Shocking Video : ಭಯಂಕರ ಗಾಳಿಗೆ ತರಗೆಲೆಯಂತೆ ಬಿದ್ದ ಟ್ರಕ್‌ಗಳು...!

ಟನ್‌ಗಟ್ಟಲೆ ತೂಕದ ಟ್ರಕ್ ಅದು... ಆದರೆ, ಗಾಳಿಯ ವೇಗಕ್ಕೆ ಈ ಟ್ರಕ್‌ಗಳ ತೂಕ ಲೆಕ್ಕಕ್ಕೇ ಇಲ್ಲ... ಯಾಕೆಂದರೆ, ಗಾಳಿಯ ವೇಗಕ್ಕೆ ಇಲ್ಲಿ ಟ್ರಕ್‌ಗಳು ನಿಯಂತ್ರಣ ಕಳೆದುಕೊಂಡು ಒಂದರ ಹಿಂದೊಂದರಂತೆ ಉರುಳಿ ಬೀಳುತ್ತಿದ್ದವು...!

ಸಾಮಾಜಿಕ ಮಾಧ್ಯಮಗಳಲ್ಲಿ ಸದಾ ಅಚ್ಚರಿಯ ವಿಡಿಯೋಗಳು ವೈರಲ್ ಆಗುತ್ತಲೇ ಇರುತ್ತವೆ. ಕೆಲವೊಮ್ಮೆ ಇಂತಹ ದೃಶ್ಯಗಳನ್ನು ಕಂಡಾಗಲೆಲ್ಲಾ ಎದೆಯೇ ಒಡೆದಂತಾಗುತ್ತದೆ. ಸದ್ಯ ಇಂತಹದ್ದೇ ಮತ್ತೊಂದು ವಿಡಿಯೋ ವೈರಲ್ ಆಗುತ್ತಿದೆ. ಈ ವಿಡಿಯೋ ನೋಡಿದರೆ ನಿಜಕ್ಕೂ ಭಯವಾಗುತ್ತದೆ.

ಇದು ಕಳೆದ ವಾರ ಯುಎಸ್‌ನ ಉತ್ತಾಹ್‌ನಲ್ಲಿ ಸೆರೆಯಾದ ದೃಶ್ಯ. ಇಲ್ಲಿ ಮೊನ್ನೆ ಗಾಳಿ ಭಯಾನಕವಾಗಿ ಬೀಸುತ್ತಿತ್ತು. ಇಲ್ಲಿ ಗಾಳಿ ಅದೆಷ್ಟು ಭೀಕರವಾಗಿ ಬೀಸುತ್ತಿತ್ತು ಎಂದರೆ ಬೃಹತ್ ತೂಕದ ಟ್ರಕ್‌ಗಳೆಲ್ಲಾ ಕಾಗದ ರೀತಿ ನಿಯಂತ್ರಣ ಕಳೆದುಕೊಂಡು ರಸ್ತೆಯಲ್ಲಿಯೇ ಮಗುಚಿ ಬೀಳುತ್ತಿದ್ದವು. ಹೆದ್ದಾರಿಯುದ್ದಕ್ಕೂ ಹಲವಾರು ಟ್ರಕ್, ಟ್ರ್ಯಾಕ್ಟರ್‌ಗಳು ನಿಯಂತ್ರಣ ಕಳೆದುಕೊಂಡು ಉರುಳಿ ಬೀಳುವ ಫೋಟೋ, ವಿಡಿಯೋಗಳು ಕ್ಯಾಮೆರಾದಲ್ಲಿ ಸೆರೆಯಾಗಿದ್ದು, ಇದು ಈಗ ಸೋಶಿಯಲ್ ಮೀಡಿಯಾದಲ್ಲಿ ವೈರಲ್ ಆಗುತ್ತಿದೆ.

Also Read : ಸ್ವರ್ಗದಲ್ಲಿರುವ ತನ್ನ ಬೆಕ್ಕಿಗೆ ಪತ್ರ ಬರೆದ ಐದು ವರ್ಷದ ಮಗು : ಈ ಪತ್ರಕ್ಕೆ ಬಂದಿತ್ತು ಉತ್ತರ...!

