ಸಿಗದ ಆಹಾರ... ಪಟ್ಟಣಕ್ಕೆ `ದಾಳಿ' ಮಾಡುತ್ತಿವೆ ಕೋತಿಗಳು...! : ಇದು ಮನಕಲಕುವ ಕತೆ

ಥೈಲ್ಯಾಂಡ್ ಪ್ರವಾಸಿಗರ ಪಾಲಿನ ಸ್ವರ್ಗ. ಇಲ್ಲಿನ ಪ್ರೇಕ್ಷಣೀಯ ಸ್ಥಳಗಳನ್ನು ನೋಡಲು ಸಾಕಷ್ಟು ಸಂಖ್ಯೆಯಲ್ಲಿ ಪ್ರವಾಸಿಗರು ಬರುತ್ತಿದ್ದರು. ಆದರೆ, ಈಗ ಇಲ್ಲಿಗೆ ಭೇಟಿ ನೀಡುವ ಪ್ರವಾಸಿಗರ ಸಂಖ್ಯೆ ತೀರಾ ಕಡಿಮೆಯಾಗಿದೆ. ಕಾರಣ ಕೊರೊನಾ ವೈರಸ್. ಕೋವಿಡ್ 19 ಅಬ್ಬರ ಶುರುವಾದ ಬಳಿಕ ಥೈಲ್ಯಾಂಡಿಗೆ ಪ್ರವಾಸಿಗರು ಬರುತ್ತಿಲ್ಲ. ಇದರಿಂದ ಜನ ಸಾಕಷ್ಟು ಕಷ್ಟಪಡುತ್ತಿದ್ದಾರೆ. ಈ ನಡುವೆ, ಇಲ್ಲಿನ ಜನರಿಗೆ ಇನ್ನೊಂದು ಹೊಸ ಕಷ್ಟ ಶುರುವಾಗಿದೆ. ಅದು ಕೋತಿಗಳದ್ದು...! ಸದ್ಯ ಲೋಪ್‌ಬುರಿ ಎಂಬ ಪ್ರದೇಶದಲ್ಲಿ ಸಾವಿರಾರು ಸಂಖ್ಯೆಯಲ್ಲಿ ಕೋತಿಗಳು ನಗರ ಪ್ರದೇಶದ ಮೇಲೆಯೇ ದಾಳಿ ಮಾಡುತ್ತಿವೆ...!

Also Read : ಎರಡು ಕಾಲಿನಲ್ಲಿ ನಿಂತು ಮೊಲಗಳ ಫೈಟ್, ಮನ ಸೆಳೆಯುತ್ತದೆ ಕುದುರೆಗಳ ಫ್ರೆಂಡ್‌ಶಿಪ್


ಲೋಪ್‌ಬುರಿ ಪ್ರದೇಶದ ಕೆಲ ಪ್ರೇಕ್ಷಣೀಯ ಸ್ಥಳಗಳಲ್ಲಿ ಸಾಕಷ್ಟು ಸಂಖ್ಯೆಯಲ್ಲಿ ಕೋತಿಗಳಿವೆ. ಆದರೆ, ಈಗ ಈ ಕೋತಿಗಳಿಗೆ ತಿನ್ನಲು ಏನೂ ಸಿಗುತ್ತಿಲ್ಲ. ಪ್ರವಾಸಿಗರು ಬರುತ್ತಿದ್ದ ಸಂದರ್ಭದಲ್ಲಿ ಇವುಗಳಿಗೆ ಆಹಾರಕ್ಕೇನು ಕೊರತೆಯಾಗುತ್ತಿರಲಿಲ್ಲ. ಬಂದ ಪ್ರವಾಸಿಗರು ಏನಾದರೂ ತಿನ್ನಲು ಕೊಡುತ್ತಿದ್ದುದರಿಂದ ಇವುಗಳು ಹಾಯಾಗಿದ್ದವು. ಆದರೆ, ಈಗ ಕೊರೊನಾ ಅಬ್ಬರದ ಬಳಿಕ ಪ್ರವಾಸಿಗರ ಸಂಖ್ಯೆ ಕಡಿಮೆಯಾಗುತ್ತಿದ್ದಂತೆಯೇ ಕೋತಿಗಳು ಆಹಾರಕ್ಕಾಗಿ ಪರಿತಪಿಸುತ್ತಿವೆ.

