ಸಾಕುತಾಯಿಯ ಶವದೊಂದಿಗೆ ಮನೆಯೊಳಗೆ ಐದು ದಿನ ಕಳೆದ ಇಬ್ಬರು ಬಾಲಕರು!

ಆ ಇಬ್ಬರು ಮಕ್ಕಳು ಐದು ದಿನ ಶವದೊಂದಿಗೇ ಕಾಲ ಕಳೆದಿದ್ದರು...! ತಮ್ಮ ಸಾಕುತಾಯಿ ಸಾವನ್ನಪ್ಪಿದ್ದಾರೆ ಎಂದು ಗೊತ್ತಿದ್ದರೂ ಏನೂ ಮಾಡಲಾರದ ಸ್ಥಿತಿಯಲ್ಲಿ ಮಕ್ಕಳಿದ್ದರು...!

ಇದು 71 ವರ್ಷದ ಕೋನಿ ಟೇಲರ್ ಎಂಬವರ ದುರಂತ ಕತೆ. ಟೆಕ್ಸಾಸ್‌ನ ಟಾಲ್ಟಿಯಲ್ಲಿರುವ ತನ್ನ ಮನೆಯಲ್ಲಿ ಇವರು ವಾಸವಾಗಿದ್ದರು. ಈ ವೃದ್ಧೆ 5 ಮತ್ತು 7 ವರ್ಷದ ಇಬ್ಬರು ಬಾಲಕರನ್ನು ದತ್ತು ಪಡೆದು ಸಾಕುತ್ತಿದ್ದರು. ಜೀವನ ಖುಷಿಯಾಗಿಯೇ ಸಾಗುತ್ತಿತ್ತು. ಆದರೆ, ಇತ್ತೀಚೆಗೆ ಕೋನಿ ಟೇಲರ್ ಇದ್ದಕ್ಕಿದ್ದಂತೆಯೇ ಸಾವನ್ನಪ್ಪಿದ್ದರು. ಇದರಿಂದ ಈ ಇಬ್ಬರು ಬಾಲಕರಿಗೆ ದಿಕ್ಕೇ ತೋಚದಂತಾಗಿತ್ತು. ಸಹಾಯಕ್ಕಾಗಿ ಯಾರಿಗಾದರೂ ಕರೆ ಮಾಡುವ ಎಂದರೆ ಸಾಕುತಾಯಿಯ ಮೊಬೈಲ್ ಫೋನ್‌ ಅನ್‌ಲಾಕ್ ಮಾಡುವುದಕ್ಕೆ ಸಾಧ್ಯವಾಗಿರಲಿಲ್ಲ. ವೃದ್ಧೆಯ ಶವವನ್ನು ಬಿಟ್ಟು ಹೋಗುವ ಸ್ಥಿತಿಯಲ್ಲಿಯೂ ಈ ಪುಟ್ಟ ಮಕ್ಕಳಿರಲಿಲ್ಲ. ಹೀಗಾಗಿ, ಏನು ಮಾಡುವುದು ಎಂದು ತಿಳಿಯದೆ ಈ ಪುಟಾಣಿಗಳು ಶವದೊಂದಿಗೇ ವಾಸವಾಗಿದ್ದರು...! ತಾವೇ ಅಡುಗೆ ಮಾಡಿಗೆ, ಬಟ್ಟೆಗಳನ್ನು ಒಗೆದು ಬದುಕುತ್ತಿದ್ದರು... ಪಾಪ, ಆ ಮಕ್ಕಳಾದರೂ ಏನು ಮಾಡಿಯಾರು...? ಲೋಕವನ್ನು ಅಷ್ಟಾಗಿ ಆಳವಾಗಿ ಅರಿಯುವ ವಯಸ್ಸೂ ಅವರದ್ದಲ್ಲ...

Also Read : 2 ವರ್ಷದ ಹಿಂದೆ ನಾಪತ್ತೆಯಾದ ಮಹಿಳೆ ಸಮುದ್ರದಲ್ಲಿ ಜೀವಂತವಾಗಿ ಪತ್ತೆ!: ಇಲ್ಲಿದೆ ಒಂದು ಕಣ್ಣೀರ ಕತೆ!

