ಗಾಢ ನಿದ್ದೆಯಲ್ಲಿದ್ದ ಮಹಿಳೆಯ ಹಣೆಗೆ ಕಚ್ಚಿದ ಹಾವು..!

ನಿದ್ದೆಯಲ್ಲಿ ಒಂದೊಂದು ಸಲ ಭಯಾನಕ ಕನಸುಗಳು ಬೀಳುವುದಿದೆ. ಈ ಕನಸುಗಳ ಕಾರಣದಿಂದ ಎಚ್ಚರಗೊಂಡರೆ ಮತ್ತೆ ನಿದ್ದೆಯೇ ಕಣ್ಣಿಗೆ ಹತ್ತದು. ಆದರೆ, ಕನಸಿನಲ್ಲಿ ಮಾತ್ರ ಕಾಣುವ ಕೆಲವೊಂದು ಭಯಾನಕ ಘಟನೆಗಳು ನಿಜ ಜೀವನದಲ್ಲಿ ನಡೆದರೆ...? ಖಂಡಿತಾ ಆ ಪರಿಸ್ಥಿತಿ ಹೇಗಿರಬಹುದು ಎಂದು ಊಹಿಸುವುದಕ್ಕೇ ಕಷ್ಟ.

ನೀವು ಗಾಢ ನಿದ್ದೆಯಲ್ಲಿರುತ್ತೀರಿ ಎಂದು ಊಹಿಸಿಕೊಳ್ಳಿ. ಆಗ ಇದ್ದಕ್ಕಿದ್ದಂತೆಯೇ ಹಣೆಯನ್ನು ಏನೋ ಕಚ್ಚಿ ಹಿಡಿದಂತೆ ಅನುಭವವಾಗುತ್ತದೆ. ಹೀಗಾಗಿ, ತಕ್ಷಣ ಇದೇನು ಎಂದು ನಿದ್ದೆಯ ಮಂಪರಿನಲ್ಲೇ ಹಣೆ ಬಳಿ ಕೈ ಕೊಂಡೊಯ್ಯುತ್ತೀರಿ. ಆಗ ಮೃದುವಾದ ಮತ್ತು ಉದ್ದನೆಯ ವಸ್ತುವೊಂದು ನಿಮಗೆ ಕೈಗೆ ಸಿಗುತ್ತದೆ... ಏನಿದು ಎಂದು ಕಣ್ಣಿ ಬಿಟ್ಟು ನೋಡಿದಾಗ ಅದು ಹಾವಾಗಿರುತ್ತದೆ...! ಒಂದೊಮ್ಮೆ ಇಂತಹ ಪರಿಸ್ಥಿತಿ ಎದುರಾದರೆ ನಿಮ್ಮ ಸ್ಥಿತಿ ಹೇಗಿರಬಹುದು...?

Also Read : ಪಾರ್ಕಿನಲ್ಲಿ ಬೇಕಾಬಿಟ್ಟಿ ಕಸ ಎಸೆದರೆ ಮನೆಗೇ ಬರುತ್ತದೆ `ಕಸದ ಪ್ಯಾಕ್'...!

ಸದ್ಯ ಇಂತಹದ್ದೇ ಒಂದು ಘಟನೆ ನಡೆದಿದೆ. ಇದು ನಡೆದಿರುವುದು ಆಸ್ಟ್ರೇಲಿಯಾದಲ್ಲಿ. ಇಲ್ಲಿನ ಕೂಲಲಿಂಗ ಮೂಲದ ಎಮಿಲಿ ಹಿಂಡ್ಸ್‌ ಎಂಬವರು ಇಂತಹದ್ದೊಂದು ಪರಿಸ್ಥಿತಿ ಎದುರಿಸಿದ್ದಾರೆ. ಸಂತೋಷಕೂಟವೊಂದರ ಬಳಿಕ ಸ್ವಲ್ಪ ವೈನ್ ಸೇವಿಸಿ ಮಲಗಿದ್ದ ಎಮಿಲಿ ಅವರಿಗೆ ಮುಂಜಾನೆ ಸುಮಾರು 2 ಗಂಟೆಗೆ ಎಚ್ಚರವಾಗಿತ್ತು. ಈ ವೇಳೆ ತನ್ನ ತಲೆ ಮೇಲೆ ಏನೂ ಹೊರಳಾಡುತ್ತಿದೆ ಎಂಬ ಅನುಭವ ಇವರಿಗಾಗಿತ್ತು. ತಕ್ಷಣ ಇದೇನಿದು ಎಂದು ನಿದ್ದೆ ಮಂಪರಿನಲ್ಲೇ ಎದ್ದು ಲೈಟ್ ಸ್ವೀಚ್ ಹಾಕಿದಾಗ ಇವರಿಗೆ ಕಂಡಿದ್ದು ಒಂದು ಹಾವು. ಆಗ ಹಾವು ಇವರ ಹಾಸಿಗೆ ಮೇಲೆಯೇ ಇತ್ತು. ಹಾವಿನ ಬಾಲ ತಲೆಬಿಂಬಿನ ಕೆಳಗೆ ಕಂಡಿತ್ತು.

