ದೇಹದ ತೂಕದ ಕಾರಣದಿಂದಲೇ ಉಳಿಯಿತು ಯುವಕನ ಜೀವ! : ಇಲ್ಲಿದೆ ವಿಡಿಯೋ

ಸಾಮಾನ್ಯವಾಗಿ ಎಲ್ಲರೂ ಸ್ಲಿಮ್ ಆಗಿರಲು ಬಯಸುತ್ತಾರೆ. ದೇಹದ ತೂಕ ಹೆಚ್ಚಾದರೆ ಎಲ್ಲರಲ್ಲೂ ಒಂದು ರೀತಿಯ ಭಯ ಆವರಿಸಿಬಿಡುತ್ತದೆ. ಆದರೆ, ಇಲ್ಲೊಬ್ಬ ವ್ಯಕ್ತಿಯ ಪಾಲಿಗೆ ಒಂದು ಅಪಾಯದ ಸನ್ನಿವೇಶದಲ್ಲಿ ಆತನ ದೇಹದ ತೂಕವೇ ವರವಾಗಿದೆ. ದೇಹದ ತೂಕದ ಕಾರಣದಿಂದಲೇ ಈತ ಬಾವಿಗೆ ಬೀಳದೆ ಪಾರಾಗಿದ್ದಾನೆ...!

ಇದು ನಡೆದಿರುವುದು ಮಧ್ಯ ಚೀನಾದ ಹೆನಾನ್ ಪ್ರಾಂತ್ಯದ ಲುಯೊಯಾಂಗ್ ನಗರದಲ್ಲಿ. 28 ವರ್ಷದ ಲೀ ಎಂಬಾತ ಈಗ ಅದೃಷ್ಟವಶಾತ್ ಅಪಾಯದಿಂದ ಪಾರಾದವನು. ಲೀ ತನ್ನ ಮನೆಯ ಸಣ್ಣ ಬಾವಿಗೆ ಮುಚ್ಚಿದ್ದ ಮರದ ಹಲಗೆ ಮೇಲೆ ನಿಂತು ಕುಣಿಯುತ್ತಿದ್ದ. ಈ ವೇಳೆ, ಈ ಹಲಗೆ ತುಂಡಾಗಿದ್ದರಿಂದ ಲೀ ಬಾವಿಯೊಳಗೆ ಜಾರಿದ್ದ. ಆದರೆ, ಲೀ ಬಾವಿಯೊಳಗೆ ಬಿದ್ದಿರಲಿಲ್ಲ. ಬದಲಾಗಿ, ದೇಹದ ತೂಕ ಜಾಸ್ತಿ ಇದ್ದುದರಿಂದ ಈತನ ಸೊಂಟ ಅರ್ಧದಲ್ಲೇ ಸಿಕ್ಕಿಬಿದ್ದಿತ್ತು. ಪರಿಣಾಮ, ಲೀಗೆ ಮೇಲೆ ಬರುವುದಕ್ಕೂ ಸಾಧ್ಯವಾಗಿರಲಿಲ್ಲ. ಹೀಗಾಗಿ, ಮನೆಯವರು ತಕ್ಷಣ ಅಗ್ನಿಶಾಮಕ ದಳಕ್ಕೆ ಮಾಹಿತಿ ನೀಡಿದ್ದರು.

Also Read : ಗೆಳೆಯನ 2 ಕೋಟಿ ರೂ ಮೌಲ್ಯದ ಲ್ಯಾಂಬೋರ್ಗಿನಿ ತಂದು ಗೋಡೆಗೆ ಗುದ್ದಿದ ಭೂಪ!

ವಿಷಯ ತಿಳಿದು ಸ್ಥಳಕ್ಕೆ ಬಂದ ಅಗ್ನಿಶಾಮಕ ದಳ ಸಿಬ್ಬಂದಿ ಲೀ ಸೊಂಟಕ್ಕೆ ಜಾಗರೂಕತೆಯಿಂದ ಹಗ್ಗವನ್ನು ಬಿಗಿದು ಈತನನ್ನು ನಿಧಾನವಾಗಿ ಮೇಲಕ್ಕೆತ್ತಿದ್ದಾರೆ. ಈ ಕಾರ್ಯಾಚರಣೆಯನ್ನು ಲುಯೊಯಾಂಗ್ ಅಗ್ನಿಶಾಮಕ ದಳ ಯಶಸ್ವಿಯಾಗಿ ಮುಗಿಸಿದೆ. ಲೀಗೆ ಯಾವುದೇ ಅಪಾಯವಾಗದಂತೆ ಇವರು ಆತನನ್ನು ಮೇಲಕ್ಕೆತ್ತಿದ್ದಾರೆ. ಅಗ್ನಿಶಾಮಕ ದಳದ ಅಂದಾಜು ಪ್ರಕಾರ ಲೀ 500 ಪೌಂಡ್ ತೂಕವಿದ್ದು, ಇದೇ ತೂಕದಿಂದ ಆತ ಬಾವಿಯೊಳಗೆ ಬೀಳದೆ ಸಿಕ್ಕಿಕೊಂಡಿದ್ದನಂತೆ.

Also Read : ವಿದ್ಯುತ್ ಕಂಬವೇರಿ ತಂತಿಗಳನ್ನು ದುರಸ್ತಿ ಮಾಡುವ ಸಾಧಕಿ : ಇದು ಸ್ಫೂರ್ತಿದಾಯಕ ಕತೆ


Also Read : Viral Video : ಹಸಿವಾಗಿದೆ ಎಂದು ಪಿಯಾನೋ ನುಡಿಸಿ ಹೇಳುತ್ತದೆ ಈ ಬೆಕ್ಕು...!

ಲೀ ಮಾನಸಿಕ ಅಸ್ವಸ್ಥೆಯಿಂದ ಬಳಲುತ್ತಿರುವುದಾಗಿಯೂ ಗೊತ್ತಾಗಿದೆ. ಹೀಗಾಗಿ, ನೀರು ಕಡಿಮೆಯಾದ ಬಳಿಕ ಈ ಬಾವಿಯನ್ನು ಮುಚ್ಚಲು ಮನೆಯವರು ನಿರ್ಧರಿಸಿದ್ದಾರೆ. ಸದ್ಯ ಲೀ ರಕ್ಷಣೆಯ ವಿಡಿಯೋ ವಿವಿಧ ಸೋಶಿಯಲ್ ಮೀಡಿಯಾದಲ್ಲಿ ವೈರಲ್ ಆಗುತ್ತಿದೆ.