ಮಾಜಿ ಲವರ್‌ ವಿರುದ್ಧದ ಸೇಡಿಗೆ ಈಕೆ ಮಾಡಿದ್ದೇನು ಗೊತ್ತಾ?: ಯಾರ್ ಕೊಟ್ಟರೋ ಈ ಐಡಿಯಾ!

`ನಿನ್ನಿಂದಾಗಿ ನಾನು ಅತ್ತಿದ್ದೇನೆ... ಈಗ ನಿನ್ನ ಸರದಿ...' ಹೀಗಂತ ನೊಂದು ಸೇಡಿನ ಶಪಥಗೈದಿದ್ದ ಆ ಯುವತಿ ಮಾಜಿ ಪ್ರಿಯಕರ ಕೂಡಾ ತನ್ನಂತೆಯೇ ಕಣ್ಣೀರು ಹಾಕಬೇಕೆಂದು ಬಯಸಿದ್ದಳು. ಆದರೆ, ಆತನ ಕಣ್ಣಲ್ಲಿ ನೀರು ತರಿಸಲು ಈಕೆ ಮಾಡಿದ್ದೇನು ಗೊತ್ತಾ...? ಒಂದು ಟನ್‌ನಷ್ಟು ಈರುಳ್ಳಿಯನ್ನು ಈತನ ಮನೆಗೆ ಕಳುಹಿಸಿದ್ದು...! ಕೇಳಿದಾಗ ವಿಚಿತ್ರ ಆಗುತ್ತದೆಯಲ್ವಾ...? ಆದರೆ, ಇದು ನಿಜ...

Also Read : ಅಪಘಾತಗಳನ್ನೇ ಕಂಡಿದ್ದ ಆ ರಸ್ತೆಯಲ್ಲಿ ಕಾಡುತ್ತಲಿದೆ ಮಕ್ಕಳ ನೋವಿನ ಛೀತ್ಕಾರದ ನೆನಪು!
ಇದು ಚೀನಾದಲ್ಲಿ ನಡೆದ ಘಟನೆ. ಹೀಗೆ ಮಾಜಿ ಪ್ರಿಯಕರನ ಮನೆಗೆ ಈರುಳ್ಳಿ ಕಳುಹಿಸಿದ್ದ ಝಾವೋ ಎಂಬ ಈ ಯುವತಿ ಅದರಲ್ಲಿ ಒಂದು ಚೀಟಿಯನ್ನು ಬರೆದಿದ್ದಳು. `ನಾನು ಅತ್ತಿದ್ದೇನೆ. ಇನ್ನು ನೀನು ಅಳು' ಎಂಬ ಸಂದೇಶವದು. ಈಕೆ ಹೀಗೆ ಬರಲು ಕಾರಣವೂ ಇದೆ. ಅದೇನೆಂದರೆ, ಇವರಿಬ್ಬರು ಪರಸ್ಪರ ದೂರವಾದಾಗ ಪ್ರಿಯಕರ ಬೇಸರದಲ್ಲಿ ಒಂದೇ ಒಂದು ಹನಿ ಕಣ್ಣೀರಿಟ್ಟಿರಲಿಲ್ಲವಂತೆ...! ಅಂತೆಯೇ, ಈ ಯುವಕ ತನ್ನ ಮನೆ ಬಾಗಿಲ ಮುಂದೆ ಟನ್‌ಗಟ್ಟಲೆ ಈರುಳ್ಳಿ ಕಂಡು ಒಂದು ಕ್ಷಣ ದಂಗಾಗಿದ್ದ. ಈತನಿಗೂ ಈ ಚೀಟಿ ನೋಡಿದಾಗಲೇ ಗೊತ್ತಾಗಿದ್ದು ಇದು ಮಾಜಿ ಪ್ರಿಯತಮೆಯ ನೋವಿನ ಮತ್ತು ಸೇಡಿನ ಗಿಫ್ಟ್‌ ಎಂದು.

