ಪಕ್ಕಾ ಫಿಲ್ಮಿ ಸ್ಟೈಲ್‌ನಲ್ಲಿ ಟ್ರಕ್ ಚೇಸ್ ಮಾಡಿದ ಪೊಲೀಸರು : ಸಖತ್ತಾಗಿದೆ ವಿಡಿಯೋ

ಒಂದು ಟ್ರಕ್... ಹಿಂಬದಿಯಿಂದ ಪೊಲೀಸರು... ಸಖತ್ ಫೈಟಿಂಗ್... ಇಂತಹ ದೃಶ್ಯಗಳು ಬರೀ ಸಿನೆಮಾದಲ್ಲಿ ಮಾತ್ರ ನೋಡಲು ಸಾಧ್ಯ. ನಿಜಜೀವನದಲ್ಲಿ ಇಂತಹ ಕಾರ್ಯಾಚರಣೆಗಳು ನಡೆದರೂ ಅದು ಕ್ಯಾಮೆರಾದಲ್ಲಿ ಸೆರೆಯಾಗುವುದು ತೀರಾ ಅಪರೂಪ. ಆದರೆ, ಸದ್ಯ ಇಂತಹ ಅಪರೂಪದ ದೃಶ್ಯವೊಂದು ಕ್ಯಾಮೆರಾದಲ್ಲಿ ಸೆರೆಯಾಗಿದ್ದು, ಸಾಮಾಜಿಕ ಮಾಧ್ಯಮಗಳಲ್ಲಿ ವೈರಲ್ ಆಗುತ್ತಿದೆ.

Also Read : ಬಲು ಚಾಣಾಕ್ಷ್ಯ! : ಯುವತಿಗೆ ಫೋನ್ ನಂಬರ್ ಕೊಡಲು ಈತ ಮಾಡಿದ್ದೇನು ಗೊತ್ತಾ?

ಇದು ಕೆನಡಾದ ಬ್ರಾಂಪ್ಟನ್‌ನಲ್ಲಿ ಸೆರೆಯಾದ ದೃಶ್ಯ. ಹಲವು ಪ್ರಕರಣಗಳಲ್ಲಿ ಬೇಕಾಗಿದ್ದ, ಪೊಲೀಸರಿಗೇ ಚಳ್ಳೇಹಣ್ಣು ತಿನ್ನಿಸಿ ಓಡಾಡುತ್ತಿದ್ದ 33 ವರ್ಷದ ಯುವಕನನ್ನು ಪೊಲೀಸರು ಬೆನ್ನಟ್ಟಿ ಹಿಡಿದಿದ್ದಾರೆ. ಟ್ರಕ್‌ನಲ್ಲಿ ಈತ ಸಾಗುತ್ತಿದ್ದಾನೆ ಎಂಬ ಸುಳಿವು ಸಿಗುತ್ತಿದ್ದಂತೆಯೇ ಕಾರ್ಯಾಚರಣೆಗೆ ಇಳಿದಿದ್ದ ಪೊಲೀಸರು ಹಲವಾರು ವಾಹನಗಳಲ್ಲಿ ಆರೋಪಿ ಇದ್ದ ಟ್ರಕ್ಕನ್ನು ಬೆನ್ನಟ್ಟಿದ್ದರು. ಅದು ಪಕ್ಕಾ ಫಿಲ್ಮೀ ಸ್ಟೈಲ್ ಕಾರ್ಯಾಚರಣೆ. ಇದೇ ಹೆದ್ದಾರಿಯಲ್ಲಿ ಸಾಗುತ್ತಿದ್ದ ದಂಪತಿ ಈ ವಿಡಿಯೋವನ್ನು ಸೆರೆಹಿಡಿದಿದ್ದಾರೆ.

Also Read : ಬೇಕಿತ್ತಾ ಇದೆಲ್ಲಾ...? ಸುಮ್ಮನೆ ದೂರದಲ್ಲಿ ನಿಂತಿದ್ದರೂ ಏನೂ ಆಗುತ್ತಿರಲಿಲ್ಲ...!


ಟೊರೊಂಟೊದಿಂದ ಮನೆಗೆ ಪ್ರಯಾಣಿಸುತ್ತಿದ್ದ ಸರ್ನಿಯಾದ ದಂಪತಿ ಈ ಚೇಸಿಂಗ್ ದೃಶ್ಯ ಕಂಡು ಒಂದು ಕ್ಷಣ ಹೌಹಾರಿದ್ದರು. ಕಾರಿನಲ್ಲಿದ್ದ ಮಹಿಳೆ ಆತಂಕದಲ್ಲಿ ಮಾತನಾಡುವ ಆಡಿಯೋ ಕೂಡಾ ರೆಕಾರ್ಡ್ ಆಗಿದೆ. ಜೇ ಮ್ಯಾಕ್ ಆಲೆ ವಾಹನ ಚಲಾಯಿಸುತ್ತಿದ್ದರೆ, ಇವರ ಪತ್ನಿ ಒಲಿವಿಯಾ ತಮ್ಮ ಮೊಬೈಲ್ ಫೋನ್‌ನಲ್ಲಿ ಈ ಚೇಸಿಂಗ್ ದೃಶ್ಯವನ್ನು ಸೆರೆ ಹಿಡಿದಿದ್ದು, ಈ ವಿಡಿಯೋ ಈಗ ಸಾಮಾಜಿಕ ಮಾಧ್ಯಮಗಳಲ್ಲಿ ವೈರಲ್ ಆಗುತ್ತಿದೆ.

Also Read : ಬಿಎಂಡಬ್ಲ್ಯೂ ಕಾರಿನೊಂದಿಗೆ ಕಳ್ಳರು ಪರಾರಿ : ಕಳ್ಳತನದ ಹಿಂದಿದೆ ಎಣ್ಣೆ ಕತೆ...!

ಬೃಹತ್ ಟ್ರಕ್ಕನ್ನು ಸುಮಾರು 10 ಪೊಲೀಸ್ ವಾಹನಗಳು ಸುತ್ತುವರಿದಿದ್ದವು. ತುಂಬಾ ಹೊತ್ತು ಈ ಆಪರೇಷನ್ ನಡೆದಿತ್ತು. ಕೊನೆಗೆ ಟ್ರಕ್ ಚಾಲಕನ ನಿಯಂತ್ರಣ ಕಳೆದುಕೊಂಡು ಹೆದ್ದಾರಿಯ ಪಕ್ಕದಲ್ಲಿ ಬಂದು ನಿಂತಿತ್ತು. ಇದಾದ ಬಳಿಕ ಪೊಲೀಸರು ಆರೋಪಿಯನ್ನು ಸೆರೆ ಹಿಡಿದಿದ್ದಾರೆ. ಆರೋಪಿ ಚಲಾಯಿಸುತ್ತಿದ್ದದ್ದು ಗ್ರೇಟರ್ ಟೊರೆಂಟೋ ಪ್ರದೇಶದಲ್ಲಿ ಕಳ್ಳತನವಾಗಿದ್ದ ಟ್ರಕ್ ಎಂದು ಅಧಿಕಾರಿಗಳು ತಿಳಿಸಿದ್ದಾರೆ.