ಅಬ್ಬಬ್ಬಾ! ಅದೇನ್ ಜಂಪ್ : ಚಿರತೆಯ ಈ ಸಾಮರ್ಥ್ಯ ನಿಜಕ್ಕೂ ಬೆರಗು ಮೂಡಿಸುತ್ತದೆ!

ಕಾಡು ಎಂಬುದು ಅದ್ಭುತ ಜಗತ್ತು... ವನ್ಯಲೋಕದಲ್ಲಿ ಹಲವಾರು ಅಚ್ಚರಿಗಳಿವೆ... ಇಲ್ಲಿರುವ ಕೆಲ ಪ್ರಾಣಿಗಳ ಶಕ್ತಿ, ಸಾಮರ್ಥ್ಯ ಒಂದು ಕ್ಷಣ ಎಲ್ಲರಲ್ಲೂ ದಿಗ್ಭ್ರಮೆ ಮೂಡಿಸುತ್ತವೆ. ಈ ರೀತಿಯ ಅನೇಕ ವಿಡಿಯೋಗಳು ಆಗಾಗ ಸೋಶಿಯಲ್ ಮೀಡಿಯಾದಲ್ಲಿ ವೈರಲ್ ಆಗುತ್ತಲೇ ಇರುತ್ತದೆ. ಇದು ಕೂಡಾ ಅಂತಹದ್ದೇ ಒಂದು ವಿಡಿಯೋ. ಈ ವಿಡಿಯೋ ನೋಡಿದರೆ ನಿಜಕ್ಕೂ ಅಚ್ಚರಿಯಾಗುತ್ತದೆ.

ಚಿರತೆಗಳು ಬೇಟೆಯಲ್ಲಿ ಮಾಸ್ಟರ್‌ಗಳು. ಹೊಂಚು ಹಾಕಿ ದಾಳಿ ಮಾಡುವುದರಲ್ಲಿ ಚಿರತೆಗಳು ಪರಿಣತ ಪ್ರಾಣಿಗಳು. ಇಂತಹ ಚಿರತೆಗಳು ಒಮ್ಮೊಮ್ಮೆ ಕಾಡು ಬಿಟ್ಟು ನಾಡಿನತ್ತ ಬೇಟೆಗೆ ಬರುತ್ತವೆ. ಮನೆಯ ಅಂಗಳಕ್ಕೇ ನುಗ್ಗುವ ಚಿರತೆಗಳು ಕೆಲವೊಮ್ಮೆ ದನ, ಶ್ವಾನ, ಬೆಕ್ಕುಗಳನ್ನು ಹಿಡಿದು ತಿನ್ನುತ್ತವೆ. ಈ ರೀತಿಯ ಅನೇಕ ವಿಡಿಯೋಗಳು ಈಗಾಗಲೇ ಸಾಮಾಜಿಕ ಮಾಧ್ಯಮಗಳಲ್ಲಿ ವೈರಲ್ ಆಗುತ್ತಿದೆ. ಅವುಗಳಲ್ಲಿ ಕೆಲವು ವಿಡಿಯೋಗಳು ಎದೆಯನ್ನೇ ಧಗ್ ಎನಿಸುತ್ತವೆ. ಇದು ಕೂಡಾ ಅಂತಹದ್ದೇ ಒಂದು ವಿಡಿಯೋ.

Also Read : ಮೊಮ್ಮಗನೊಂದಿಗೆ ಅಜ್ಜಿಯ ಗರ್ಬಾ ಡಾನ್ಸ್‌ : ವೃದ್ಧೆಯ ಜೀವನೋತ್ಸಾಹಕ್ಕೆ ನೆಟ್ಟಿಗರು ಫಿದಾ