ಸದ್ಯ ವೈರಲ್ ಆಗುತ್ತಿರುವ ಒಂದು ಕ್ಲಿಪ್‌ನಲ್ಲಿ ಬೃಹತ್ ಟ್ರಕ್ಕೊಂದು ನಿಯಂತ್ರಣ ಕಳೆದುಕೊಳ್ಳುವ ದೃಶ್ಯವಿದೆ. ಸಾಗುತ್ತಿದ್ದಾಗಲೇ ಸಂಪೂರ್ಣ ನಿಯಂತ್ರಣ ಕಳೆದುಕೊಳ್ಳುವ ಟ್ರಕ್ ಈಗಾಗಲೇ ಉರುಳಿ ಬಿದ್ದಿರುವ ಇನ್ನೊಂದು ಕಂಟೈನರ್ ಪಕ್ಕ ಹೋಗಿ ಬೀಳುತ್ತದೆ. ಇದೇ ರೀತಿ ಅನೇಕ ವಾಹನಗಳು ಇಲ್ಲಿ ಜಖಂಗೊಂಡಿದ್ದವು.


Also Read : ಬೆಲೆ ಕಟ್ಟಲಾಗದಂತಹ ಮಮತೆ : ಕೊನೆಗೂ ಅಮ್ಮನ ಮಡಿಲು ಸೇರಿದ ಮರಿ ಮೇಕೆ : ಈ ಕತೆಯೇ ಹೃದಯಸ್ಪರ್ಶಿ

ವಿನಾಶಕಾರಿಯಾಗಿ ಬೀಸುತ್ತಿದ್ದ ಈ ಗಾಳಿಗೆ ವಾಹನಗಳೊಂದಿಗೆ ಪವರ್‌ಲೈನ್‌ಗಳೂ ಬಲ ಕಳೆದುಕೊಂಡು ನೆಲಕ್ಕುರುಳಿದ್ದವು. ಈ ಪವರ್‌ಲೈನ್‌ಗಳೊಂದಿಗೆ ವಾಹನಗಳೂ ಆಟಿಕೆಗಳಂತೆ ಉರುಳಿ ಬೀಳುತ್ತಿದ್ದವು. ಇದನ್ನು ಹೆದ್ದಾರಿಯಲ್ಲಿ ಗಸ್ತು ತಿರುಗುತ್ತಿದ್ದ ಪೊಲೀಸರು ಗಮನಿಸಿದ್ದರು. ಹೀಗಾಗಿ, ವಾಹನ ಸವಾರರು ಯಾರೂ ಈ ದಾರಿಯಲ್ಲಿ ಬರದಂತೆಯೂ, ಸುರಕ್ಷಿತ ಸ್ಥಳಗಳಲ್ಲಿ ವಾಹನಗಳನ್ನು ನಿಲ್ಲಿಸಿ ಆಶ್ರಯ ಪಡೆಯುವಂತೆಯೂ ಪೊಲೀಸರು ಎಲ್ಲರಿಗೂ ಸೂಚನೆ ಕೊಟ್ಟಿದ್ದರು.


Also Read : ವ್ಯಾಕ್ಯೂಮ್ ಕ್ಲೀನರ್ ಭಯದಲ್ಲಿ ಶ್ವಾನದ ಬಳಿ ರಕ್ಷಣೆಗೆ ಓಡಿದ ಕಂದಮ್ಮ: ಹೃದಯಸ್ಪರ್ಶಿ ದೃಶ್ಯವಿದು

ಸದ್ಯ ಸೋಶಿಯಲ್ ಮೀಡಿಯಾದಲ್ಲಿ ಈ ವಿಡಿಯೋವನ್ನು ನೋಡುತ್ತಿರುವ ಎಲ್ಲರೂ ಅಚ್ಚರಿ ಮತ್ತು ದಿಗ್ಭಮೆ ವ್ಯಕ್ತಪಡಿಸಿದ್ದಾರೆ. ಈ ವಿಡಿಯೋ ಎಲ್ಲರನ್ನೂ ದಂಗುಬಡಿಸಿದೆ.