ಹಿಂದೊಮ್ಮೆ ಒಂದು ಬಾಳೆಹಣ್ಣಿಗಾಗಿ ಕಾಡಿನ ಮತ್ತು ನಾಡಿನ ಸಾವಿರಾರು ಕೋತಿಗಳ ಗುಂಪಿನ ನಡುವೆ ದೊಡ್ಡ ಜಗಳವೇ ನಡೆದಿತ್ತು. ಈ ವಿಡಿಯೋಗಳು ಅಂದು ಸಾಕಷ್ಟು ವೈರಲ್ ಆಗಿತ್ತು. ಇಲ್ಲಿದೆ ನೋಡಿ ಆ ವಿಡಿಯೋ.

Also Read : ಕೊನೆಗೂ ಮಾಲಿಕರ ಕೈಸೇರಿತು 18 ವರ್ಷಗಳ ಹಿಂದೆ ಕಳೆದು ಹೋಗಿದ್ದ ಉಂಗುರ...!


ಇದೀಗ ಈ ಕೋತಿಗಳು ನಗರದಲ್ಲೇ ಠಿಕಾಣಿ ಹೂಡಿವೆ. ಹಸಿವಿನಿಂದ ಅಂಗಡಿ ಸೇರಿದಂತೆ ಸಿಕ್ಕಿದಲ್ಲೆಲ್ಲಾ ನುಗ್ಗುತ್ತಿವೆ... ಅಂಗಡಿ, ಕಾರು ಸೇರಿದಂತೆ ಎಲ್ಲಾ ಕಡೆ ನುಗ್ಗುವ ಕೋತಿಗಳು ಆಹಾರಕ್ಕಾಗಿ ಹುಡುಕುವ ದೃಶ್ಯವನ್ನು ಕಂಡಾಗ ಮನಸ್ಸು ಕರಗುತ್ತದೆ. ಜೊತೆಗೆ, ಜನರ ಕೈಯಿಂದಲೂ ವಸ್ತುಗಳನ್ನು ಕಸಿದು ಇವುಗಳು ಓಡುತ್ತಿವೆ. ಹೀಗಾಗಿ, ಜನರಿಗೂ ಇದರಿಂದ ಕಷ್ಟವಾಗಿದೆ. ಕೋತಿಗಳ ಭಯದಲ್ಲಿ ಜನ ಈಗ ಮನೆಯಿಂದ ಹೊರಗೆ ಬರುವುದಕ್ಕೂ ಹೆದರುತ್ತಿದ್ದಾರೆ.

Also Read : ಮುದ್ದಿನ ಶ್ವಾನಕ್ಕೆ ತುತ್ತುಣಿಸುವ ಪುಟಾಣಿ : ಮನಸೆಳೆಯುತ್ತದೆ ಈ ಪ್ರೀತಿ

ಮನುಷ್ಯರಾದರೆ ಹೇಗಾದರೂ ಕಷ್ಟಪಟ್ಟು ಆಹಾರ ಹುಡುಕಬಹುದು... ಆದರೆ, ಪಾಪದ ಈ ಪ್ರಾಣಿಗಳು ಏನು ಮಾಡುವುದು ಹೇಳಿ...? ಪಾಪ... ಈ ಕೋತಿಗಳ ಸ್ಥಿತಿ ಕಂಡಾಗಲೇ ಮನಸ್ಸು ಭಾರವಾಗುತ್ತದೆ.