ಹೆದ್ದಾರಿಯಲ್ಲಿ ಕಾರಿನ ಚಕ್ರದಲ್ಲಿ ಸುತ್ತಿಕೊಂಡ 14 ಅಡಿ ಉದ್ದದ ಹೆಬ್ಬಾವು! : ವಿಡಿಯೋ ವೈರಲ್
ಕಾರಿನ ಚಕ್ರದಲ್ಲಿ ಸುತ್ತಿಕೊಂಡಿದ್ದ ಬೃಹತ್ ಗಾತ್ರದ ಹೆಬ್ಬಾವಿನ ರಕ್ಷಣೆಯ ವಿಡಿಯೋ ಈಗ ವೈರಲ್ ಆಗುತ್ತಿದೆ. ಈ ಘಟನೆಯಿಂದ ಸುಮಾರು ಒಂದು ಗಂಟೆಗೂ ಹೆಚ್ಚು ಕಾಲ ಟ್ರಾಫಿಕ್ ಜಾಮ್ ಕೂಡಾ ಉಂಟಾಗಿತ್ತು.
Vijaya Karnataka Web 22 Sep 2020, 4:46 pm
ಇದೊಂದು ಭಯಾನಕ ಘಟನೆ. ಹೆಬ್ಬಾವೊಂದು ಹೆದ್ದಾರಿಯಲ್ಲಿಯೇ ಕಾರಿನ ಚಕ್ರದೊಳಗೆ ಸುತ್ತಿಕೊಂಡ ಘಟನೆ ಇದು. ಸಮಾಧಾನದ ವಿಷಯ ಏನೆಂದರೆ ಬಹಳ ಸೂಕ್ಷ್ಮ ಕಾರ್ಯಾಚರಣೆಯಲ್ಲಿ ಈ ಹೆಬ್ಬಾವನ್ನು ರಕ್ಷಿಸಲಾಗಿದೆ. ಆದರೆ, ಈ ರಕ್ಷಣೆಯ ವಿಡಿಯೋವನ್ನು ನೋಡಿದಾಗಲೇ ದಿಗಿಲಾಗುತ್ತದೆ.
ಇದು ಸೆರೆಯಾಗಿದ್ದು ಮುಂಬೈಯಲ್ಲಿ. ಮುಂಬೈನ ಈಸ್ಟರ್ನ್ ಎಕ್ಸ್ಪ್ರೆಸ್ ಹೆದ್ದಾರಿಯಲ್ಲಿ 14 ಅಡಿ ಉದ್ದದ ಹೆಬ್ಬಾವು ರಸ್ತೆ ದಾಟುತ್ತಿತ್ತು. ಹೀಗೆ ರಸ್ತೆ ದಾಟುತ್ತಿದ್ದ ಹೆಬ್ಬಾವು ಕಾರಿನ ಚಕ್ರದಲ್ಲಿ ಸುರುಳಿ ಸುತ್ತಿಕೊಂಡಿತ್ತು...! ಅಲ್ಲಿಂದ ಶುರುವಾಗಿತ್ತು ಆತಂಕದ ವಾತಾವರಣ...!
