ಕಾಲು ನೋವಿನಿಂದ ನಿಧಾನವಾಗಿ ನಡೆಯುತ್ತಿದ್ದ ಒಡೆಯನೊಂದಿಗೆ ಕುಂಟುತ್ತಾ ಸಾಗಿದ ಶ್ವಾನ: ಕಾರಣ ಹೃದಯಸ್ಪರ್ಶಿ

ಶ್ವಾನಗಳು ಎಲ್ಲರ ನೆಚ್ಚಿನ ಸ್ನೇಹಿತರು. ಬಹುತೇಕರು ಶ್ವಾನಗಳ ಸ್ನೇಹವನ್ನು ಇಷ್ಟಪಡುತ್ತಾರೆ ಎಂಬುದು ಸತ್ಯ. ಮನೆಯ ಈ ಮುದ್ದು ಪ್ರಾಣಿಗಳೊಂದಿಗೆ ಸ್ವಲ್ಪ ಹೊತ್ತಾದರೂ ಕಳೆಯಲು ಕೆಲವರು ಇಷ್ಟಪಡುತ್ತಾರೆ. ಶ್ವಾನಗಳೂ ಅಷ್ಟೇ ಮನುಷ್ಯರೊಂದಿಗಿನ ಒಡನಾಟ ಇಷ್ಟಪಡುತ್ತವೆ. ಒಮ್ಮೊಮ್ಮೆ ಇದೇ ಶ್ವಾನಗಳು ತೋರುವ ಹೃದಯವಂತಿಕೆಯನ್ನು ಕಂಡಾಗ ಮನಸ್ಸು ತುಂಬಿ ಬರುತ್ತದೆ. ಈ ರೀತಿಯ ಅನೇಕ ಭಾವನಾತ್ಮಕ ದೃಶ್ಯಗಳು ಸೋಶಿಯಲ್ ಮೀಡಿಯಾದಲ್ಲಿ ಸದಾ ವೈರಲ್ ಆಗುತ್ತಲಿರುತ್ತದೆ. ಈ ದೃಶ್ಯ ಅರೆಕ್ಷಣದಲ್ಲಿ ಎಲ್ಲರನ್ನೂ ಸೆಳೆದು ಬಿಡುತ್ತದೆ. ಇದು ಕೂಡಾ ಅಂತಹದ್ದೇ ಒಂದು ಅಪೂರ್ವ ದೃಶ್ಯ. ಶ್ವಾನದ ಈ ಹೃದಯವಂತಿಕೆಯನ್ನು ಕಂಡಾಗ ನಿಜಕ್ಕೂ ಕಣ್ಣಾಲಿಗಳು ತುಂಬಿ ಬರುತ್ತವೆ.

Also Read : ಯುವತಿಯ ಸಂಗೀತದ ಮಾಧುರ್ಯ ಸವಿಯುತ್ತಲೇ ನಿದ್ರಿಸುವ ಹಸು: ಮನಸೆಳೆಯುವ ಅಪೂರ್ವ ದೃಶ್ಯವಿದು

ಭಾರತೀಯ ಅರಣ್ಯ ಸೇವೆಗಳ ಅಧಿಕಾರಿ ಸುಸಂತ ನಂದ ಅವರು ತಮ್ಮ ಟ್ವಿಟ್ಟರ್ ಖಾತೆಯಲ್ಲಿ ಇಂತಹದ್ದೊಂದು ಅಪೂರ್ವ ವಿಡಿಯೋವನ್ನು ಅಪ್ಲೋಡ್ ಮಾಡಿದ್ದಾರೆ. ವ್ಯಕ್ತಿಯೊಬ್ಬರು ಕಾಲಿಗೆ ಬ್ಯಾಂಡೇಜ್ ಹಾಕಿಕೊಂಡು ನೋವಿನಲ್ಲಿ ಕುಂಟುತ್ತಾ ತಮ್ಮ ಶ್ವಾನದೊಂದಿಗೆ ಬರುವ ದೃಶ್ಯದ ಮೂಲಕ ಈ ಕ್ಲಿಪ್ ಶುರುವಾಗುತ್ತದೆ. ಇಲ್ಲಿ ಶ್ವಾನ ಕೂಡಾ ಕುಂಟುತ್ತಾ ಸಾಗಿತ್ತು. ಆದರೆ, ಶ್ವಾನ ಹೀಗೆ ಕುಂಟುತ್ತಾ ಸಾಗಿದ್ದರ ಅಸಲಿ ಕಾರಣ ಬೇರೆಯದ್ದೇ ಇದೆ...!