Also Read : ಪತ್ನಿ ಮಾಡಿದ ಅಡುಗೆ `ಸ್ಪೈಸಿ' ಆಗ್ತಿಲ್ಲವೆಂದು ಬಾಲ್ಕನಿಯಲ್ಲಿ ನೇತಾಡಿದ ಭೂಪ!

ಈ ಯುವತಿ ಮತ್ತು ಯುವಕ ಸುಮಾರು ಒಂದು ವರ್ಷದಿಂದ ಪ್ರೀತಿಸುತ್ತಿದ್ದರಂತೆ. ಜೊತೆಯಾಗಿಯೇ ಇದ್ದರಂತೆ. ಆದರೆ, ಯುವಕ ಈಕೆಗೆ ಮೋಸ ಮಾಡಿದ್ದನಂತೆ. ಹೀಗಾಗಿ, ಇವರಿಬ್ಬರು ಪರಸ್ಪರ ದೂರವಾಗಿದ್ದರು. ಇದೇ ನೋವಲ್ಲಿ ಈಕೆ ಈ ರೀತಿ ಸೇಡು ತೀರಿಸಿಕೊಂಡಿದ್ದಾಳೆ ಎಂದು ಸ್ಥಳೀಯ ಮಾಧ್ಯಮಗಳು ವರದಿ ಮಾಡಿವೆ.

Also Read : ಶ್ವಾನಕ್ಕೆ ಡಾಕ್ಟರೇಟ್ : ಹೃದಯವಂತನಿಗೆ ಬಹುದೊಡ್ಡ ಗೌರವ ಪ್ರದಾನ

ಯುವಕನಿಗೆ ಗೊತ್ತೇ ಆಗದಂತೆ ಈ ಸಾವಿರ ಕೇಜಿ ಈರುಳ್ಳಿಯನ್ನು ಆತನ ಮನೆ ಬಾಗಿಲಿನ ಮುಂದೆ ಇಟ್ಟು ಬರಬೇಕೆಂದು ಯುವತಿ ಈ ಮೂಟೆ ಕೊಂಡೊಯ್ದಿದ್ದವರಿಗೆ ತಾಕೀತು ಮಾಡಿದ್ದಳಂತೆ. ಸದ್ಯ ಮನೆ ಬಾಗಿಲಿನಲ್ಲಿ ಈರುಳ್ಳಿ ಮೂಟೆ ಇರುವ ಫೋಟೋ, ವಿಡಿಯೋಗಳು ಚೀನಾದ ಸಾಮಾಜಿಕ ಮಾಧ್ಯಮಗಳಲ್ಲಿ ಭರ್ಜರಿಯಾಗಿ ವೈರಲ್ ಆಗುತ್ತಿದೆ. ಆದರೆ, ಈ ಒಂದು ಟನ್ ಈರುಳ್ಳಿಯನ್ನು ಕಂಡ ತಕ್ಷಣ ಈ ಯುವಕನ ಪ್ರತಿಕ್ರಿಯೆ ಹೇಗಿತ್ತು...? ನಿಜವಾಗಿಯೂ ಈತ ಕಣ್ಣೀರಿಟ್ಟನಾ ಗೊತ್ತಿಲ್ಲ. ಆ ಈರುಳ್ಳಿಯನ್ನು ಈತ ಏನು ಮಾಡಿದ ಎಂಬುದು ಅಸ್ಪಷ್ಟ ಅಥವಾ ಪ್ರಚಾರಕ್ಕಾಗಿ ಈ ರೀತಿ ಮಾಡಲಾಗಿದೆಯಾ ಎಂಬುದೂ ಗೊತ್ತಾಗಿಲ್ಲ. ಆದರೆ, ಈ ಘಟನೆ ಸದ್ಯ ಚೀನಾದಲ್ಲಿ ಸಖತ್ ಚರ್ಚೆಯನ್ನು ಹುಟ್ಟು ಹಾಕಿದ್ದಂತೂ ಸತ್ಯ.