Also Read : ಮದುವೆ ದಿರಿಸಿನಲ್ಲಿದ್ದಾಗಲೇ ಮದುಮಗಳ ಫೈಟಿಂಗ್! : ಹೊಡೆದಾಟದ ವಿಡಿಯೋ ವೈರಲ್
ಅದು ಬೆಳಗ್ಗೆ ಸುಮಾರು ಹನ್ನೊಂದು ಗಂಟೆ ಸಮಯ. ಈ ವೇಳೆ, ಈ ಹೆಬ್ಬಾವು ರಸ್ತೆ ದಾಟಲು ಯತ್ನಿಸುತ್ತಿತ್ತು. ಇದನ್ನು ಕಂಡ ಕೆಲ ವಾಹನ ಸವಾರರು ಅಲ್ಲೇ ಕರ್ತವ್ಯದಲ್ಲಿದ್ದ ಪೊಲೀಸರಿಗೆ ಮಾಹಿತಿ ನೀಡಿದ್ದರು. ಇದು ಗೊತ್ತಾಗುತ್ತಿದ್ದಂತೆಯೇ ಕರ್ತವ್ಯದಲ್ಲಿದ್ದ ಟ್ರಾಫಿಕ್ ಪೊಲೀಸ್ ವಾಹನ ಸಂಚಾರವನ್ನು ನಿಲ್ಲಿಸಿದ್ದರು. ಈ ವೇಳೆ, ಲಾಸ್ಟ್ ಲೇನ್ನಲ್ಲಿದ್ದ ಒಂದು ಕಾರಿನ ಅಡಿಗೆ ಬಂದ ಹೆಬ್ಬಾವು ಒಂದು ಚಕ್ರದೊಳಗೆ ಹೋಗಿ ಸುರಳಿ ಹಾಕಿ ಕುಳಿತುಕೊಂಡಿತ್ತು...! ಹೀಗಾಗಿ, ತಕ್ಷಣ ಹಾವು ಎಲ್ಲಿದೆ ಎಂದೇ ಕಾಣಿಸುತ್ತಿರಲಿಲ್ಲ. ಹೆಬ್ಬಾವು ಸೇರಿಕೊಂಡಿದ್ದ ಕಾರನ್ನು ನಿಲ್ಲಿಸಿ ಇತರ ಲೇನ್ನಲ್ಲಿ ವಾಹನ ಸಂಚಾರಕ್ಕೆ ಅನುವು ಮಾಡಿಕೊಡಲಾಗಿತ್ತು. ಆದರೂ ಕೆಲ ಸವಾರರು `ಏನಾಯಿತು' ಎಂದು ನಿಂತು ಕುತೂಹಲದಿಂದ ನೋಡುತ್ತಿದ್ದುದರಿಂದ ಟ್ರಾಫಿಕ್ ಜಾಮ್ ಆಗಿತ್ತು. ಹೀಗಾಗಿ, ಸುಮಾರು ಹೊತ್ತು ಇಲ್ಲಿ ಸಂಚಾರದಲ್ಲಿ ವ್ಯತ್ಯಯ ಉಂಟಾಗಿತ್ತು.
Also Read : ಕ್ವಾರಂಟೈನ್ನಲ್ಲಿ ಇರುವ ಬದಲು ಸರ್ಫಿಂಗ್ ಮೋಜು ಮಸ್ತಿಯಲ್ಲಿ ತೊಡಗಿದ್ದ ಕೊರೊನಾ ಸೋಂಕಿತೆ...!
ಈ ನಡುವೆ ಉರಗರಕ್ಷಕರಿಗೂ ಮಾಹಿತಿ ನೀಡಲಾಗಿತ್ತು. ತಕ್ಷಣ ಸ್ಥಳಕ್ಕೆ ಬಂದ ಉರಗ ರಕ್ಷಕರು ಅತ್ಯಂತ ಜಾಗರೂಕತೆಯಿಂದ ಹಾವನ್ನು ಚಕ್ರದೊಳಗಿನಿಂದ ಬಿಡಿಸಿದ್ದರು. ಈ ಕಾರ್ಯಾಚರಣೆ ಸುಮಾರು ಅರ್ಧ ಗಂಟೆಗೂ ಅಧಿಕ ಹೊತ್ತು ನಡೆದಿತ್ತು. ಹೀಗೆ ತುಂಬಾ ಜಾಗರೂಕತೆಯಿಂದ ಹಾವನ್ನು ಹೊರತೆಗೆದ ಉರಗ ರಕ್ಷಕರು ಬಳಿಕ ಇದನ್ನು ಸುರಕ್ಷಿತವಾಗಿ ಕಾಡಿಗೆ ಕೊಂಡೊಯ್ದು ಬಿಟ್ಟಿದ್ದಾರೆ.
