ಪೊಲೀಸ್ `ಬಂಧನ'ದಲ್ಲಿದ್ದ ಹುಂಜ ಕೋರ್ಟ್ ಆದೇಶದಂತೆ 8 ತಿಂಗಳ ಬಳಿಕ ರಿಲೀಸ್!

ಕೋಳಿಯೊಂದು ಎಂಟು ತಿಂಗಳ `ಬಂಧನ'ದಿಂದ ಬಿಡುಗಡೆಯಾಗಿದೆ. ಪೊಲೀಸ್ `ಬಂಧನ'ದಲ್ಲಿದ್ದ ಈ ಕೋಳಿಯನ್ನು ಬಿಡುಗಡೆ ಮಾಡಿಸಲು ಇದರ ಮಾಲೀಕ ಕೋರ್ಟ್ ಮೆಟ್ಟಿಲು ಹತ್ತಬೇಕಾಗಿತ್ತು...! ಹೀಗೆ ಬರೋಬ್ಬರಿ ಎಂಟು ತಿಂಗಳ ಬಳಿಕ ಈ ಹುಂಜನಿಗೆ ಬಿಡುಗಡೆ ಭಾಗ್ಯ ಸಿಕ್ಕಿದೆ...! ಅರೇ, `ಬಂಧನ'ದಲ್ಲಿರುವಂತಹ ಯಾವ ತಪ್ಪನ್ನು ಈ ಕೋಳಿ ಮಾಡಿತ್ತು ಎಂದು ನೀವು ಕೇಳಬಹುದು. ಈ ಸುದ್ದಿಯನ್ನು ತಕ್ಷಣಕ್ಕೆ ಕೇಳಿದಾಗ ಹೀಗನಿಸಿದರೂ ತಪ್ಪೇನಿಲ್ಲ.

Also Read : ಮೇಲ್ನೋಟಕ್ಕೆ 4 ಆನೆಗಳು ಕಾಣುತ್ತವೆ, ಆದರೆ, ಇಲ್ಲಿ 4 ಆನೆಗಳಿಲ್ಲ! : ಎಷ್ಟಿದೆ ಎಂದು ಹೇಳುವಿರಾ...?

ಈ ವಿಚಿತ್ರ ಘಟನೆ ನಡೆದಿರುವುದು ಪಾಕಿಸ್ತಾನದ ಸಿಂಧ್‌ನ ಘೋಟ್ಕಿಯಲ್ಲಿ. ಇಲ್ಲಿನ ಪೊಲೀಸರು ಎಂಟು ತಿಂಗಳ ಹಿಂದೆ ಜೂಜಾಟ, ಕೋಳಿ ಅಂಕದ ಮೇಲೆ ದಾಳಿ ಮಾಡಿದ್ದರು. ಯಾಕೆಂದರೆ, ಇಲ್ಲಿ ಕೋಳಿ ಅಂಕ ಸಂಪೂರ್ಣ ನಿಷೇಧ. ಆದರೂ ಗ್ರಾಮ್ಯ ಭಾಗಗಳಲ್ಲಿ ಈ ಕೋಳಿ ಅಂಕಗಳು ನಡೆಯುತ್ತಲೇ ಇರುತ್ತವೆ.

Also Read : ತಂತಿಗೆ ಸಿಲುಕಿ ಹಾರಿ ಮಹಿಳೆ ಮೇಲೆ ಬಿದ್ದ ಆಟೋ ಡ್ರೈವರ್ : ಭೀಕರ ವಿಡಿಯೋ ವೈರಲ್

ಹೀಗಾಗಿ, ಎಂಟು ತಿಂಗಳ ಹಿಂದೆ ದಾಳಿ ಮಾಡಿದ್ದ ಪೊಲೀಸರು ಕೋಳಿ ಅಂಕದಲ್ಲಿ ಪಾಲ್ಗೊಂಡವರು ಬಂಧಿಸಿದ್ದರು. ಸಾಕ್ಷಿಯಾಗಿ ಇವರು ತಂದಿದ್ದ ಹುಂಜವನ್ನೂ ಪೊಲೀಸರು ಬಂಧಿಸಿ ಠಾಣೆಯಲ್ಲಿರಿಸಿದ್ದರು. ಇದಾದ ಬಳಿಕ ಬಂಧಿತ ಆರೋಪಿಗಳು ಕೋರ್ಟಿನಿಂದ ಜಾಮೀನು ಪಡೆದಿದ್ದರು. ಆದರೆ, ಹುಂಜ ಮಾತ್ರ ಪೊಲೀಸರ ವಶದಲ್ಲಿಯೇ ಇತ್ತು. ಈ ಪ್ರಕರಣದ ಎಲ್ಲಾ ವಿಚಾರಣೆಯ ಸಂದರ್ಭದಲ್ಲೂ ಪೊಲೀಸರು ಕೋಳಿಯನ್ನು ನ್ಯಾಯಾಲಯಕ್ಕೆ ಹಾಜರುಪಡಿಸಿದ್ದರು.

Also Read : ಧಗಧಗ ಉರಿದ ಗ್ಯಾಸ್ ಸಿಲಿಂಡರ್ : ಪ್ರಾಣದ ಹಂಗು ತೊರೆದು ಬೆಂಕಿ ನಂದಿಸಿದ ಕಾನ್ಸ್‌ಟೇಬಲ್

ಇತ್ತ, ಕೋಳಿಯ ಮಾಲಿಕರು ಹುಂಜವನ್ನು ಬಿಡುಗಡೆ ಮಾಡುವಂತೆ ಕೋರ್ಟ್ ಮೊರೆ ಹೋಗಿದ್ದರು. ಹೀಗೆ ಸುಮಾರು ಎಂಟು ತಿಂಗಳ ಬಳಿಕ ಕೋಳಿಯ ಬಿಡುಗಡೆಗೆ ನ್ಯಾಯಾಲಯ ಆದೇಶ ನೀಡಿದೆ. ಹೀಗಾಗಿ, ಇಷ್ಟು ದಿನ ಪೊಲೀಸ್ ವಶದಲ್ಲಿದ್ದ ಕೋಳಿಗೆ ಬಿಡುಗಡೆ ಭಾಗ್ಯ ಸಿಕ್ಕಿದೆ. ಸದ್ಯ ಈ ವಿಚಿತ್ರ ಘಟನೆಯನ್ನು ಎಲ್ಲರೂ ಕುತೂಹಲದಿಂದ ಆಲಿಸಿದ್ದಾರೆ. ಈ ಸುದ್ದಿ ಸೋಶಿಯಲ್ ಮೀಡಿಯಾದಲ್ಲೂ ಎಲ್ಲರ ಗಮನ ಸೆಳೆಯುತ್ತಿದೆ.