Also Read : ನೀಲಿ ಹಾವನ್ನು ಕಂಡಿದ್ದೀರಾ? : ನೋಡಲು ಸುಂದರ, ಆದರೆ, ಅಷ್ಟೇ ಅಪಾಯಕಾರಿ!

ಆದರೆ, ಆ ಕ್ಷಣಕ್ಕೆ ಕೊಂಚ ಭಯವಾದರೂ ಎಮಿಲಿ ಅವರಿಗೆ ಹಾವು ತನ್ನನ್ನು ಕಚ್ಚಿದೆ ಎಂದು ಗೊತ್ತಿರಲಿಲ್ಲ. ಆದರೂ ಕನ್ನಡಿ ನೋಡಿದಾಗ ಹಣೆ ಮೇಲೆ ರಕ್ತದೊಂದಿಗೆ ಎರಡು ಸಣ್ಣ ಗುರುತು ಇತ್ತು. ಇದನ್ನು ಕಂಡ ತಕ್ಷಣ ಇವರು ತನ್ನ ಪತಿ ಜೇಸನ್ ಅವರನ್ನು ಎಬ್ಬಿಸಿ ನಡೆದ ವಿಷಯವನ್ನೆಲ್ಲಾ ತಿಳಿಸಿದ್ದರು. ಹೀಗಾಗಿ, ಒಂದಷ್ಟು ಪ್ರಯತ್ನದ ಬಳಿಕ ಹಾವನ್ನು ಹಿಡಿದ ಜೇಸನ್ ಅದನ್ನು ಅಲ್ಲೇ ಪೊದೆಯಲ್ಲಿ ಬಿಟ್ಟಿದ್ದರು.

Also Read : ಮಾಲಿಕರನ್ನು ಕಂಡ ತಕ್ಷಣ ಬಿಗಿದಪ್ಪಿ ಮುದ್ದಿಸಿದ ಶ್ವಾನ...! : ಇದು ಅದ್ಭುತ ದೃಶ್ಯ

ಹಾಗಂತ, ಇವರ ಮನೆ ಬಳಿ ಹಾವು ಕಾಣಿಸಿಕೊಳ್ಳುವುದು ಇದೇ ಮೊದಲೇನಲ್ಲ. ಈ ಭಾಗದಲ್ಲಿ ಇದು ಸಾಮಾನ್ಯ. ಆದರೆ, ಕಚ್ಚಿದ್ದು ಇದೇ ಮೊದಲು. ಅದೃಷ್ಟವಶಾತ್ ಇದು ವಿಷಕಾರಿ ಹಾವು ಆಗಿರಲಿಲ್ಲ. ಹೀಗಾಗಿ, ಆ ಕ್ಷಣಕ್ಕೆ ಸ್ವಲ್ಪ ತಲೆನೋವು ಇದ್ದರೂ ದಂಪತಿ ಬಳಿಕ ಮತ್ತೆ ನಿದ್ದೆಗೆ ಜಾರಿದ್ದರು. ಇದಾಗಿ ಮರುದಿನ ಇದೇ ಹಾವು ಇವರ ಮನೆ ಬಳಿ ಕಾಣಿಕೊಂಡಿತ್ತು ಎಂದು ಎಮಿಲಿ ಸೋಷಿಯಲ್ ಮೀಡಿಯಾದಲ್ಲಿ ಹೇಳಿಕೊಂಡಿದ್ದಾರೆ.