One Eyed Shark : ಶಾರ್ಕ್‌ ಹೊಟ್ಟೆಯೊಳಗಿತ್ತು ಒಂದು ಕಣ್ಣಿನ ವಿಚಿತ್ರ ಮರಿ...!

ನಮ್ಮ ಪ್ರಕೃತಿ ಎಂಬುದು ಕೌತುಕದ ಮೂಟೆ. ಇಲ್ಲಿನ ರಹಸ್ಯಗಳನ್ನು ಭೇದಿಸಲು ಸಾಧ್ಯವೇ ಇಲ್ಲ. ಹೀಗೆ ನಮ್ಮ ಎದುರು ಸದಾ ಅಚ್ಚರಿಯ ತಾಣವಾಗಿಯೇ ತೆರೆದುಕೊಳ್ಳುವ ಪ್ರಕೃತಿ ಒಂದೊಂದು ಸಲ ವಿಚಿತ್ರ, ವಿಲಕ್ಷಣ ಘಟನೆಗಳಿಗೂ ಸಾಕ್ಷಿಯಾಗುತ್ತದೆ. ಇದು ಕೂಡಾ ಅಂತಹದ್ದೇ ಒಂದು ಘಟನೆ.

ಸಮುದ್ರ ಎಂಬುದು ಬಹುತೇಕ ಎಲ್ಲರಿಗೂ ಕುತೂಹಲದ ಕೇಂದ್ರ. ಸಮುದ್ರದ ಆಳ, ಅಲ್ಲಿರುವ ಜೀವರಾಶಿಗಳ ಬಗ್ಗೆ ಸಾಮಾನ್ಯರಿಗೆ ಒಂದಷ್ಟು ಕುತೂಹಲ ಖಂಡಿತಾ ಇದ್ದೇ ಇರುತ್ತದೆ. ಇದರೊಂದಿಗೆ ಕೆಲ ದಂತಕತೆಗಳಲ್ಲಿ, ಸಿನೆಮಾಗಳಲ್ಲಿ ಸಮುದ್ರದೊಳಗೆ ಕೆಲ ಕಾಲ್ಪನಿಕ ಪ್ರಾಣಿಗಳನ್ನೂ ನೀವು ಕೇಳಿರಬಹುದು, ನೋಡಿರಬಹುದು. ಸದ್ಯ ವೈರಲ್ ಆಗುತ್ತಿರುವ ಫೋಟೋವನ್ನು ನೋಡಿದಾಗಲೂ ಈ ಕಾಲ್ಪನಿಕ ಪ್ರಾಣಿಗಳ ನೆನಪಾಗುತ್ತದೆ. ಆದರೆ, ಇದು ಕಲ್ಪನೆಯಲ್ಲ, ವಾಸ್ತವ. ಇಂಡೋನೇಷ್ಯಾದಲ್ಲಿ ಒಂದು ಕಣ್ಣಿನ ಶಾರ್ಕ್‌ ಮರಿ ಪತ್ತೆಯಾಗಿದೆ...! ಈ ಬಿಳಿಯ ಶಾರ್ಕ್‌ ಮರಿ ಈಗ ಸೋಶಿಯಲ್ ಮೀಡಿಯಾದಲ್ಲಿ ಎಲ್ಲರ ಕುತೂಹಲ ಕೆರಳಿಸಿದೆ.

Also Read : ಮಾಸ್ಕ್‌ ಬಗ್ಗೆ ಇರಲಿ ಜವಾಬ್ದಾರಿ : ನಿರ್ಲಕ್ಷ್ಯ ತೋರುವವರಿಗೆ ಈ ಹಕ್ಕಿ ಕಲಿಸುತ್ತಿದೆ ಪಾಠ!

