8ನೇ ಮಹಡಿಯಲ್ಲಿ ಇದೆಂಥಾ ಹುಚ್ಚಾಟ? ಇದು ಬೆಚ್ಚಿಬೀಳಿಸುವ ದೃಶ್ಯ

ಜೋಕಾಲಿಯಾಡುವಾಗ ಬಲು ಎಚ್ಚರಿಕೆಯಿಂದ ಇರಬೇಕು... ಯಾಕೆಂದರೆ, ಕೆಲವೊಮ್ಮೆ ಈ ಜೋಕಾಲಿಯಾಟದಿಂದಲೇ ಅವಘಡಗಳು ನಡೆದಿದ್ದಿದೆ. ಅಂತೆಯೇ, ಈ ವಿಡಿಯೋವನ್ನು ನೋಡಿದಾಗಲೂ ಇದೆ ಭಯವಾಗುತ್ತದೆ..!

Also Read : ಕರಡಿಗೆ ನೀರಾಟದ ಖುಷಿ, ಹೇಗಿದೆ ಗೊತ್ತಾ ಹದ್ದಿನ ಸೂಕ್ಷ್ಮ ದೃಷ್ಟಿ?: ಇದು ಅದ್ಭುತ ವಿಡಿಯೋ ಗುಚ್ಛ

ಬಹುದೊಡ್ಡ ಅಪಾರ್ಟಮೆಂಟ್ ಅದು. ಈ ಅಪಾರ್ಟಮೆಂಟಿನ 8ನೇ ಮಹಡಿಯ ಕುಟುಂಬದ ವಿರುದ್ಧ ಈಗ ಎಲ್ಲರೂ ಗರಂ ಆಗಿದ್ದಾರೆ. ಜನರ ಈ ಸಿಟ್ಟಿಗೆ ಕಾರಣವೂ ಇದೆ. ಅದೇನೆಂದರೆ ಯಾವುದೇ ಸುರಕ್ಷತೆ ಇಲ್ಲದೆ 8ನೇ ಮಹಡಿಯ ಬಾಲ್ಕನಿಯಲ್ಲಿ ಹೆಣ್ಣು ಮಗುವನ್ನು ತಂದೆ ಜೋಕಾಲಿ ಆಡಿಸುವ ದೃಶ್ಯ ಈಗ ವೈರಲ್ ಆಗುತ್ತಿದೆ. ಅದೂ ಮನೆಯ ಛಾವಣಿ ಮುಟ್ಟುವಷ್ಟು ಮಗು ಜೋಕಾಲಿಯಲ್ಲಿ ತೂಗುತ್ತಿರುತ್ತಾಳೆ. ಈ ದೃಶ್ಯವನ್ನು ನೋಡಿದಾಗಲೇ ಎದೆ ಬಡಿತ ನಿಂತಂತಹ ಅನುಭವವಾಗುತ್ತದೆ.

Also Read : ಗೊರಕೆ ಹೊಡೆಯುವ ಗಜರಾಜ! ತಂದೆಯೊಂದಿಗೆ ಮರಿಯ ಆಟ! : ವನ್ಯಲೋಕದಲ್ಲೊಂದು ರೌಂಡ್ಸ್‌

ಹೀಗೆ ಜೋಕಾಲಿ ಆಡುವಾಗ ಯಾವುದೇ ಸುರಕ್ಷತಾ ಕ್ರಮ ಅನುಸರಿಸಿದಂತಿಲ್ಲ. ಅದೂ ಅಲ್ಲದೆ, ಬಲು ವೇಗವಾಗಿ ಜೋಕಾಲಿಯನ್ನು ತೂಗಲಾಗುತ್ತಿತ್ತು. ಹೀಗಾಗಿ, ಏನಾದರೂ ಅನಾಹುತ ಸಂಭವಿಸದರೆ ಗತಿಯನು ಎಂದು ನೆಟ್ಟಿಗರು ಕಳವಳ ವ್ಯಕ್ತಪಡಿಸಿದ್ದಾರೆ. ಮೂರ್ನಾಲ್ಕು ದಿನಗಳ ಹಿಂದೆ ಈ ವಿಡಿಯೋ ರೆಡ್ಡಿಟ್‌ನಲ್ಲಿ ಅಪ್ಲೋಡ್ ಆಗಿತ್ತು. ರೆಡ್ಡಿಟ್‌ನಲ್ಲಿ ಕೆಲವರು ಹಾಕಿದ ಕಮೆಂಟ್ಸ್‌ ಪ್ರಕಾರ ಇದು ಪೆಟ್ರೋ ರಿಕೋ ಎಂಬಲ್ಲಿ ನಡೆದ ಘಟನೆಯಂತೆ. ಇದೀಗ ವಿವಿಧ ಸಾಮಾಜಿಕ ಮಾಧ್ಯಮಗಳಲ್ಲಿ ಈ ವಿಡಿಯೋ ಹರಿದಾಡುತ್ತಿದೆ. ಅಲ್ಲದೆ, ಮಗುವಿನ ಜೀವದೊಂದಿಗೆ ಚೆಲ್ಲಾಟವಾಡುವ ತಂದೆಯ ವಿರುದ್ಧ ಎಲ್ಲರೂ ಕಿಡಿಕಾರಿದ್ದಾರೆ.

Also Read : ಈ ಅಪ್ಪ, ಮಗಳು ಕಸ ಎಸೆಯಲು ಹೋಗುವ ದೃಶ್ಯವನ್ನು ನೋಡಲು ಕಾಯುತ್ತಿರುತ್ತಾರೆ ಜನ

ಪತ್ರಕರ್ತರಾದ ಜೋನಾಥನ್ ಪಡಿಲ್ಲಾ ಮೊದಲು ಈ ವಿಡಿಯೋವನ್ನು ಶೂಟ್ ಮಾಡಿ ಅಪ್ಲೋಡ್ ಮಾಡಿದ್ದರು. ಅಲ್ಲದೆ, ಯಾವುದೇ ಸುರಕ್ಷತಾ ಸಾಧನವನ್ನು ಬಳಸದೆ ಇವರು ಮಗುವನ್ನು ಹೀಗೆ ಜೋಕಾಲಿ ಆಟ ಆಡಿಸುತ್ತಿದ್ದರು ಎಂದು ಇವರು ಬರೆದುಕೊಂಡಿದ್ದರು. ಇದೀಗ ಇದೇ ಫೋಟೋ ಬೇರೆ ಬೇರೆ ಸಾಮಾಜಿಕ ಮಾಧ್ಯಮಗಲ್ಲಿ ಹರಿದಾಡುತ್ತಿದೆ.