ಟ್ರ್ಯಾಂಪೊಲೈನ್‌ನಲ್ಲಿ ಜಂಪ್ ಮಾಡಿ ಕೆಳಗೆ ಇಳಿಯುವಾಗ ಕೈ ಪಕ್ಕನೇ ಇತ್ತು ಹಾವು...!

ಕೆಲವೊಂದು ಪರಿಸ್ಥಿತಿ ಹೇಗಿರುತ್ತದೆ ಎಂದರೆ ನಾವು ನಿರೀಕ್ಷೆಯೇ ಮಾಡದೇ ಇರುವಂತಹ ಸನ್ನಿವೇಶಗಳು ಧುತ್ತನೆ ಎದುರಾಗಿ ಬಿಡುತ್ತವೆ. ಹೀಗೆ ಎದುರಾಗುವ ಸನ್ನಿವೇಶಗಳಲ್ಲಿ ಅಪರೂಪಕ್ಕೊಮ್ಮೆ ಒಳ್ಳೆಯದಿದ್ದರೆ, ಒಂದಷ್ಟು ಸಂದರ್ಭದಲ್ಲಿ ಕೆಟ್ಟದೇ ಆಗಿರುತ್ತದೆ. ಕೆಲವೊಮ್ಮೆ ಎದೆಯೇ ನಡುಗಿಸುವಂತಹ ಸಂದರ್ಭ ಎದುರಾಗಿ ನಾವು ತಬ್ಬಿಬ್ಬಾಗುವುದು ಕೂಡಾ ಇದೆ. ಇಂಟರ್‌ನೆಟ್‌ನಲ್ಲಿ ಜಾಲಾಡಿದರೆ ಇಂತಹ ಬೇಕಾದಷ್ಟು `ಭಯಾನಕ' ವಿಡಿಯೋಗಳು ಕಾಣಸಿಗುತ್ತವೆ. ಸದ್ಯ ಇಂತಹದ್ದೇ ಮತ್ತೊಂದು ವಿಡಿಯೋ ಸೋಶಿಯಲ್ ಮೀಡಿಯಾದಲ್ಲಿ ವೈರಲ್ ಆಗುತ್ತಿದೆ.

Also Read : ಈ ಬಾಲಕ ಪರೀಕ್ಷೆಗೆ ಹೇಗೆ ಸಿದ್ಧವಾಗುತ್ತಿದ್ದಾನೆ ನೋಡಿ!: ಇದು ಖುಷಿ ಕೊಡುವ ವಿಡಿಯೋ

ಆ ಉತ್ಸಾಹಿ ಯುವಕ ಹೊರಾಂಗಣದಲ್ಲಿರುವ ಟ್ರ್ಯಾಂಪೊಲೈನ್‌ನಲ್ಲಿ ಮೈ ಮರೆತು ಜಂಪ್ ಮಾಡುತ್ತಿದ್ದರು. ಇವರು ಮೇಲೆ ಹಾರುವ ದೃಶ್ಯವೂ ಅದ್ಭುತವಾಗಿತ್ತು. ಇವರ ಅದ್ಭುತ ಕೌಶಲ್ಯವನ್ನು ಬೆರಗುಗಣ್ಣಿನಿಂದ ನೋಡುತ್ತಿರುವಾಗಲೇ ಅಲ್ಲಿ ಬೇರೊಂದು ಪರಿಸ್ಥಿತಿ ಎದುರಾಗಿತ್ತು. ಸ್ವತಃ ಆ ಯುವಕನೇ ಜೀವ ಭಯದಲ್ಲಿ ಟ್ರ್ಯಾಂಪೊಲೈನ್‌ನಿಂದ ಓಡಿ ಹೊರಗೆ ಬಂದಿದ್ದರು... ಕಾರಣ ಅವರ ಕೈಯ ಸಮೀಪದಲ್ಲೇ ಇದ್ದ ಹಾವು...!

Also Read : ನೋಡ ನೋಡುತ್ತಿದ್ದಂತೆಯೇ ಸಮುದ್ರ ಸೇರಿದ ಮನೆಗಳು! : ಇದು ಭಯಾನಕ ವಿಡಿಯೋ


skatinggraham ಎಂಬ ಇನ್‌ಸ್ಟಾಗ್ರಾಂ ಖಾತೆಯಲ್ಲಿ ಈ ವಿಡಿಯೋವನ್ನು ಶೇರ್ ಮಾಡಲಾಗಿದೆ. ಜಂಪ್ ಮಾಡುತ್ತಿದ್ದ ಯುವಕ ಹಾವು ಕಂಡೊಡನೆ ಭಯದಿಂದ ಕಿರುಚಾಡಿ ಓಡುವ ದೃಶ್ಯವೂ ಇಲ್ಲಿ ಸೆರೆಯಾಗಿದೆ. ಬಹುಶಃ ಈ ಹಾವು ಟ್ರ್ಯಾಂಪೊಲೈನ್‌ನೊಳಗೆ ಅಡಗಿ ವಿಶ್ರಾಂತಿ ಪಡೆಯುತ್ತಿರಬಹುದು. ಆದರೆ, ಯುವಕ ಹಾರುತ್ತಿದ್ದಂತೆಯೇ ಟ್ರ್ಯಾಂಪೊಲೈನ್‌ನಲ್ಲಿ ಕಂಪನ ಶುರುವಾಗುತ್ತಿದ್ದಂತೆಯೇ ಈ ಹಾವು ಕೂಡಾ ಭಯದಲ್ಲಿ ಓಡಿದೆ. ಹಾವು ಓಡುವ ಮತ್ತು ಜಂಪ್ ಮಾಡಿದ್ದ ಯುವಕ ಕೆಳಗೆ ಇಳಿಯುವ ಸಮಯ ಒಂದೇ ಆಗಿತ್ತು...! ಯುವಕನ ಕೈಯ ಪಕ್ಕದಲ್ಲೇ ಹಾವು ಸಂಚರಿಸುತ್ತಿತ್ತು...

Also Read : ಅರಣ್ಯ ಇಲಾಖೆ ಸಿಬ್ಬಂದಿ ಮೇಲೆರಗಿದ ಚಿರತೆ : ಸೆರೆ ಹಿಡಿದರೂ ಉಳಿಯಲೇ ಇಲ್ಲ ಖುಷಿ!

ಅಪ್ಲೋಡ್ ಆದ ದಿನದಿಂದಲೂ ಈ ವಿಡಿಯೋವನ್ನು ಎಲ್ಲರೂ ಕುತೂಹಲದಿಂದ ವೀಕ್ಷಿಸಿದ್ದಾರೆ. ಅಲ್ಲದೆ, ಈ ವಿಡಿಯೋ ಒಂದು ಕ್ಷಣ ನೋಡಿದ ಎಲ್ಲರನ್ನೂ ಭಯಬೀಳಿಸುವಂತಿದೆ...