ಅಬ್ಬಬ್ಬಾ...! ಹೀಗೂ ಮಾಡ್ತಾರಾ? : ಕೊರೊನಾ ಭಯದಲ್ಲಿ ಈಕೆ ಮಾಡಿದ್ದೇನು ಗೊತ್ತಾ...?
ಕೊರೊನಾ ವೈರಸ್ ಸೃಷ್ಟಿಸಿರುವ ಭೀತಿ ಅಷ್ಟಿಷ್ಟಲ್ಲ. ಹೀಗಾಗಿ, ಜನ ಈಗ ಎಲ್ಲವನ್ನೂ ಅನುಮಾನದಿಂದಲೇ ನೋಡುವಂತಹ ಪರಿಸ್ಥಿತಿ ಬಂದಿದೆ.
ಕೊರೊನಾ ಭಯ...!
| Representative image | Image by ivabalk from Pixabay
ಬಹುಶಃ ಇತ್ತೀಚಿನ ದಶಕದಲ್ಲಿ ಯಾರೂ ಈ ಪರಿ ಹೆದರಿರಲಿಕ್ಕಿಲ್ಲ. ಈಗ ಇಡೀ ವಿಶ್ವವೇ ಭಯದ ನೆರಳಲ್ಲೇ ಬದುಕುತ್ತಿದೆ. ಕಾರಣ, ಕೊರೊನಾ ವೈರಸ್. ಬಹುತೇಕ ರಾಷ್ಟ್ರಗಳು ಕೊರೊನಾ ವೈರಸ್ ಕಾರಣಕ್ಕೇ ಲಾಕ್ಡೌನ್ ಆಗಿವೆ. ಜನ ಮನೆಯಿಂದ ಹೊರ ಬರುವುದಕ್ಕೇ ಹೆದರುತ್ತಿದ್ದಾರೆ. ಒಂದೊಮ್ಮೆ ಅಗತ್ಯ ವಸ್ತುಗಳನ್ನು ಕೊಳ್ಳಲು ಹೋದಾಗಲೂ ಬಲು ಎಚ್ಚರಿಕೆಯಿಂದ, ಬಲು ಹೆದರಿಕೆಯಿಂದಲೇ ಜನ ಹೆಜ್ಜೆ ಇಡುತ್ತಾರೆ. ಯಾಕೆಂದರೆ, ಈ ವೈರಸ್ ಯಾರಿಂದ ಮತ್ತು ಯಾವ ವಸ್ತುವನ್ನು ಮುಟ್ಟುವುದರಿಂದ ನಮ್ಮೊಳಗೆ ಪ್ರವೇಶವಾಗುತ್ತದೆ ಎಂದು ಊಹಿಸುವುದೂ ಕಷ್ಟ. ಅದರಲ್ಲೂ ಈಗೀಗ ಕುಷೇಷ್ಟೆ ಬುದ್ಧಿಯ ಕೆಲವರು ಮಾಲ್ಗಳಲ್ಲಿ ಬೇಕೆಂದೇ ಒಂದಷ್ಟು ವಸ್ತುಗಳನ್ನು ನೆಕ್ಕಿ ಜೈಲು ಸೇರಿದ್ದೂ ಇದೆ. ಇಂತಹ ವಿಕೃತರು ಹೆಚ್ಚಾಗುತ್ತಿದ್ದಂತೆಯೇ ಜನರಿಗೆ ಮಳಿಗೆಗಳಲ್ಲಿ ಸಿಗುವ ಅಗತ್ಯವಸ್ತುಗಳ ಬಗೆಗೂ ಅನುಮಾನ ಶುರುವಾಗಿದೆ. ಇದೇ ಅನುಮಾನ ಅದೆಷ್ಟರ ಮಟ್ಟಿಗೆ ಹೋಗಿದೆ ಎನ್ನುವುದಕ್ಕೆ ಸಾಕ್ಷಿ ಇದು.
Also Read : ಜ್ವಾಲಾಮುಖಿ ಮೇಲೆ ತಂತಿಯಲ್ಲಿ ನಡಿಗೆ! : ಎದೆ ಗಟ್ಟಿ ಮಾಡಿಕೊಂಡೇ ಈ ವಿಡಿಯೋ ನೋಡಬೇಕು!