ಇತ್ತ, ಇಬ್ಬರು ಬಾಲಕರು ಯಾವುದೇ ಮಾಹಿತಿ ನೀಡಿದೆ ಗೈರಾಗಿರುವುದು ಇವರ ಶಿಕ್ಷಕರಿಗೆ ಅನುಮಾನ ತರಿಸಿತ್ತು. ಏನಾಗಿದೆ ಎಂದು ಕೇಳೋಣವೆಂದು ಶಾಲೆಯವರು ಮನೆಗೂ ಸಂಪರ್ಕಿಸಿದ್ದರು. ಆದರೆ, ಸಂಪರ್ಕ ಸಾಧ್ಯವಾಗಿರಲಿಲ್ಲ. ಫೋನ್ ಕೂಡಾ ಆಫ್ ಆಗಿದೆ ಎಂದು ಗೊತ್ತಾಗಿತ್ತು. ಇದರಿಂದ ಏನೋ ತೊಂದರೆಯಾದಂತಿದೆ ಎಂದು ಇವರು ಪರಿಸ್ಥಿತಿಯನ್ನು ಮನಗಂಡಿದ್ದರು. ಹೀಗಾಗಿ, ಶಾಲೆಯ ಅಧಿಕಾರಿಗಳು ಈ ಮನೆಯಲ್ಲಿ ಒಂದು ಸಲ ಪರಿಶೀಲನೆ ಮಾಡುವಂತೆ ಪೊಲೀಸರಲ್ಲಿ ಮನವಿ ಮಾಡಿದ್ದರಿಂದ ಕೋನಿ ಅವರು ಸಾವನ್ನಪ್ಪಿರುವ ಸಂಗತಿ ಗೊತ್ತಾಗಿತ್ತು.

Also Read : ಝೂಗೆ ಬರುವವರಿಗೆ ಕೆಟ್ಟದಾಗಿ ಬೈಯುವ ಗಿಳಿಗಳು! : ಮೃಗಾಲಯದವರಿಗೆ ಶುರು ಹೊಸ ಪೀಕಲಾಟ!

ಟೇಲರ್ ವಯೋಸಹಜ ಕಾರಣಗಳಿಂದ ಸಾವನ್ನಪ್ಪಿದ್ದಾರೆ ಎಂದು ನಂಬಲಾಗಿದೆ. ಮರಣೋತ್ತರ ಪರೀಕ್ಷೆಯ ವರದಿ ಕೈಸೇರಿದ ಬಳಿಕ ಸಾವಿನ ನಿಖರ ಕಾರಣ ಏನೆಂದು ತಿಳಿಯಲಿದೆ. ಸದ್ಯ ಈ ಇಬ್ಬರು ಮಕ್ಕಳು ಆರೈಕೆ ಕೇಂದ್ರದಲ್ಲಿದ್ದಾರೆ. ಕೋನಿ ಅವರ ಸ್ವಂತ ಮಕ್ಕಳು ಈ ಇಬ್ಬರು ಬಾಲಕರನ್ನು ಪಾಲನೆಗೆ ತಮಗೆ ನೀಡುವಂತೆಯೂ ಅರ್ಜಿ ಸಲ್ಲಿಸಿದ್ದಾರೆ.

Also Read : ಕ್ಷಣಾರ್ಧದಲ್ಲಿ ಎಲೆಕ್ಟ್ರಿಕ್ ವಾಹನದ ರೂಪ ಪಡೆಯುವ ಬಾಲಕ: ಸಿನೆಮಾ ಸೀನ್‌ಗಿಂತ ಕಡಿಮೆಯಿಲ್ಲ ಈ ಪ್ರಯತ್ನ!

ಸದ್ಯ ಈ ಮಕ್ಕಳು ಕೊಂಚ ಪರಿಸ್ಥಿತಿಗೆ ಹೊಂದಿಕೊಳ್ಳುತ್ತಿದ್ದಾರೆ. ಕೋನಿ ಅವರು ಈ ಮಕ್ಕಳನ್ನು ಅತ್ಯಂತ ಪ್ರೀತಿಯಿಂದ ನೋಡಿಕೊಳ್ಳುತ್ತಿದ್ದರು. ಇವರಿಬ್ಬರಿಗೆ ತಾಯಿ ಪ್ರೀತಿಯನ್ನು ಇವರು ನೀಡಿದ್ದರು. ದುರಂತ ಎಂದರೆ ಸಾವನ್ನಪ್ಪುವ ಒಂದು ತಿಂಗಳ ಹಿಂದಷ್ಟೇ ಇವರು ಈ ಮಕ್ಕಳನ್ನು ದತ್ತು ಪಡೆದು ಮನೆಗೆ ಕರೆತಂದಿದ್ದರಂತೆ. ಇನ್ನು ಈ ಇಬ್ಬರು ಬಾಲಕರ ನಿಜವಾದ ಪೋಷಕರ ಬಗ್ಗೆ ಯಾವುದೇ ಮಾಹಿತಿಗಳು ಲಭ್ಯವಾಗಿಲ್ಲ. ಸದ್ಯ ಈ ವೃದ್ಧೆಯ ಕತೆ ಕೇಳಿ ಎಲ್ಲರೂ ನೊಂದಿದ್ದಾರೆ. ಆದರೆ, ಶಿಕ್ಷಕರು ತೋರಿದ ಜವಾಬ್ದಾರಿಯುತ ನಡೆ ಎಲ್ಲರ ಮೆಚ್ಚುಗೆಗೆ ಪಾತ್ರವಾಗಿದೆ.