ರೋಡ್ ರೋಲರ್ ಅಡಿಯಲ್ಲಿ 72 ಲಕ್ಷ ರೂ ಮೌಲ್ಯದ ಮದ್ಯ ಪುಡಿಪುಡಿ : ಎಣ್ಣೆ ಪ್ರಿಯರ ಕಣ್ಣೀರು!

ಈ ದೃಶ್ಯ ಮದ್ಯಪ್ರಿಯರಿಗೆ ನೋವು ತರಿಸಿದೆ... ಕಣ್ಣೆದುರೇ ರೋಡ್ ರೋಲರ್ ಅಡಿಗೆ ಬಿದ್ದು ಎಣ್ಣೆ ಬಾಟಲಿಗಳು ಸಿಡಿಸಿಡಿದು ಅಪ್ಪಚ್ಚಿಯಾಗುತ್ತಿದೆ ಎಂದು ಗೊತ್ತಾದರೆ ಯಾರಿಗೆ ತಾನೇ ನೋವಾಗಲ್ಲ ಹೇಳಿ...? ಅದೂ ನೂರು ಇನ್ನೂರು ರೂಪಾಯಿ ಮೌಲ್ಯದ ಬಾಟಲಿಗಳಲ್ಲ... ಬರೋಬ್ಬರಿ 72 ಲಕ್ಷ ರೂ ಮೌಲ್ಯದ್ದು...!

Also Read : ಅಳಿಯನನ್ನೇ ಮದುವೆಯಾಗಿದ್ದ ಅತ್ತೆ! : ಈಗ ಸುಖ ಸುಂಸಾರದಲ್ಲಿ ಹುಳಿ ಹಿಂಡುತ್ತಿದ್ದಾರಂತೆ ಮಗಳು!

ಮದ್ಯಪ್ರಿಯರ ಹೃದಯವನ್ನು ಘಾಸಿಗೊಳಿಸಿರುವ ಇಂತಹ ದೃಶ್ಯ ಸೆರೆಯಾಗಿದ್ದು ಆಂಧ್ರಪ್ರದೇಶದ ಕೃಷ್ಣ ಜಿಲ್ಲೆಯಲ್ಲಿ. ಇಲ್ಲಿ ವಿವಿಧ ಪ್ರಕರಣಗಳಲ್ಲಿ ವಶಪಡಿಸಿಕೊಂಡಿರುವ ಸುಮಾರು 72 ಲಕ್ಷ ರೂ.ಗಳ ಮೌಲ್ಯದ ಬಾಟಲಿಗಳನ್ನು ಪೊಲೀಸರು ಮಚಿಲಿಪಟ್ನಂನ ಪೊಲೀಸ್ ಪೆರೇಡ್ ಮೈದಾನದಲ್ಲಿ ರೋಡ್ ರೋಲರ್ ಮೂಲಕ ನಾಶಪಡಿಸಿದ್ದಾರೆ. ರೋಡ್ ರೋಲರ್ ಅಡಿಗೆ ಬಿದ್ದು ಬಾಟಲಿಗಳು ಚಿಟಪಟ ಸಿಡಿಯುವಾಗ ಎಣ್ಣೆ ಪ್ರಿಯರ ಎದೆಗೆ ಗುಂಡು ಹೊಡೆದಂತಾಗಿತ್ತು...!

Also Read : ಜೋಕಾಲಿಯಲ್ಲಿ ವೃದ್ಧರೊಬ್ಬರ ಸ್ಟಂಟ್ : ಈ ವಿಡಿಯೋ ನೋಡಿದರೆ ಅಚ್ಚರಿಯಾಗುತ್ತದೆ

ಬರೋಬ್ಬರಿ 14,189 ಬಾಟಲಿ ಮದ್ಯವನ್ನು ಇಲ್ಲಿ ನಾಶಪಡಿಸಲಾಗಿದೆ. ಜಿಲ್ಲೆಯ 10 ಪೊಲೀಸ್ ಠಾಣೆಗಳ ವ್ಯಾಪ್ತಿಯಲ್ಲಿ ದಾಖಲಾದ ವಿವಿಧ ಅಬಕಾರಿ ಪ್ರಕರಣಗಳಲ್ಲಿ ವಶಪಡಿಸಿಕೊಂಡ ಮದ್ಯಗಳಿವು. ಸದ್ಯ ಈ ವಿಡಿಯೋ ಸೋಶಿಯಲ್ ಮೀಡಿಯಾದಲ್ಲಿ ವೈರಲ್ ಆಗುತ್ತಿವೆ. ಈ ವಿಡಿಯೋ ಕಂಡ ನೆಟ್ಟಿಗರು ಚಿಂತಿತರಾಗಿದ್ದಾರೆ.

Also Read : ಕಾಡುತ್ತಿದ್ದ ಮನೆ ನೆನಪು : ಮಾಲಿಕನನ್ನು ಹುಡುಕಿಕೊಂಡು 100 ಕಿ.ಮೀ ದೂರದಿಂದ ಬಂದ ಒಂಟೆ...!

ಈ ಲಾಕ್‌ಡೌನ್ ಸಮಯದಲ್ಲಿ ಹಲವರು ಮದ್ಯ ಸಿಗುವುದಿಲ್ಲ ಎಂದು ನೊಂದಿದ್ದರು. ಅದೂ ಅಲ್ಲದೆ, ಸ್ನೇಹಿತರೊಂದಿಗೆ ಎಲ್ಲಾ ಸೇರಿ ಪಾರ್ಟಿ ಮಾಡಿ ಎಷ್ಟು ದಿನಗಳಾಗಿದ್ದವೋ. ಇಂತಹ ಸಂದರ್ಭದಲ್ಲಿ ಕಣ್ಣೆದುರೇ ಇಷ್ಟು ಬಾಟಲಿ ಮದ್ಯವನ್ನು ನಾಶ ಮಾಡುತ್ತಿರುವುದು ಸಹಜವಾಗಿಯೇ ಎಣ್ಣೆ ಪ್ರಿಯರ ಕರುಳನ್ನು ಹಿಂಡುವಂತೆ ಮಾಡಿದೆ. ಸದ್ಯ ಈ ವಿಡಿಯೋ ವೈರಲ್ ಆಗುತ್ತಿದ್ದಂತೆಯೇ ನೆಟ್ಟಿಗರು ಕೆಲ ತಮಾಷೆಯ ಪ್ರತಿಕ್ರಿಯೆಯನ್ನೂ ನೀಡಿದ್ದಾರೆ. ಈ ಪ್ರತಿಕ್ರಿಯೆಗಳು ನಗೆಯುಕ್ಕಿಸುವಂತಿವೆ.