ಲಭ್ಯ ಮಾಹಿತಿ ಪ್ರಕಾರ ಅಕ್ಟೋಬರ್ 10ರಂದು ಮಾಲುಕು ಪ್ರಾಂತ್ಯದ ಕರಾವಳಿಯಲ್ಲಿ ಈ ವಿಲಕ್ಷಣ ಶಾರ್ಕ್‌ ಪತ್ತೆಯಾಗಿದೆ. ಇಲ್ಲಿ ಮೀನುಗಾರರು ದೊಡ್ಡ ಶಾರ್ಕ್‌ ಹಿಡಿದಿದ್ದರು. ಸಾಮಾನ್ಯವಾಗಿ ಶಾರ್ಕ್‌ಗಳನ್ನು ಹಿಡಿದ ಬಳಿಕ ಅದನ್ನು ತುಂಡರಿಸಿ ಸ್ವಚ್ಛ ಮಾಡುವುದು ಕ್ರಮ. ಅಂತೆಯೇ, ಬಲೆಗೆ ಬಿದ್ದು ಸತ್ತ ಶಾರ್ಕ್‌ನ ಹೊಟ್ಟೆಯ ತ್ಯಾಜ್ಯಗಳನ್ನು ತೆಗೆಯುವಾಗ ಅದರೊಳಗೆ ಸಣ್ಣದೊಂದು ಮರಿ ಕಾಣಸಿಕ್ಕಿದೆ. ಈ ಮರಿ ವಿಚಿತ್ರವಾಗಿತ್ತು. ಯಾಕೆಂದರೆ, ಸತ್ತ ಈ ಮರಿಗೆ ಇದ್ದದ್ದು ಒಂದೇ ಕಣ್ಣು...!

Also Read : ಅಳುವ ಮಾಲಕಿಯನ್ನು ಸಂತೈಸುವ ಮುದ್ದು ಶ್ವಾನ : ಈ ಪ್ರೀತಿಗೆ ಕರಗದೆ ಇರುವವರಿಲ್ಲ

Also Read : ಬೆನ್ನು ನೋವಿನ ನಡುವೆಯೂ ದಿನಾ ರಸ್ತೆ ಬದಿಯ ಗಿಡಗಳಿಗೆ ನೀರುಣಿಸುವ 91 ವರ್ಷದ ಉತ್ಸಾಹಿ!

ತಲೆಯ ಮಧ್ಯಭಾಗದಲ್ಲಿ ಒಂದೇ ಒಂದು ಕಣ್ಣನ್ನು ಈ ಮರಿ ಹೊಂದಿತ್ತು. ಇದನ್ನು ನೋಡಿ ಮೀನುಗಾರರು ಒಂದು ಕ್ಷಣ ಅವಕ್ಕಾಗಿದ್ದರು. ಒಟ್ಟು ಮೂರು ಮರಿಗಳನ್ನು ಮೀನುಗಾರರು ದೊಡ್ಡ ಶಾರ್ಕ್‌ನ ಹೊಟ್ಟೆಯೊಳಗೆ ನೋಡಿದ್ದರು. `ಇದರಲ್ಲಿ ಒಂದು ಮರಿ ತುಂಬಾ ವಿಚಿತ್ರವಾಗಿತ್ತು. ಜೊತೆಗೆ, ಈ ಒಂದು ಕಣ್ಣಿನ ಶಾರ್ಕ್‌ ಮರಿಯ ಬಣ್ಣ ಕೂಡಾ ಸಾಮಾನ್ಯದಂತಿರಲಿಲ್ಲ' ಎಂದು ಮೀನುಗಾರರು ಹೇಳಿಕೊಂಡಿದ್ದಾರೆ. ವರದಿಗಳ ಪ್ರಕಾರ, ಮೀನುಗಾರರು ಈ ಅಪರೂಪದ ಮರಿ ಅಲ್ಬಿನೋ ಶಾರ್ಕ್‌ನ್ನು ಸ್ಥಳೀಯ ಅಧಿಕಾರಿಗಳಿಗೆ ಹಸ್ತಾಂತರಿಸಿದ್ದಾರೆ. ಸದ್ಯ ಈ ಫೋಟೋ ಸೋಶಿಯಲ್ ಮೀಡಿಯಾದಲ್ಲಿ ವೈರಲ್ ಆಗುತ್ತಿದೆ. ಈ ಫೋಟೋ ಕಂಡ ನೆಟ್ಟಿಗರು ಅಚ್ಚರಿಗೊಂಡಿದ್ದಾರೆ.