ಮನೆಯೊಳಗಿತ್ತು ಎರಡು ತಲೆಯ ಹಾವು...! : ಬೆಕ್ಕಿನ ಕಿತಾಪತಿಗೆ ಮಾಲಿಕರು ಸುಸ್ತು...!

ಬೆಕ್ಕುಗಳಿಗೆ ಬೇಟೆ ಎಂದರೆ ಬಲು ಇಷ್ಟ... ಇಲಿ ಶಿಕಾರಿಯಲ್ಲಿ ಮಾರ್ಜಾಲಗಳು ಎತ್ತಿದ ಕೈ. ಹಾಗಂತ, ಬೆಕ್ಕುಗಳು ಬರೀ ಇಲಿಗಳನ್ನಷ್ಟೇ ಹಿಡಿಯುವುದಿಲ್ಲ. ಮನಸ್ಸು ಮಾಡಿದರೆ ಸಣ್ಣ ಸಣ್ಣ ಹಾವುಗಳನ್ನು ಅರೆಜೀವನ ಮಾಡಿ ಆಟ ಆಡಿಸುತ್ತವೆ. ಮನೆಯಿಂದ ಹೊರಗೇ ಇರುವ ಒಂದಷ್ಟು ಬೆಕ್ಕುಗಳು ಆಗಾಗ ಹಾವುಗಳನ್ನು ಬೇಟೆಯಾಡುತ್ತವೆ. ಹೀಗೆ ಬೇಟೆಯಾಡಿದ ಹಾವನ್ನು ಇವುಗಳು ಮನೆಯೊಳಗೂ ತರುತ್ತವೆ. ಬೆಕ್ಕನ್ನು ಸಾಕಿರುವವರಿಗೆ ಒಮ್ಮೆಯಾದರೂ ಇಂತಹ ಅನುಭವ ಖಂಡಿತಾ ಆಗಿರುತ್ತದೆ. ಒಂದಷ್ಟು ಸಂದರ್ಭದಲ್ಲಿ ಸಂಪೂರ್ಣ ಸಾಯಿಸದೆ ಅರೆಜೀವ ಮಾಡಿ ಹಾವನ್ನು ಬೆಕ್ಕುಗಳು ಮನೆಯೊಳಗೆ ತರುವುದು ಕೂಡಾ ಇದೆ. ಅಂತೆಯೇ, ಈ ಮನೆಯಲ್ಲಿದ್ದ ಮಾಲಿಕರಿಗೂ ಈ ರೀತಿಯ ಅನುಭವವಾಗಿತ್ತು. ತಮ್ಮ ಪ್ರೀತಿಯ ಬೆಕ್ಕು ಹಾವನ್ನು ಬೇಟೆಯಾಡಿ ಮನೆಯೊಳಗೆ ತಂದಿತ್ತು. ಅದೂ ಅಲ್ಲದೆ, ಬಲು ಅಪರೂಪದ ಹಾವನ್ನೇ ಬೆಕ್ಕು ಬೇಟೆಯಾಡಿತ್ತು... ಯಾಕೆಂದರೆ, ಈ ಹಾವಿಗೆ ಎರಡು ತಲೆ ಇತ್ತು...!

ಎರಡು ತಲೆಗಳ ಹಾವಿನ ಫೋಟೋ, ವಿಡಿಯೋಗಳು ಆಗಾಗ ಸಾಮಾಜಿಕ ಮಾಧ್ಯಮಗಳಲ್ಲಿ ಕಾಣಸಿಗುತ್ತವೆ. ಹೆಚ್ಚಿನ ಸಂದರ್ಭಗಳಲ್ಲಿ ಈ ಹಾವು ಮನುಷ್ಯರ ಕಣ್ಣಿಗೆ ಬಿದ್ದಿರುತ್ತವೆ ಮತ್ತು ತಕ್ಷಣ ಇದನ್ನು ರಕ್ಷಿಸಲಾಗುತ್ತದೆ. ಆದರೆ, ಫ್ಲೋರಿಡಾದಲ್ಲಿ ಬೆಕ್ಕೊಂದು ಎರಡು ತಲೆಯ ಹಾವನ್ನು ಹಿಡಿದು ಮನೆಯೊಳಗೆ ತಂದಿದೆ. ಕೇ ರೋಜರ್ಸ್‌ ಎಂಬವರ ಮನೆಯಲ್ಲಿದ್ದ ಬೆಕ್ಕು ಹೊರಗಿನಿಂದ ತಂದ `ಗಿಫ್ಟ್‌' ಇದು...! ಹೊರಗಿನಿಂದ ತಂಡ ಈ ಹಾವನ್ನು ಬೆಕ್ಕು ಮನೆಯೊಳಗಿನ ಕಾರ್ಪೇಟ್ ಮೇಲೆ ಹಾಕಿತ್ತು.

