಲಕನ ಮೂತ್ರಕೋಶದೊಳಗಿತ್ತು 20 ಮ್ಯಾಗ್ನೆಟಿಕ್ ಬಾಲ್‌ಗಳು...!

ಮೊನ್ನೆಯಷ್ಟೇ ಯುವಕನೊಬ್ಬನ ಮೂತ್ರಕೋಶದಲ್ಲಿ ಮೊಬೈಲ್ ಫೋನ್ ಚಾರ್ಜರ್ ಕೇಬಲ್‌ನ್ನು ವೈದ್ಯರು ಹೊರ ತೆಗೆದಿದ್ದ ಸುದ್ದಿ ಎಲ್ಲರನ್ನೂ ದಂಗು ಬಡಿಸಿತ್ತು. ಅಸ್ಸಾಂನ ಗುವಾಹಟಿಯಲ್ಲಿ ಈ ಘಟನೆ ನಡೆದಿತ್ತು. ತನ್ನ ಲೈಂಗಿಕ ಬಯಕೆಯನ್ನು ತೀರಿಸಿಕೊಳ್ಳಲು ತನ್ನ ಜನನಾಂಗದ ಮೂಲಕ ಈ ಕೇಬಲನ್ನು ಹಾಕಿಕೊಳ್ಳುವ ವಿಚಿತ್ರ ಹವ್ಯಾಸವನ್ನು ಈ ಯುವಕ ಹೊಂದಿದ್ದ. ಆದರೆ, ಆಕಸ್ಮಿಕವಾಗಿ ಈ ಕೇಬಲ್ ಮೂತ್ರಕೋಶ ಸೇರಿತ್ತು. ಇದೀಗ ಇದೇ ರೀತಿಯ ಇನ್ನೊಂದು ಘಟನೆ ನಡೆದಿದೆ. ಇದು ನಡೆದಿರುವುದು ಚೀನಾದಲ್ಲಿ... ಇಲ್ಲಿ 11 ವರ್ಷದ ಬಾಲಕನೊಬ್ಬನ ಮೂತ್ರಕೋಶದಿಂದ ಸುಮಾರು 20 ಮ್ಯಾಗ್ನೆಟಿಕ್ ಬಾಲ್‌ಗಳನ್ನು ವೈದ್ಯರು ಹೊರತೆಗೆದಿದ್ದಾರೆ...!

Also Read : ಯುವಕನ ಮೂತ್ರಕೋಶದಲ್ಲಿತ್ತು ಮೊಬೈಲ್ ಫೋನ್ ಚಾರ್ಜರ್‌ನ ಕೇಬಲ್...!

ದಕ್ಷಿಣ ಚೀನಾದ ಡಾಂಗ್ಗುವಾನ್ ಎಂಬಲ್ಲಿ ನಡೆದ ಘಟನೆ ಇದು. `ಬಕಿಬಾಲ್ಸ್‌' ಎಂಬ ಮ್ಯಾಗ್ನೆಟ್ ಆಟಿಕೆಗಳನ್ನು ಈ ಬಾಲಕ ತನ್ನ ಶಿಶ್ನದ ಮೂಲಕ ಒಳಗೆ ಹಾಕಿಕೊಂಡಿದ್ದ. ಇದಾದ ಬಳಿಕ ಈತನಲ್ಲಿ ತೀವ್ರ ನೋವು ಕಾಣಿಸಿಕೊಂಡಿತ್ತು. ಆದರೆ, ಈ ವಿಷಯವನ್ನು ಬಾಲಕ ಪೋಷಕರ ಬಳಿ ಹೇಳಿಕೊಳ್ಳಲು ಹೆದರಿದ್ದ. ಹೀಗಾಗಿ, ಒಂದು ವಾರದಿಂದ ಈತ ನೋವು ತಿನ್ನುತ್ತಿದ್ದ. ದಿನಕಳೆದಂತೆ ವಿಪರೀತ ನೋವು ಕಾಣಿಸಿಕೊಂಡಿತ್ತು. ಜೊತೆಗೆ, ಮೂತ್ರ ವಿಸರ್ಜಿಸುವಾಗ ರಕ್ತ ಬರುತ್ತಿತ್ತು.

