Caught On Camera : ಕಾರಿನಡಿಯಲ್ಲಿ ಸಿಲುಕಿದ್ದ ಯುವತಿಯ ರಕ್ಷಣೆಗೆ ಸಾಹಸ...!

ಮತ್ತೊಬ್ಬರ ಕಷ್ಟಕ್ಕೆ ಸ್ಪಂದಿಸಿದಾಗ ಸಿಗುವ ಆತ್ಮತೃಪ್ತಿ ಬೇರೆ ಯಾವುದರಲ್ಲೂ ಸಿಗದು. ಕಷ್ಟಕ್ಕೆ ಸ್ಪಂದಿಸುವ ಗುಣ ಎಲ್ಲರಲ್ಲೂ ಇದ್ದರೆ ಸಮಾಜ ಸುಂದರವಾಗಿರುತ್ತದೆ. ಇದು ಕೂಡಾ ಅಂತಹದ್ದೇ ಒಂದು ವಿಡಿಯೋ. ಈ ವಿಡಿಯೋ ನೋಡಿದಾಗ ಹೃದಯ ತುಂಬಿ ಬರುತ್ತದೆ. ಯುವತಿಯೊಬ್ಬಳ ರಕ್ಷಣೆಗೆ ಅಲ್ಲಿದ್ದ ಜನರೆಲ್ಲಾ ತೋರಿದ ಪ್ರಯತ್ನ ಎಂತಹವರಿಗೂ ಒಂದು ಮಾದರಿ, ಸ್ಫೂರ್ತಿ.

Also Read : Beautiful Friendship : ಪ್ರತಿದಿನ ಬೆಳಗ್ಗೆ ಕುದುರೆಗೆ ಕ್ಯಾರೆಟ್ ತಂದುಕೊಡುವ ಶ್ವಾನ!

ಇದು ಪೂರ್ವ ಚೀನಾದ ಹ್ಯಾಂಗ್‌ಝೂನ ಹೆದ್ದಾರಿಯಲ್ಲಿ ಸೆರೆಯಾದ ದೃಶ್ಯ. ಇಲ್ಲೊಂದು ಕಡೆ ದ್ವಿಚಕ್ರ ವಾಹನದಲ್ಲಿ ಸಾಗುತ್ತಿದ್ದ ಯುವತಿ ಆಯ ತಪ್ಪಿ ಕಾರಿನಡಿಗೆ ಬಿದ್ದಿದ್ದಳು. ಇದನ್ನು ನೋಡಿ ಅಲ್ಲಿದ್ದ ಡೆಲಿವರಿ ಹುಡುಗರು ಒಂದು ಕ್ಷಣ ಬೆಚ್ಚಿಬಿದ್ದರೂ, ತಕ್ಷಣ ಆಕೆಯ ರಕ್ಷಣೆಗೆ ಇವರೆಲ್ಲಾ ಧಾವಿಸಿದ್ದರು. ಈ ಯುವಕರ ತಂಡ ಅರೆಕ್ಷಣವೂ ಯೋಚಿಸದೆ ಯುವತಿಯ ರಕ್ಷಣೆಗೆ ಮುಂದಾಗಿತ್ತು. ಘಟನೆ ನಡೆಯುತ್ತಲೇ ಓಡಿ ಬಂದ ಯುವಕರೆಲ್ಲಾ ಸೇರಿ ಕಾರನ್ನು ಎತ್ತಿ ಯುವತಿಯನ್ನು ಕಾರಿನಡಿಯಿಂದ ಹೊರಗೆ ತೆಗೆದಿದ್ದಾರೆ. ಈ ದೃಶ್ಯ ಟ್ರಾಫಿಕ್ ಸಿಗ್ನಲ್‌ನಲ್ಲಿದ್ದ ಸಿಸಿ ಕ್ಯಾಮೆರಾದಲ್ಲಿ ಸೆರೆಯಾಗಿದ್ದು, ಇದನ್ನು ಕಂಡಾಗ ಹೃದಯವೇ ನಿಂತಂತಾಗುತ್ತದೆ.

Also Read : ನೀರಿನಲ್ಲಿ ಮುಳುಗಿ ಮರಿಗಳನ್ನು ರಕ್ಷಿಸುವ ತಾಯಿ ಇಲಿ : ಇದು ಹೃದಯ ಕರಗಿಸುವ ದೃಶ್ಯ

Also Read : ಆಸ್ಪತ್ರೆಯಲ್ಲಿರುವ ಕಂದನಿಗೆ 1000 ಕಿ.ಮೀ ದೂರದಿಂದ ಎದೆಹಾಲು ಕಳುಹಿಸುತ್ತಿದ್ದಾರೆ ತಾಯಿ!

ಸುಮಾರು 11 ಸೆಕೆಂಡುಗಳ ಈ ವಿಡಿಯೋವನ್ನು ಪೀಪಲ್ಸ್‌ ಡೈಲಿ ತನ್ನ ಸಾಮಾಜಿಕ ಮಾಧ್ಯಮ ಖಾತೆಯಲ್ಲಿ ಹಂಚಿಕೊಂಡಿದೆ. ಆದರೆ, ಯುವತಿಗೆ ಯಾವ ಪ್ರಮಾಣದಲ್ಲಿ ಗಾಯಗಳಾಗಿದೆ ಎಂದು ಗೊತ್ತಾಗಿಲ್ಲ. ಸದ್ಯ ಈ ವಿಡಿಯೋ ವೈರಲ್ ಆಗುತ್ತಿದೆ. ಅಲ್ಲದೆ, ಯುವತಿಯ ಕಷ್ಟಕ್ಕೆ ತಕ್ಷಣ ಸ್ಪಂದಿಸಿ ಆಕೆಯ ಜೀವ ಉಳಿಸುವ ಕಾರ್ಯ ಮಾಡಿದ ಈ ಯುವಕರ ತಂಡವನ್ನು ನೆಟ್ಟಿಗರು ಮುಕ್ತಕಂಠದಿಂದ ಶ್ಲಾಘಿಸಿದ್ದಾರೆ. ನಿಜಕ್ಕೂ ಯುವಕರ ಈ ನಡೆ ಮಾದರಿಯಾಗಿರುವಂತಹದ್ದು. ಇದೇ ಕಾರಣಕ್ಕೆ ಈ ಹೃದಯವಂತರೆಲ್ಲಾ ಅಭಿನಂದನಾರ್ಹರು.