ಫಿಲ್ಮಿ ಶೈಲಿಯಲ್ಲಿ ಮೊಬೈಲ್ ಫೋನ್ ಕಳ್ಳನನ್ನು ಒಂಟಿಯಾಗಿ ಹಿಡಿದ ಎಸ್‌ಐ : ಸಾಹಸ ದೃಶ್ಯ ಕ್ಯಾಮೆರಾದಲ್ಲಿ ಸೆರೆ

ಆ ಕಳ್ಳರು ಕದ್ದ ಬೈಕ್‌ನಲ್ಲಿ ಮೊಬೈಲ್ ಫೋನ್ ಕಸಿದು ಪರಾರಿಯಾಗಲು ಹೊಂಚು ಹಾಕುತ್ತಿದ್ದರು. ಈ ಕಿರಾತಕರನ್ನು ಪೊಲೀಸ್ ಅಧಿಕಾರಿಯೊಬ್ಬರು ನೋಡಿದ್ದರು... ಅಲ್ಲಿಂದ ಶುರುವಾಗಿತ್ತು ಚೇಸಿಂಗ್...!

ಥೇಟ್ ಸಿನಿಮಾ ಶೈಲಿಯ ದೃಶ್ಯವಿದು. ಆಕ್ಷನ್ ಸಿನೆಮಾಗಳಲ್ಲಿ ಹೀರೋ ಚೇಸ್ ಮಾಡಿ ಅಪರಾಧಿಗಳನ್ನು ಹಿಡಿಯುವ ದೃಶ್ಯ ಕೆಲವೊಮ್ಮೆ ನೋಡುಗರನ್ನು ಥಿಯೇಟರ್ ಚೇರ್ ತುದಿಗೆ ತಂದು ನಿಲ್ಲಿಸುತ್ತದೆ. ಇದು ಕೂಡಾ ಅಂತಹದ್ದೇ ಒಂದು ದೃಶ್ಯ. ಆದರೆ, ಇದು ರೀಲ್ ಅಲ್ಲ, ರಿಯಲ್...

Also Read : ಯುವ ಜನರ ಯಶಸ್ಸಿಗೆ ನೆರವಾಗುತ್ತವೆ ಈ 6 ಸೂತ್ರಗಳು : ವೈರಲ್ ಆಯ್ತು ಉದ್ಯಮಿಯೊಬ್ಬರ ಟ್ವೀಟ್

ತಮಿಳುನಾಡಿನಲ್ಲಿ ಸೆರೆಯಾದ ದೃಶ್ಯವಿದು. ಪೊಲೀಸ್ ಅಧಿಕಾರಿಯೊಬ್ಬರು ಮೊಬೈಲ್ ಫೋನ್ ಕಸಿದು ಪರಾರಿಯಾಗುತ್ತಿದ್ದ ಕಳ್ಳರನ್ನು ಬೆನ್ನಟ್ಟಿ ಒಂಟಿಯಾಗಿಯೇ ಹಿಡಿದಿದ್ದಾರೆ. ಈ ಸಾಹಸ ದೃಶ್ಯ ಸಿಸಿ ಕ್ಯಾಮೆರಾದಲ್ಲಿ ಸೆರೆಯಾಗಿದೆ. ಎಸ್‌ಐ ಆಂಟಿಲ್ನ್‌ ರಮೇಶ್ ಅವರ ಸಾಹಸದ ದೃಶ್ಯವಿದು. ರಮೇಶ್ ಬೈಕ್‌ನಲ್ಲಿ ಹೋಗುತ್ತಿದ್ದಾಗ ಕಳ್ಳರು ಕದ್ದ ಬೈಕ್‌ನಲ್ಲಿ ಮೊಬೈಲ್ ಫೋನ್ ಕಳ್ಳತನದಲ್ಲಿ ತೊಡಗಿದ್ದರು. ಈ ವೇಳೆ, ಇವರನ್ನು ಬೆನ್ನಟ್ಟಿದ್ದ ರಮೇಶ್ ಒಬ್ಬನ್ನು ಹಿಡಿದಿದ್ದಾರೆ. ಆಗ ಒಬ್ಬ ಮಾತ್ರ ಆ ಕ್ಷಣಕ್ಕೆ ಪರಾರಿಯಾಗುವಲ್ಲಿ ಯಶಸ್ವಿಯಾಗಿದ್ದ. ಆದರೆ, ಇನ್ನೊಬ್ಬನನ್ನು ಹಿಡಿಯುವಾಗ ಆ ಕಳ್ಳ ಬೈಕ್ ಚಲಾಯಿಸಿಕೊಂಡು ಸ್ವಲ್ಪ ದೂರ ಹೋಗಿದ್ದಾನೆ. ಆದರೂ ಬಿಡದ ರಮೇಶ್ ಈತನನ್ನು ಹಿಡಿಯುವಲ್ಲಿ ಸಕ್ಸಸ್ ಆಗಿದ್ದಾರೆ.

Also Read : Thanksgiving : ಬಾಹ್ಯಾಕಾಶದಿಂದಲೇ `ಕೃತಜ್ಞತೆ' ಹೇಳಿದ ಗಗನಯಾತ್ರಿಗಳು : ವಿಡಿಯೋ ವೈರಲ್

Also Read : ಐಪ್ಯಾಡ್, ಸ್ನ್ಯಾಕ್ಸ್‌ನೊಂದಿಗೆ `ರಹಸ್ಯ ತಾಣ'ದಲ್ಲಿ ಕುಳಿತಿದ್ದ 2 ವರ್ಷದ ಮಗನನ್ನು ಕಂಡುಹಿಡಿದ ತಾಯಿ!

ಈ ದೃಶ್ಯವನ್ನು ಅಲ್ಲಿದ್ದವರು ಬಲು ಕುತೂಹಲದಿಂದ ನೋಡುತ್ತಿದ್ದರು. ಈತ ಸೆರೆ ಸಿಕ್ಕಿದ್ದರಿಂದ ಬಾಕಿ ಮೂವರು ಸರಗಳ್ಳರು ಕೂಡಾ ಸಿಕ್ಕಿಬಿದ್ದಿದ್ದಾರೆ. ಇವರಿಂದ 11 ಕದ್ದ ಮೊಬೈಲ್ ಫೋನ್‌ಗಳನ್ನು ವಶಕ್ಕೆ ಪಡೆಯಲಾಗಿದೆ. ಸದ್ಯ ಈ ವಿಡಿಯೋ ಸೋಶಿಯಲ್ ಮೀಡಿಯಾದಲ್ಲಿ ವೈರಲ್ ಆಗುತ್ತಿದೆ. ಯುಟ್ಯೂಬ್, ಟ್ವಿಟ್ಟರ್ ಸೇರಿದಂತೆ ಹಲವು ಮಾಧ್ಯಮಗಳಲ್ಲಿ ಈ ವಿಡಿಯೋ ಹರಿದಾಡುತ್ತಿದ್ದು, ಎಲ್ಲರೂ ಈ ಖಡಕ್ ಅಧಿಕಾರಿಯ ಶೌರ್ಯವನ್ನು ಕೊಂಡಾಡಿದ್ದಾರೆ.