Also Read : ಅಭ್ಯಾಸದ ವೇಳೆ ಫುಟ್ಬಾಲ್ ಆಟಗಾರ್ತಿಯ ತಲೆ ಮೇಲೆ ಬಂದು ಕುಳಿತ ಗಿಳಿ...!
ಸದ್ಯ ಈ ವಿಡಿಯೋ ಸೋಶಿಯಲ್ ಮೀಡಿಯಾದಲ್ಲಿ ಹರಿದಾಡುತ್ತಿದೆ. ಈ ದೃಶ್ಯ ಕಂಡ ಎಲ್ಲರೂ ಒಂದು ಕ್ಷಣ ಶಾಕ್ ಆಗಿದ್ದಾರೆ. ಜೊತೆಗೆ, ಸಕಾಲದಲ್ಲಿ ಸ್ಪಂದಿಸಿದ ಪೊಲೀಸರು ಮತ್ತು ಉರಗರಕ್ಷಕರ ಕಾರ್ಯವನ್ನೂ ಜನ ಮುಕ್ತಕಂಠದಿಂದ ಶ್ಲಾಘಿಸಿದ್ದಾರೆ.
ಇದು ಸೆರೆಯಾಗಿದ್ದು ಮುಂಬೈಯಲ್ಲಿ. ಮುಂಬೈನ ಈಸ್ಟರ್ನ್ ಎಕ್ಸ್ಪ್ರೆಸ್ ಹೆದ್ದಾರಿಯಲ್ಲಿ 14 ಅಡಿ ಉದ್ದದ ಹೆಬ್ಬಾವು ರಸ್ತೆ ದಾಟುತ್ತಿತ್ತು. ಹೀಗೆ ರಸ್ತೆ ದಾಟುತ್ತಿದ್ದ ಹೆಬ್ಬಾವು ಕಾರಿನ ಚಕ್ರದಲ್ಲಿ ಸುರುಳಿ ಸುತ್ತಿಕೊಂಡಿತ್ತು...! ಅಲ್ಲಿಂದ ಶುರುವಾಗಿತ್ತು ಆತಂಕದ ವಾತಾವರಣ...!
Also Read : ಮದುವೆ ದಿರಿಸಿನಲ್ಲಿದ್ದಾಗಲೇ ಮದುಮಗಳ ಫೈಟಿಂಗ್! : ಹೊಡೆದಾಟದ ವಿಡಿಯೋ ವೈರಲ್
ಅದು ಬೆಳಗ್ಗೆ ಸುಮಾರು ಹನ್ನೊಂದು ಗಂಟೆ ಸಮಯ. ಈ ವೇಳೆ, ಈ ಹೆಬ್ಬಾವು ರಸ್ತೆ ದಾಟಲು ಯತ್ನಿಸುತ್ತಿತ್ತು. ಇದನ್ನು ಕಂಡ ಕೆಲ ವಾಹನ ಸವಾರರು ಅಲ್ಲೇ ಕರ್ತವ್ಯದಲ್ಲಿದ್ದ ಪೊಲೀಸರಿಗೆ ಮಾಹಿತಿ ನೀಡಿದ್ದರು. ಇದು ಗೊತ್ತಾಗುತ್ತಿದ್ದಂತೆಯೇ ಕರ್ತವ್ಯದಲ್ಲಿದ್ದ ಟ್ರಾಫಿಕ್ ಪೊಲೀಸ್ ವಾಹನ ಸಂಚಾರವನ್ನು ನಿಲ್ಲಿಸಿದ್ದರು. ಈ ವೇಳೆ, ಲಾಸ್ಟ್ ಲೇನ್ನಲ್ಲಿದ್ದ ಒಂದು ಕಾರಿನ ಅಡಿಗೆ ಬಂದ ಹೆಬ್ಬಾವು ಒಂದು ಚಕ್ರದೊಳಗೆ ಹೋಗಿ ಸುರಳಿ ಹಾಕಿ ಕುಳಿತುಕೊಂಡಿತ್ತು...! ಹೀಗಾಗಿ, ತಕ್ಷಣ ಹಾವು ಎಲ್ಲಿದೆ ಎಂದೇ ಕಾಣಿಸುತ್ತಿರಲಿಲ್ಲ. ಹೆಬ್ಬಾವು ಸೇರಿಕೊಂಡಿದ್ದ ಕಾರನ್ನು ನಿಲ್ಲಿಸಿ ಇತರ ಲೇನ್ನಲ್ಲಿ ವಾಹನ ಸಂಚಾರಕ್ಕೆ ಅನುವು ಮಾಡಿಕೊಡಲಾಗಿತ್ತು. ಆದರೂ ಕೆಲ ಸವಾರರು `ಏನಾಯಿತು' ಎಂದು ನಿಂತು ಕುತೂಹಲದಿಂದ ನೋಡುತ್ತಿದ್ದುದರಿಂದ ಟ್ರಾಫಿಕ್ ಜಾಮ್ ಆಗಿತ್ತು. ಹೀಗಾಗಿ, ಸುಮಾರು ಹೊತ್ತು ಇಲ್ಲಿ ಸಂಚಾರದಲ್ಲಿ ವ್ಯತ್ಯಯ ಉಂಟಾಗಿತ್ತು.