Also Read : ಮೆಟ್ರೋ ನಿಲ್ದಾಣದಲ್ಲಿ ಕುಸಿದು ಬಿದ್ದ ವ್ಯಕ್ತಿಯ ಪ್ರಾಣ ಉಳಿಸಿದ ಹೃದಯವಂತ : ನೆಟ್ಟಿಗರ ಭಾರೀ ಪ್ರಶಂಸೆ

ತಮ್ಮ ಮುದ್ದಿನ ಶ್ವಾನ ಕುಂಟುತ್ತಾ ನಡೆಯುತ್ತಿರುವುದನ್ನು ಕಂಡು ಸ್ವತಃ ಮಾಲಿಕರು ಕೂಡಾ ಆತಂಕಗೊಂಡಿದ್ದರು. ಹೀಗಾಗಿ, ತಮ್ಮ ನೋವಿನ ನಡುವೆಯೂ ಪಶುವೈದ್ಯರ ಬಳಿ ಶ್ವಾನವನ್ನು ಕರೆದುಕೊಂಡು ಬಂದ ಈ ಮಾಲಿಕರು ತಮ್ಮ ಮುದ್ದಿನ ಶ್ವಾನದ ಕಾಲಿಗೂ ನೋವಾಗಿದೆ ಎಂದು ಎಲ್ಲಾ ಪರೀಕ್ಷೆ ಮಾಡಿಸಿದ್ದರು. ಈ ಎಲ್ಲಾ ಪರೀಕ್ಷೆಗೆ 300 ಪೌಂಡ್ ಎಂದರೆ ಭಾರತದ ಸುಮಾರು 30,000 ರೂಪಾಯಿ ಬಿಲ್ ಆಗಿತ್ತು. ಆದರೆ, ಶ್ವಾನದ ಕಾಲಿನಲ್ಲಿ ಯಾವುದೇ ತೊಂದರೆ ಕಾಣಿಸಿಕೊಂಡಿರಲಿಲ್ಲ. ಆಗಲೇ ಗೊತ್ತಾಗಿದ್ದು, ಈ ಶ್ವಾನ ತನ್ನ ಮಾಲಿಕರ ದುಃಖಕ್ಕೆ ತಾನೂ ಸ್ಪಂದಿಸಬೇಕು, ಮಾಲಿಕರಿಗೆ ಸಹಾನುಭೂತಿ ತೋರಿಸಬೇಕು ಎಂಬ ಕಾರಣಕ್ಕೆ ಅವರನ್ನೇ ಅನುಕರಣೆ ಮಾಡುತ್ತಾ ಸಾಗಿತ್ತು ಎಂಬ ಸತ್ಯ...!

Also Read : ಒಡೆಯನಿಗೆ ನೋಟು ಎಣಿಸಲು ಎಮ್ಮೆಯ ಸಹಾಯ! : ಎಲ್ಲರಲ್ಲೂ ನಗುವರಳಿಸಿದ ತಮಾಷೆಯ ದೃಶ್ಯ ವೈರಲ್


ಲಂಡನ್‌ನ ರಸ್ಸೆಲ್ ಜೋನ್ಸ್‌ ಅವರ ಮುದ್ದಿನ ಶ್ವಾನದ ಹೋಪ್‌ನ ಹೃದಯಸ್ಪರ್ಶಿ ಕತೆ ಇದು. ಕಾಲಿಗೆ ಪ್ಲಾಸ್ಟರ್ ಹಾಕಿಕೊಂಡು ನೋವಿನಲ್ಲಿ ಸಾಗುತ್ತಿದ್ದ ರಸ್ಸೆಲ್ ಅವರನ್ನು ಕಂಡ ಹೋಪ್ ತಾನೂ ಕೂಡಾ ಅದೇ ರೀತಿ ನೋವಿದ್ದಂತೆಯೇ ನಡೆದಿತ್ತು. ಸದ್ಯ ಈ ವಿಡಿಯೋ ಸೋಶಿಯಲ್ ಮೀಡಿಯಾದಲ್ಲಿ ಸಖತ್ ವೈರಲ್ ಆಗುತ್ತಿದೆ. ಈ ವಿಡಿಯೋ ಲಕ್ಷಾಂತರ ವೀಕ್ಷಣೆ ಮತ್ತು ಮೆಚ್ಚುಗೆ ಗಳಿಸುವಲ್ಲಿ ಈಗ ಯಶಸ್ವಿಯಾಗಿದೆ. ಎಲ್ಲರೂ ಈ ಮುಗ್ಧ ಮೂಕ ಪ್ರಾಣಿಯ ಪ್ರೀತಿ ಕಂಡು ಭಾವುಕರಾಗಿದ್ದಾರೆ.