Also Read : ಒಂದೇ ಉಂಗುರದಲ್ಲಿ ಅತೀ ಹೆಚ್ಚು ವಜ್ರಗಳ ಬಳಕೆ : ಗಿನ್ನಿಸ್ ದಾಖಲೆ ಬರೆದ ಅಪೂರ್ವ ಆಭರಣ

`ಅವಳು ನಮಗೆ ಎಲ್ಲಾ ಸಮಯದಲ್ಲೂ ಉಡುಗೊರೆಗಳನ್ನು ತರುತ್ತಾಳೆ. ಈ ದಿನ ನನ್ನ ಮಗಳು ನನಗೆ ಸಂದೇಶ ಕಳುಹಿಸಿದ್ದಳು. `ಅಮ್ಮಾ ಅವಳು ಹಾವನ್ನು ತಂದಿದ್ದಾಳೆ ಮತ್ತು ಇದಕ್ಕೆ ಎರಡು ತಲೆಗಳಿವೆ' ಎಂದು. ಅವಳು ಖಂಡಿತಾ ಸಾಹಸಿ ಬೆಕ್ಕು' ಎಂದು ಕೇ ರೋಜರ್ಸ್‌ ಮಾಧ್ಯಮವೊಂದಕ್ಕೆ ಮಾತನಾಡುತ್ತಾ ಹೇಳಿದ್ದಾರೆ.


ಹಾವನ್ನು ಕಂಡ ಬಳಿಕ ಕೇ ರೋಜರ್ಸ್ ಅವರ 13 ವರ್ಷದ ಮಗಳು ಈ ವಿಶಿಷ್ಟ ಸರೀಸೃಪವನ್ನು ಪ್ಲಾಸ್ಟಿಕ್ ಡಬ್ಬದಲ್ಲಿ ಇರಿಸಿದ್ದಳು. `ತನ್ನ ಮಗ ಮತ್ತು ಮಗಳು ಹಾವುಗಳ ಬಗ್ಗೆ ಕಲಿಯಲು ತುಂಬಾ ಇಷ್ಟಪಡುತ್ತಾರೆ' ಎಂದು ಕೇ ಹೇಳಿಕೊಂಡಿದ್ದಾರೆ.

Also Read : ಜೋಕಾಲಿಯಲ್ಲಿ ಶ್ವಾನದ ಖುಷಿ : ಇದು ಮನಸ್ಸಿಗೆ ಮುದ ನೀಡುವ ದೃಶ್ಯ

ಈ ಹಾವಿನ ಫೋಟೋವನ್ನು ಫ್ಲೋರಿಡಾ ಫಿಶ್ ಆಂಡ್ ವೈಲ್ಡ್‌ಲೈಫ್ ಕನ್ಸರ್ವೇಷನ್ (ಎಫ್‌ಡಬ್ಲ್ಯೂಸಿ) ತನ್ನ ಫೇಸ್‌ಬುಕ್‌ ಪುಟದಲ್ಲಿ ಹಂಚಿಕೊಂಡಿದೆ. ಭ್ರೂಣದ ಬೆಳವಣಿಗೆಯ ಸಮಯದಲ್ಲಿ ಎರಡು ಮೊನೊಜೈಗೋಟಿಕ್ ಅವಳಿಗಳು ಬೇರ್ಪಡಿಸಲು ವಿಫಲವಾದಾಗ ತಲೆಗಳು ಒಂದೇ ದೇಹದ ಮೇಲೆ ಸೇರಿಕೊಳ್ಳುತ್ತವೆ. ಇಂತಹ ಹಾವುಗಳು ಕಾಡಿನಲ್ಲಿ ಬದುಕುಳಿಯುವ ಸಾಧ್ಯತೆ ತುಂಬಾ ಕಡಿಮೆ' ಎಂದು ಇಲ್ಲಿ ವಿವರಣೆ ನೀಡಲಾಗಿದೆ. ಎರಡು ತಲೆಗಳನ್ನು ಹೊಂದಿರುವ ಹಾವುಗಳಲ್ಲಿ ಸಮನ್ವಯತೆ ಇರುವುದಿಲ್ಲ. ಒಂದು ತಲೆ ಒಂದು ಆಹಾರದತ್ತ ಸಾಗಿದರೆ, ಇನ್ನೊಂದು ತಲೆ ಬೇರೊಂದು ದಾರಿಯಲ್ಲಿ ಹೋಗುತ್ತದೆ. ಹೀಗಾಗಿ, ಇವುಗಳಿಗೆ ಚೆನ್ನಾಗಿ ಆಹಾರ ಪಡೆಯಲು ಸಾಧ್ಯವಾಗುವುದಿಲ್ಲ.

Also Read : ಆಶೀರ್ವಾದ ನೀಡುವಾಗ `ಹೈ ಫೈವ್' ನೀಡಿದ ಪುಟಾಣಿ : ಎಲ್ಲರ ಮೊಗದಲ್ಲೂ ನಗು ತಂದ ಮುಗ್ಧ ಕಂದ

ಪ್ರಸ್ತುತ ಎಫ್‌ಡಬ್ಲ್ಯೂಸಿ ಸಿಬ್ಬಂದಿ ಈ ಎರಡು ತಲೆಯ ಹಾವನ್ನು ನೋಡಿಕೊಳ್ಳುತ್ತಿದ್ದಾರೆ. ಸದ್ಯ ಈ ಫೋಟೋ ಸೋಶಿಯಲ್ ಮೀಡಿಯಾದಲ್ಲಿ ವೈರಲ್ ಆಗುತ್ತಿದೆ. ಅಲ್ಲದೆ, ಎಲ್ಲರೂ ಈ ಬಗ್ಗೆ ಅಚ್ಚರಿ ವ್ಯಕ್ತಪಡಿಸಿದ್ದಾರೆ.