ಪಿಜ್ಜಾ ರೆಸ್ಟೋರೆಂಟಿಗೆ ಬಂದ `ಸ್ಟೈಡರ್‌ಮ್ಯಾನ್' ಮಾಡಿದ್ದೇನು ಗೊತ್ತಾ...?

ಆತ ವಿಚಿತ್ರ ಮುಖವಾಡ ತೊಟ್ಟು ಅಲ್ಲಿಗೆ ಬಂದಿದ್ದ. ಹೀಗಾಗಿ, ಅಲ್ಲಿದ್ದ ಸಿಬ್ಬಂದಿಗೆ ಈತನ ವಿಲಕ್ಷಣ ಗೆಟಪ್‌ನಿಂದಲೇ ಅನುಮಾನ ಬಂದಿತ್ತು. ಆದರೆ, ಅಷ್ಟರಲ್ಲಿ ಕಾಲ ಮಿಂಚಿ ಹೋಗಿತ್ತು. ಈ ಸಿಬ್ಬಂದಿ ನಿರೀಕ್ಷಿಯೇ ಇರದಂತಹ ಘಟನೆ ನಡೆದು ಹೋಗಿತ್ತು.

Also Read : ಅಪ್ಪ ನಾನು ನಿಮ್ಮನ್ನು ಮಿಸ್ ಮಾಡುತ್ತಿಲ್ಲ! : ಪ್ರಧಾನಿ ಶೇರ್ ಮಾಡಿದ ವಿಡಿಯೋವೀಗ ವೈರಲ್!

ಇದೊಂದು ದರೋಡೆ ಕತೆ. ಅಮೇರಿಕಾದ ಅರಿಝೋನಾದ ಪಿನಲ್ ಕೌಂಟಿಯ ಸ್ಯಾನ್‌ಟಾನ್ ವ್ಯಾಲಿಯಲ್ಲಿ ನಡೆದ ದರೋಡೆ ದೃಶ್ಯವಿದು. ಇಲ್ಲಿ ಸ್ಪೈಡರ್‌ಮ್ಯಾನ್ ಮುಖವಾಡ ತೊಟ್ಟು ಪಿಜ್ಜಾ ರೆಸ್ಟೋರೆಂಟಿಗೆ ಬಂದ ದರೋಡೆಕೋರನೊಬ್ಬ ಪಿಸ್ತೂಲ್ ತೋರಿಸಿ ಸಿಬ್ಬಂದಿಯನ್ನು ಬೆದರಿಸಿ ಹಣದೊಂದಿಗೆ ಪರಾರಿಯಾಗಿದ್ದಾನೆ.

Also Read : ಮಾರುಕಟ್ಟೆಯಲ್ಲಿ ಕಾಡುಕೋಣದ ವಿಹಾರ : ರಾಜ್ಯದಲ್ಲಿ ಸೆರೆಯಾದ ವಿಡಿಯೋ ವೈರಲ್

ಈ ದರೋಡೆಯ ದೃಶ್ಯ ಪಿಜ್ಜಾ ರೆಸ್ಟೋರೆಂಟಿನ ಸಿಸಿ ಕ್ಯಾಮೆರಾದಲ್ಲಿ ಸೆರೆಯಾಗಿದೆ. ಈ ವಿಡಿಯೋವನ್ನು ಪಿನಲ್ ಕೌಂಟಿ ಶೆರಿಫ್ ಕಚೇರಿ ತನ್ನ ಅಧಿಕೃತ ಟ್ವಿಟ್ಟರ್ ಖಾತೆಯಲ್ಲಿ ಹಂಚಿಕೊಂಡಿದೆ.

Also Read : ಮೊನ್ನೆ ಭಾರತ, ಈಗ ಲಂಡನ್ : ವೈದ್ಯರಿಗೆ, ಸಿಬ್ಬಂದಿಗೆ ಚಪ್ಪಾಳೆಯ ಧನ್ಯವಾದ

ಕಡುಬಣ್ಣದ ಬಟ್ಟೆ ಮತ್ತು ಸ್ಪೈಡರ್ ಮ್ಯಾನ್ ಮುಖವಾಡ ತೊಟ್ಟು ಈ ದರೋಡೆಕೋರ ಪಿಜ್ಜಾ ರೆಸ್ಟೋರೆಂಟ್‌ನ ಹಿಂಬದಿಯ ಬಾಗಿಲಿನ ಮೂಲಕ ಒಳನುಗ್ಗಿದ್ದ. ಹೀಗೆ ಬಂದವನೇ ಪಿಸ್ತೂಲ್ ತೋರಿಸಿ ಓರ್ವ ಸಿಬ್ಬಂದಿಯನ್ನು ನೆಲದಲ್ಲಿ ಮಲಗುವಂತೆ ಹೇಳಿದ್ದ. ಬಳಿಕ ಬಾಕಿಯವರಲ್ಲಿ ಹಣವನ್ನು ತನಗೆ ತಂದೊಪ್ಪಿಸುವಂತೆ ಬೆದರಿಸಿದ್ದ. ಹೀಗೆ ಒಂದಷ್ಟು ಹೊತ್ತುಗಳ ಕಾಲ ಸಿಬ್ಬಂದಿಯನ್ನು ಕಾಡಿಸಿ ಕೈಗೆ ಸಿಕ್ಕ 300 ಅಮೇರಿಕನ್ ಡಾಲರ್ ಅಂದರೆ ಭಾರತದ ಸುಮಾರು ಇಪ್ಪತ್ತೆರಡು ಸಾವಿರ ರೂಪಾಯಿಯನ್ನು ಈತ ಕದ್ದೊಯ್ದಿದ್ದಾನೆ.

ಸದ್ಯ ತನಿಖಾಧಿಕಾರಿಗಳು ಈ ದರೋಡೆಕೋರನಿಗಾಗಿ ಶೋಧ ನಡೆಸುತ್ತಿದ್ದಾರೆ. ಜೊತೆಗೆ, ಈತನ ಪತ್ತೆಗೆ ಜನರ ನೆರವೂ ಯಾಚಿಸಿದ್ದಾರೆ. ಈತನನ್ನು ಕಂಡರೆ ತಕ್ಷಣ ಮಾಹಿತಿ ನೀಡುವಂತೆ ಕೋರಿಕೊಂಡಿದ್ದಾರೆ. ಆದರೆ, ಪಕ್ಕಾ ಫಿಲ್ಮಿ ಸ್ಟೈಲ್‌ನಲ್ಲಿ ನಡೆದಿದ್ದ ಈ ದರೋಡೆಯ ದೃಶ್ಯವಿಗ ಸಾಮಾಜಿಕ ಮಾಧ್ಯಮಗಳಲ್ಲಿ ಭರ್ಜರಿಯಾಗಿಯೇ ವೈರಲ್ ಆಗುತ್ತಿದೆ.