Also Read : ಕಲ್ಲಂಗಡಿ ಹಣ್ಣನ್ನು ಹೀಗೂ ಕಟ್ ಮಾಡಬಹುದು...!

ಈ ನಡುವೆ, ಅದ್ಹೇಗೂ ಹೆತ್ತವರಿಗೆ ಈ ವಿಷಯ ಗೊತ್ತಾಯಿತು. ತಕ್ಷಣ ಇವರು ಮಗನನ್ನು ಆಸ್ಪತ್ರೆಗೆ ಕರೆದೊಯ್ದಿದ್ದರು. ಇಲ್ಲಿ ಡಾಂಗ್ಗುವಾನ್ ಮಕ್ಕಳ ಆಸ್ಪತ್ರೆಯ ಮುಖ್ಯ ಮೂತ್ರಶಾಸ್ತ್ರಜ್ಞ ಡಾ. ಲಿ ಹೊಂಗುಯಿ ಬಾಲಕನ ಮೂತ್ರಕೋಶದ ಎಂಡೋಸ್ಕೋಪಿ - ಸಿಸ್ಟೊಸ್ಕೋಪಿ ನಡೆಸಿದರು. ಈ ವೇಳೆ, ಈ ಆಯಸ್ಕಾಂತದ ಬಾಲ್‌ಗಳು ಕಾಣಿಸಿದ್ದವು. ಹೀಗಾಗಿ, ಅನಿವಾರ್ಯವಾಗಿ ಶಸ್ತ್ರಚಿಕಿತ್ಸೆ ಮಾಡಬೇಕಾಯಿತು ಎಂದು ಡಾ. ಲಿ ಹೊಂಗುಯಿ ತಿಳಿಸಿದ್ದಾರೆ.

Also Read : ಸಿಕ್ಸ್‌ ಪ್ಯಾಕ್ ಆಬ್ಸ್‌ ಮೂಲಕವೇ ಇಂಟರ್‌ನೆಟ್‌ನಲ್ಲಿ ಹವಾ ಎಬ್ಬಿಸಿದ ಹತ್ತರ ಪೋರಿ

ಸದ್ಯ ಈ ಎಲ್ಲಾ ಮ್ಯಾಗ್ನೆಟಿಕ್ ಬಾಲ್‌ಗಳನ್ನು ಬಾಲಕನ ಮೂತ್ರಕೋಶದಿಂದ ಯಶಸ್ವಿಯಾಗಿ ಹೊರತೆಗೆಯಲಾಗಿದೆ. `ಮಕ್ಕಳು ಬೆಳೆದಂತೆ ಅವರಿಗೆ ತಮ್ಮ ದೇಹದ ಮೇಲೆ ಕುತೂಹಲ ಹೆಚ್ಚಾಗುತ್ತದೆ. ಹೀಗಾಗಿ, ಕೆಲವೊಮ್ಮೆ ಮಕ್ಕಳು ಇಂತಹ ವರ್ತನೆ ತೋರುತ್ತಾರೆ. ಸಾಮಾನ್ಯವಾಗಿ 5 ರಿಂದ 6 ಮತ್ತು 10 ರಿಂದ 13 ವರ್ಷದೊಳಗಿನ ಮಕ್ಕಳಲ್ಲಿ ಇಂತಹ ಸಮಸ್ಯೆ ಇರುವುದನ್ನು ನಾವು ಗುರುತಿಸಿದ್ದೇವೆ' ಎಂದು ಡಾ. ಲಿ ಹೊಂಗುಯಿ ಹೇಳಿದ್ದಾರೆ.