ಇದು ನಿಜವಾಗಿಯೂ ಗರುಡನಾ...? ನಿಮಗೇನನಿಸುತ್ತದೆ...?

ಇದು ನಿಜವಾಗಿಯೂ ಗರುಡನಾ...? ಇಂತಹದ್ದೊಂದು ಪ್ರಶ್ನೆ ಈಗ ನೆಟ್ಟಿಗರನ್ನು ತಲೆ ಕೆರೆದುಕೊಂಡು ಯೋಚಿಸುವಂತೆ ಮಾಡಿದೆ. ಸುಮಾರು ಏಳು ತಿಂಗಳ ಹಿಂದೆ ಫೇಸ್‌ಬುಕ್‌ನಲ್ಲಿ ವೈರಲ್ ಆಗಿದ್ದ ಗರುಡನ ಫೋಟೋವೊಂದು ಈಗ ಟ್ವಿಟ್ಟರಿನಲ್ಲಿ `ಹಾರಾಡುತ್ತಿದೆ'.

`ಇದು ಹಕ್ಕಿಯಲ್ಲ. ಮನುಷ್ಯನೇ ಗರುಡನ ರೀತಿ ವೇಷ ತೊಟ್ಟು ಕುಳಿತಿರುವುದು' ಎಂದೇ ಹಲವರು ನಂಬಿದ್ದಾರೆ. ಕೆಲವರು ಇದನ್ನು ಹಕ್ಕಿ ಎಂದೇ ನಂಬಿದರೆ, ಇನ್ನು ಹಲವರು ಇದು ನಕಲಿ ಫೋಟೋ ಎಂದು ಹೇಳುತ್ತಿದ್ದಾರೆ.


ಟ್ವಿಟ್ಟರಿನಲ್ಲಿ ಹರಿದಾಡುತ್ತಿರುವ ಈ ಫೋಟೋದಲ್ಲಿ ಬೃಹತ್ ಗರುಡನ ಪಕ್ಕದಲ್ಲಿ ವ್ಯಕ್ತಿಯೊಬ್ಬರೂ ಕುಳಿತಿದ್ದಾರೆ. ಮೊದಲ ನೋಟಕ್ಕೆ ಮನುಷ್ಯ ಹಕ್ಕಿಯಂತೆ ದಿರಿಸು ತೊಟ್ಟು ಕುಳಿತಿರುವಂತೆಯೇ ಕಾಣುತ್ತದೆ. ಇದೇ ಕಾರಣಕ್ಕೆ ಇದನ್ನು ಶೇರ್ ಮಾಡಿಕೊಳ್ಳುತ್ತಿರುವ ಜನ `ಇದು ಹಕ್ಕಿಯಲ್ಲ, ಸುಳ್ಳು' ಎಂದು ಬಲವಾಗಿ ವಾದಿಸುತ್ತಿದ್ದಾರೆ.

ಏಳು ತಿಂಗಳ ಹಿಂದೆ ಫೇಸ್‌ಬುಕ್‌ನಲ್ಲಿ ಹರಿದಾಡಿದ ಇದೇ ಗರುಡನ ಫೋಟೋಗಳು ಇಲ್ಲಿವೆ ನೋಡಿ...


ಹಾಗಂತ, ಯಾರೂ ಇದನ್ನು ನಿಜ ಗರುಡ ಎಂದು ನಂಬುತ್ತಿಲ್ಲ. ಆದರೆ, ಎಲ್ಲೋ ಮನಸ್ಸಿನ ಮೂಲೆಯಲ್ಲಿ ಗರುಡನೇ ಇರಬಹುದಾ ಎಂಬ ಪ್ರಶ್ನೆಯೂ ಕೆಲವರಲ್ಲಿ ಇಲ್ಲದೇನು ಇಲ್ಲ.


ಸದ್ಯ ಉತ್ತರವೇ ಇಲ್ಲದ ಈ ಫೋಟೋ ಜನರ ತಲೆಗೆ ಒಂದಷ್ಟು ಕೆಲಸ ಕೊಟ್ಟಿದ್ದಂತೂ ಸತ್ಯ. ಮಳೆಕಾಡಿನಲ್ಲಿ ಬೃಹತ್ ಹಾರ್ಪಿ ಹದ್ದು ಕಾಣಸಿಗುತ್ತದೆ. ಇದು ಪನಾಮಾ ದೇಶದ ರಾಷ್ಟ್ರ ಪಕ್ಷಿಯೂ ಹೌದು.