Also Read : ಕ್ವಾರಂಟೈನ್ನಲ್ಲಿ ಇರುವ ಬದಲು ಸರ್ಫಿಂಗ್ ಮೋಜು ಮಸ್ತಿಯಲ್ಲಿ ತೊಡಗಿದ್ದ ಕೊರೊನಾ ಸೋಂಕಿತೆ...!
ಈ ನಡುವೆ ಉರಗರಕ್ಷಕರಿಗೂ ಮಾಹಿತಿ ನೀಡಲಾಗಿತ್ತು. ತಕ್ಷಣ ಸ್ಥಳಕ್ಕೆ ಬಂದ ಉರಗ ರಕ್ಷಕರು ಅತ್ಯಂತ ಜಾಗರೂಕತೆಯಿಂದ ಹಾವನ್ನು ಚಕ್ರದೊಳಗಿನಿಂದ ಬಿಡಿಸಿದ್ದರು. ಈ ಕಾರ್ಯಾಚರಣೆ ಸುಮಾರು ಅರ್ಧ ಗಂಟೆಗೂ ಅಧಿಕ ಹೊತ್ತು ನಡೆದಿತ್ತು. ಹೀಗೆ ತುಂಬಾ ಜಾಗರೂಕತೆಯಿಂದ ಹಾವನ್ನು ಹೊರತೆಗೆದ ಉರಗ ರಕ್ಷಕರು ಬಳಿಕ ಇದನ್ನು ಸುರಕ್ಷಿತವಾಗಿ ಕಾಡಿಗೆ ಕೊಂಡೊಯ್ದು ಬಿಟ್ಟಿದ್ದಾರೆ.
Also Read : ಅಭ್ಯಾಸದ ವೇಳೆ ಫುಟ್ಬಾಲ್ ಆಟಗಾರ್ತಿಯ ತಲೆ ಮೇಲೆ ಬಂದು ಕುಳಿತ ಗಿಳಿ...!
ಸದ್ಯ ಈ ವಿಡಿಯೋ ಸೋಶಿಯಲ್ ಮೀಡಿಯಾದಲ್ಲಿ ಹರಿದಾಡುತ್ತಿದೆ. ಈ ದೃಶ್ಯ ಕಂಡ ಎಲ್ಲರೂ ಒಂದು ಕ್ಷಣ ಶಾಕ್ ಆಗಿದ್ದಾರೆ. ಜೊತೆಗೆ, ಸಕಾಲದಲ್ಲಿ ಸ್ಪಂದಿಸಿದ ಪೊಲೀಸರು ಮತ್ತು ಉರಗರಕ್ಷಕರ ಕಾರ್ಯವನ್ನೂ ಜನ ಮುಕ್ತಕಂಠದಿಂದ ಶ್ಲಾಘಿಸಿದ್ದಾರೆ.