ಆಹಾರ ವಸ್ತುಗಳನ್ನು ಟಬ್ನಲ್ಲಿ ಮುಳುಗಿಸಿದ ಮಹಿಳೆ...!
| Image Credit : Evie Lancaster/Twitter
ಕೆಲವರ ಕುಚೇಷ್ಟೆ ಬುದ್ಧಿ ಮತ್ತು ಕೊರೊನಾ ಸೋಂಕಿತರು ಮುಟ್ಟಿದ್ದಾರೋ ಏನೋ ಎಂಬ ಭಯದಲ್ಲಿ ಈಗೀಗ ಸೂಪರ್ ಮಾರ್ಕೆಟ್ನಿಂದ ಕೊಳ್ಳುವ ಆಹಾರ ವಸ್ತುಗಳನ್ನೂ ಅನುಮಾನದಿಂದಲೇ ನೋಡುವಂತಾಗಿದೆ. ಅದೂ ಅಲ್ಲದೆ, ಇತ್ತೀಚೆಗೆ ಸೂಪರ್ ಮಾರ್ಕೆಟ್ನಲ್ಲಿ ಮಹಿಳೆಯೊಬ್ಬಳು ಉದ್ದೇಶಪೂರ್ವಕವಾಗಿ ವಸ್ತುಗಳ ಮೇಲೆ ಕೆಮ್ಮಿ ಸುಮಾರು 26 ಲಕ್ಷ ಮೌಲ್ಯದ ಆಹಾರೋತ್ಪನ್ನಗಳನ್ನು ಎಸೆಯುವಂತೆ ಮಾಡಿ ಜೈಲು ಸೇರಿದ್ದಳು. ಬಹುಶಃ ಇಂತಹ ಸುದ್ದಿಗಳನ್ನು ಇಲ್ಲೊಬ್ಬರು ಮಹಿಳೆಯೂ ಕೇಳಿರಬೇಕು ಅಥವಾ ತಮ್ಮ ಮನಸ್ಸಿನಲ್ಲೇ ಇಂತಹದ್ದೊಂದು ಭಯದ ಯೋಚನೆ ಬಂದಿರಬಹುದು. ಇದೇ ಕಾರಣಕ್ಕೆ ಈ ಮಹಿಳೆ ಸೂಪರ್ ಮಾರ್ಕೆಟ್ನಿಂದ ತಂದ ಎಲ್ಲಾ ವಸ್ತುಗಳನ್ನು ಬಾತ್ ಟಬ್ನಲ್ಲಿ ಸಾಬೂಬಿನ ನೀರಿನಲ್ಲಿ ಹಾಕಿ ಒಂದಷ್ಟು ಹೊತ್ತು ನೆನೆಸಿ ಇಟ್ಟಿದ್ದಾರೆ...!
Also Read : ಯುವತಿಯ ಬದುಕಿನ ಖುಷಿಯನ್ನೇ ನುಂಗಿದ ಟ್ಯಾಟೂ...!
ಮಹಿಳೆಯ ಪುತ್ರಿ ಮಾಡಿರುವ ಟ್ವೀಟ್
ಐಸ್ಕ್ರೀಮ್, ಚೀಸ್ ಕೂಡಾ ಟಬ್ಗೆ ಹಾಕಿದ್ದರು...!
| Representative image | Image by Ljusetitunneln from Pixabay.jpg
ತನ್ನ ತಾಯಿಯ ಈ `ಎಚ್ಚರಿಕಾ ಕ್ರಮ'ದ ಫೋಟೋ ತೆಗೆದು ಮಗಳು ಟ್ವಿಟ್ಟರ್ನಲ್ಲಿ ಅಪ್ಲೋಡ್ ಮಾಡಿದ್ದಾರೆ. ಹಾಗಂತ, ಇವರು ಬರೀ ಹಣ್ಣು, ತರಕಾರಿಯಂತಹ ವಸ್ತುಗಳನ್ನು ಮಾತ್ರ ಹೀಗೆ ನೀರಿನಲ್ಲಿ ನೆನೆ ಹಾಕಿದ್ದಲ್ಲ. ಐಸ್ಕ್ರೀಮ್, ಚೀಸ್ ಪ್ಯಾಕೇಟ್ಗಳೂ ಶುದ್ಧವಾಗಲಿ ಎಂದು ನೀರಿನೊಳಗೆ ಹಾಕಿದ್ದರು...! ಈ ಫೋಟೋವನ್ನು ಪುತ್ರಿ ತನ್ನ ಟ್ವಿಟ್ಟರ್ ಖಾತೆಯಲ್ಲಿ ಹಂಚಿಕೊಂಡಿದ್ದೇ ತಡ ಇದು ಎಲ್ಲರ ಗಮನ ಸೆಳೆದಿದೆ. ಫೇಸ್ಬುಕ್, ವಾಟ್ಸ್ಆಪ್ ಸೇರಿದಂತೆ ವಿವಿಧ ಸಾಮಾಜಿಕ ಮಾಧ್ಯಮಗಳಲ್ಲೂ ಈ ಫೋಟೋ ಹರಿದಾಡುತ್ತಿದೆ. ಜೊತೆಗೆ, ಹಲವರು ಹಲವು ರೀತಿಯಲ್ಲಿ ಕಮೆಂಟ್ಗಳನ್ನು ಹಾಕಿ ಖುಷಿಪಟ್ಟಿದ್ದಾರೆ.