ಆ ಚಿರತೆ ಮನೆಯೊಂದರ ಬಳಿ ಬಂದಿತ್ತು. ಅಲ್ಲಿ ಅದಕ್ಕೆ ತನ್ನ ಬೇಟೆ ಕಾಣಿಸಿತ್ತು. ಸಿಸಿ ಕ್ಯಾಮೆರಾ ದೃಶ್ಯವನ್ನು ಕಂಡಾಗ ಅದು ಬೆಕ್ಕಿನಂತೆ ಕಾಣುತ್ತಿದೆ. ಹೀಗೆ ಬೇಟೆಯನ್ನು ಕಂಡ ತಕ್ಷಣ ಚಿರತೆ ಅದನ್ನು ಬೆನ್ನಟ್ಟಿತ್ತು. ಹೀಗೆ ಬೆನ್ನಟ್ಟುವಾಗ ಪ್ರಾಣ ಭಯದಲ್ಲಿ ಆ ಸಣ್ಣ ಜೀವ ಓಡಿತ್ತು. ಮನೆಯ ಎದುರಿನ ಗೇಟ್‌ನ ಒಳಭಾಗದಲ್ಲಿ ನುಸುಳಿ ಆ ಸಣ್ಣ ಪ್ರಾಣಿ ಓಡಿದರೆ, ಚಿರತೆ ಚಂಗನೆ ನೆಗೆದಿತ್ತು. ಈ ಜಂಪ್ ಅದ್ಭುತ...! ಅಷ್ಟು ಎತ್ತರದಿಂದ, ಅಷ್ಟು ಅಂತರವನ್ನಿಟ್ಟುಕೊಂಡು ಈ ಚಿರತೆ ನೆಗೆದಿತ್ತು. ಇದೇ ಈ ಕ್ಲಿಪ್‌ನ ಅಪೂರ್ವ ದೃಶ್ಯ.


Also Read : ಒಂದೇ ಉಂಗುರದಲ್ಲಿ ಅತೀ ಹೆಚ್ಚು ವಜ್ರಗಳ ಬಳಕೆ : ಗಿನ್ನಿಸ್ ದಾಖಲೆ ಬರೆದ ಅಪೂರ್ವ ಆಭರಣ

ಚಿರತೆ ಜಂಪ್ ಮಾಡುವ ಈ ವಿಡಿಯೋ ಈಗ ಸೋಶಿಯಲ್ ಮೀಡಿಯಾದಲ್ಲಿ ಭರ್ಜರಿಯಾಗಿ ವೈರಲ್ ಆಗುತ್ತಿದೆ. ಎಲ್ಲರೂ ಈ ದೃಶ್ಯವನ್ನು ಕಂಡು ಚಕಿತರಾಗಿದ್ದಾರೆ. ಜೊತೆಗೆ, ಈ `ಬೇಟೆ'ಯ ಬಗ್ಗೆ ಚರ್ಚೆಯನ್ನೂ ನಡೆಸುತ್ತಿದ್ದಾರೆ. ಕೆಲವರು ಚಿರತೆ ಬೇಟೆಯನ್ನು ಹಿಡಿಯುವಲ್ಲಿ ಸಕ್ಸಸ್ ಆಗಿದೆ ಎಂದು ಹೇಳಿದರೆ, ಇನ್ನು ಕೆಲವರು ಸಿಸಿ ಕ್ಯಾಮೆರಾದಲ್ಲಿ ಸೂಕ್ಷ್ಮ ವಿಷಯಗಳ ಬಗ್ಗೆ ಗಮನ ಎಲ್ಲರ ಸೆಳೆದಿದ್ದಾರೆ. ಚಿರತೆಯಿಂದ ಓಡುವ ಆ ಪ್ರಾಣಿ ಗೇಟಿನ ಮೂಲಕ ಹಾದು ಬಲಭಾಗಕ್ಕೆ ಸಾಗಿದರೆ, ಗೇಟಿನಿಂದ ಜಿಗಿಯುವ ಚಿರತೆ ನೇರವಾಗಿ ಹೋದಂತೆ ಕಾಣುತ್ತದೆ. ಹೀಗಾಗಿ, ಆ ಪ್ರಾಣಿ ಚಿರತೆಯಿಂದ ತಪ್ಪಿಸಿಕೊಂಡಿದೆ ಎಂಬುದು ಒಂದಷ್ಟು ಜನರ ಅಭಿಪ್ರಾಯ.


Also Read : ಹೊಂಚು ಹಾಕಿ ದಾಳಿ ಮಾಡುವ ಮಂಗ! ದೇವಸ್ಥಾನಕ್ಕೆ ಬಂದ ಈ ಮಹಿಳೆಗೆ ಸಂಕಟ!

ಆದರೆ, ಚಿರತೆ ಬೇಟೆಯಲ್ಲಿ ಯಶಸ್ವಿಯಾಯಿತೋ? ವಿಫಲವಾಯಿತೋ ಎಂಬುದಕ್ಕಿಂತಲೂ ಈ ದೃಶ್ಯವಂತೂ ಅದ್ಭುತವಾಗಿದೆ. ಇದೇ ಕಾರಣಕ್ಕೆ ಈ ದೃಶ್ಯ ಈಗ ಎಲ್ಲರ ಗಮನ ಸೆಳೆದಿದೆ.