Also Read : ಈ ಮಹಿಳೆಯ ಹೊಟ್ಟೆಯಲ್ಲಿ ಉತ್ಪತ್ತಿಯಾಗುತ್ತಿದೆ ಆಲ್ಕೋಹಾಲ್...!
ಟ್ವೀಟ್ಗೆ ನೆಟ್ಟಿಗರ ಪ್ರತಿಕ್ರಿಯೆ
ಇದೇ ಮೊದಲೇನು ಅಲ್ಲ...!
| Representative image | Image by moerschy from Pixabay.jpg
ಹಾಗಂತ, ಹೀಗೆ ಚಿತ್ರವಿಚಿತ್ರ ಮುನ್ನೆಚ್ಚರಿಕಾ ಕ್ರಮಗಳನ್ನು ಕೈಗೊಂಡು ಸುದ್ದಿಯಾಗುತ್ತಿರುವುದು ಇದೇ ಮೊದಲೇನು ಅಲ್ಲ. ಈ ಹಿಂದೆ ಚೀನಾದಲ್ಲಿ ಲೀ ಎಂಬ ಮಹಿಳೆಯೊಬ್ಬರು ಬ್ಯಾಂಕಿನಿಂದ ಡ್ರಾ ಮಾಡಿಕೊಂಡು ಬಂದಿದ್ದ ಹಣವನ್ನು ಮೈಕ್ರೋಓವನ್ನಲ್ಲಿಟ್ಟು ಬಿಸಿ ಮಾಡಿದ್ದರು. ಹೀಗೆ ಬಿಸಿ ಮಾಡಿದರೆ ವೈರಸ್ಗಳು ಸಾಯತ್ತವೆ ಎಂಬ ಕಲ್ಪನೆ ಇವರದ್ದಾಗಿತ್ತು. ಆದರೆ, ಇವರು ಯೋಚಿಸಿದ್ದಕ್ಕಿಂತ ಪರಿಸ್ಥಿತಿ ಇಲ್ಲಿ ಸಂಪೂರ್ಣ ಉಲ್ಟಾ ಆಗಿತ್ತು. ಯಾಕೆಂದರೆ, ಅವರು ಇಟ್ಟಿದ್ದ ನೋಟಿನ ಕಂತೆಗೇ ಬೆಂಕಿ ಬಿದ್ದಿತ್ತು. ಇದಾದ ಬಳಿಕ ಯುನಿವರ್ಸಿಟಿ ಪ್ರೊಫೆಸರ್ ಒಬ್ಬರು ಪರೀಕ್ಷೆಯ ಉತ್ತರ ಪತ್ರಿಕೆ ಮೇಲೆ ಇಂತಹದ್ದೇ ಪ್ರಯೋಗ ಮಾಡಲು ಹೋಗಿ ಸಂಕಷ್ಟಕ್ಕೆ ಸಿಲುಕಿದ್ದರು. ಹೀಗೆ, ಜನ ಏನೋ ಮಾಡಲು ಹೋಗಿ ಇನ್ನೇನೋ ಆಗುತ್ತಿದೆ. ಹಾಗಂತ, ಇದು ತಪ್ಪೆಂದು ನಾವು ಸಾರಾಸಗಟಾಗಿ ಹೇಳುವಂತಿಲ್ಲ. ಪಾಪ, ಅವರ ಭಯ ಸಹಜವಾಗಿದ್ದೇ... ಅಲ್ವಾ...?